II Samuuele 7:25 - O Mikanda Ikola

²⁵ O kiki-phe, u Jihova Nzambi, kizuelu kié ki ua bhana, kia tokala kua mubhikʼé, ni kia tokala ku dibhata diê, kumbidila-kiu mu mivu ia kambe dizubhilu, u bhange muene kioso ki ua tange.

II Samuuele 7:25 ပူးပေါင်းရင်းမြစ်များ

Dimatekenu 32:12

Eie-phe uambe kuma: Kidi muene ngà ku bhanga mbote, ngi sokolola o mbutu ié i soka ni museke bhu ndundu ia kalunga, ki u ẋikina ku u kuata konda mukonda dia kuvula.

II Samuuele 7:24

Mundu ué ua Izalaiele anga u a tungisa mu kala mundu ué ua di kalela mu mivu ia kambe dizubhilu; eie muene Jihova, ua di bhange u Nzambi iâ.

II Samuuele 7:26

Dijina dié di fumane jinge sé dizubhilu, phala aie ni ku ki tanga kuma: Jihova dia Ifuẋi, muene Nzambi ia tambula konda ia Izalaiele; o dibhata dia mubhikʼé Davidi dià tungiua bhu pholo ié.

I Jisobha 2:4

Phala Jihova ue a kumbidile o kizuelu kiê kia ngi bhele, uixi: Anʼé se a di langa o kuenda kuâ, nʼendela bhu pholo iami mu kidi, ni muẋima uâ uoso, ni muenhu uâ uoso, nga ki ambe kuma, ki kuà ku kamba muthu ué u ku bhingana bhu kiandu kia Izalaiele.

I Jisobha 8:26

Kiki ue, eie u Nzambi ia Izalaiele, kizuelu kié ki tenene, ki ua tangelele tatʼetu, ngunza ié Davidi.

II Malunda 6:17

Uila kiki, Jihova, Nzambi ia Izalaiele, kizuelu kié ki di bhange ki ua tanga kua mubhikʼé Davidi.

Jisálamu 119:38

Kumbidila jiplomesa jé kua selevende ié, uala kuinda kukaiela o uoma ué.

Jisálamu 119:49

Lembalala, Ngana, o kikutu ki ua ta ni selevende ié, kuma eie ua ngi dielelesa.

Izekiiele 36:37

O Jihova Nzambi ua tange kiki, uixi: Mu kienhiki hanji o muiji ua Izalaiele a-nda ku ngi bhinga-kiu; kuila nga kà a sokoluela athu kala kilunga kia ibhaku.

I Samuuele 1:23

Elikana munumʼiê anga u mu ambela, uixi: Bhanga kioso kia ku uabhela ki ua mono kia beta kuiuka; xala kunu katé kioso ki u mu sumuna; Jihova phe a kolese ngó o kizuelu kié ki ua zuela. Muhatu anga u xala ku bhata, u amuisa monʼê katé kia mu sumuna.