II Samuuele 7:2 - O Mikanda Ikola

² Muenexi u ambela polofeta Natane, uixi: Talesa, eme nga tungu mʼonzo ia musédulu, o álaka ia Nzambi phe hanji ia tungu mu jilona ja balaka.

II Samuuele 7:2 ပူးပေါင်းရင်းမြစ်များ

II Samuuele 11:11

Udiia anga u ambela Davidi, uixi: O álaka, ni Izalaiele, ni Juda ala ngó mu jifundu; muadiʼami Jouabe, ni makuenze a muadiʼami, a te kibangu mu mukáu ua hatu; eme-phe phala-hi ngiia mʼonzo iami mu kúdia ni kúnua ni kuzeka ni mukajiʼami? Ki kôla, Ngana, eie muenexi, kikôla ni muenhu ué moxi! Eme kima kienhiki nga ditunu ku ki bhanga!

II Samuuele 12:1

Jihova phe anga u tuma Natane kua Davidi. Anga u bokona mʼonzo iê, u tula, hé u mu ambela, uixi: Sai malʼaiadi a tunga bhata dimoxi; o iú mvuama, o iú ngadiama.

II Samuuele 5:11

Hilamu, sobha ia Tilu, anga u tuma jiphunga kua Davidi, ni miẋi ia misédulu, ni jikalupindelu ni jipedelelu, Davidi anga a mu tungila inzo.

II Samuuele 6:17

Álaka ia Jihova anga a i bhiẋidisa, a i tula bhu kididi kiê mu kaẋi ka balaka ia iudika Davidi phala ku i bhakela-mu; Davidi anga u bhakula jisata ja kuoha, ni jisata ja kubhandulula kua Jihova.

II Samuuele 7:17

Kala kioso kia mu ambela Ngana mu maka mosoʼama, ni kioso kia a mono mu kisukila kiki, kiene muene kia tangela Natane kua Davidi.

I Jisobha 1:22

Bhenhabha-phe, kiosuʼiki muene hanji ua kuata kuzuela ni muenexi, polofeta Natane u bokona.

I Jisobha 1:8

O Nganga Zadoko-phe, ni Benaia monʼa Jehoiada, ni polofeta Natane, ni Ximei, ni Lei, ni mazonda oso a tokala ni Davidi, ka zuama-ku kua Adoniia.

I Jisobha 4:5

Azadiia, monʼa Natane, u tambula konda ia jikapataji; o Zabudi, monʼa Natane, muene kamba dia sobha, mukua ku mu bhana o jikaiula;

I Jisobha 8:17

O tatʼetu Davidi ue, kia mu kexi ku muẋima ue kutungila inzo o dijina dia Jihova, o Nzambi ia Izalaiele.

I Malunda 14:1

Hilamu-phe, sobha ia Tilu, u tumikisa o jiphunga jê kua Davidi, ni mabaia a misédulu, ni atungi a jonzo ja jindobhi, ni akua kusonga mabaia, phala ku mu tungila inzo.

I Malunda 16:1

O álaka ia Nzambi kioso ki iabhiẋila-phe, a itula mu kaẋi ka balaka ia tungile Davidi; anga a satela jisata ja kuoha ni ja uembu bhu pholo ia Nzambi.

I Malunda 22:7

Davidi anga uambela Solomá, uixi: Monʼami, tata, eme bhabha, kia ngi kexile ku muẋima o kutunga inzo phala o dijina dia Jihova, Nzambi iami.

I Malunda 29:29

O dilunda dia ima ioso ia bhangele sobha Davidi, kutale ia dianga, uixi ia sukidila-ku, tala, iòsoneke mu divulu dia Malunda a Samuuele, o mukua lumono, ni mu Malunda a polofeta Natane, ni mu Malunda a Ngadi, mukua lumono lua kumona.

II Malunda 1:4

Maji-phe Davidi ua katuile o Alaka ia Nzambi bhu Kidiate-jadimi hé u i bandesa bhu kididi kia i iudikila, kuma ua i tungidile balaka mu Jeluzaleme.

II Malunda 29:25

Anga u ta o jilevita mʼonzo ia Jihova ni jingoma ja ngondo, ni jikakoxi ni jimbanza kala kia tuma Davidi ni Ngade, ua kexe mu ku zambuila sobha ni polofeta Natane; mukonda kiene kia tumina Jihova, ku lukuaku lua jipolofeta jê.

II Malunda 9:29

O ima ia mukuá dingi ia Solomá, kutale ia dianga, uixi ia sukidila, manhi ka i soneka mu divulu dia mazuelelu ma Natane, polofeta, ni mu ukunji ua upolofeta ua Ahiia, mukua Silo, ni mu jinzoji ja Idu, o muzambuidi, ku mbandu ia Jelebouamu monʼa Nebate?

Jisálamu 132:2

kioso kia lokela Jihova, anga u di hambelela kua Ngunza ia Jakobo, uixi:

Jisálamu 132:5

katé ki ngi sota kididi kia Jihova kia kutula, o dibhata mu tunga Ngunza ia Jakobo.

Makatukilu 40:21

u ta kibhuna kia kiadi, anga u nhenga dibeka dia kibatulu, kifua álaka ua i xitila, kala kia tumu Jihova kua Mozé.

Ajeu 1:4

Kifua thembu iii phala enu kukala mu jinzu jauabha, o inzu iii ni ixale ngundu?

Nzuá 2:17

Jixibulu jê anga ji lembalala kuma a ki soneka mu Mikanda Ikôla, exi: O henda i nga kuatela inzu iê, eie u Nzambi, ioha o muẋima uami kala túbhia.

Jipoxolo 7:46

Davidi iú, anga u mona kuzediua ku mesu ma Nzambi, hé u bhinga kua Ngana phala ku mu ehela kuila Nzambi ia Jakobo u mu tungila dibhata.