II Samuuele 7:18 - O Mikanda Ikola

¹⁸ Davidi, muenexi, bhenhobho u bokona hé u xikama bhu pholo ia Jihova, uixi: emeʼeme nanhi, Ngana iami, Jihova, tata! dibhata diami akuahi, phala u ngi bheke ditala kala didi?

II Samuuele 7:18 ပူးပေါင်းရင်းမြစ်များ

Dimatekenu 32:10

ngi muthu ki nga fuama, né kòfele, ku ngi bhanga jihenda josoʼiji, ni kidi kioso ki ua ngi bhanga, ngi mubhikʼé; kuma ki nga zaukile Njolodá mueniú, ngʼambatele ngó mbangala; kiki phe nga di bhange ngi ilombo iiadi.

Dimatekenu 32:11

Ngi kudile, nga ku diondo, bhu lukuaku lua kota diami, o lukuaku lua Izaú; kuma nga mu kala ni uoma mba uiza u ngi kuama, ni mama ni ana kumoxi.

II Samuuele 23:5

Dibhata diami manhi ki kiene ki dia tungiua ku mesu ma Nzambi? Kuma ua te ni eme kikutu ki nangenena, kia jimbuluka mu ima ioso, kiókondeke; ioso ia kubhanduluka kuami, ioso ia mbote i ngʼinda, manhi ki muene u i buingitisa?

II Samuuele 7:17

Kala kioso kia mu ambela Ngana mu maka mosoʼama, ni kioso kia a mono mu kisukila kiki, kiene muene kia tangela Natane kua Davidi.

I Malunda 17:16

Bhenhobho sobha Davidi-phe hé ubokona mʼonzo ia Ngana, anga u kala bhu pholo ia Jihova, uixi: Eme nanhi, Ngana Nzambi, ua ngi bheka katé bhabha, o inzo iami ue kima kiahi?

I Malunda 29:14

Mukonda eme-eme nanhi, o mundu uami ue à nanhi, ni tu kale ni kutena kua ku ku bhana ni vondadi o ima ia difu kiki? Mukonda o ima ioso i tunda kokué, etu ue tua i bhana bhu lukuaku luê.

Jisálamu 8:4

Muthu muene ua soko kiebhi, phala eie ku mu suua? Mba monʼa muthu, kuila eie u mu ta muẋima?

Makatukilu 3:11

Mozé anga u ambela Nzambi, uixi: Emiʼeme nanhi, Ngana, nga kàie kua Falaó, ni nga kà tundisa anʼa Izalaiele mu Ijitu?

Izaía 37:14

Ezekiia-phe, kia tambula mikanda iii ku maku ma jiphunga, o kia zubha ku i tanga, u banda na-iu mʼonzo ia Jihova, u i futunuina bhu pholo ia Nzambi.

Efezo 3:8

Eme muene ngala ngi ndenge ia jindene mu ʼaxaxe ka akua Ngana oso. Maji o Nzambi ua ngi bhange ujitu uosʼú ua ku ngi bhana o kutudila matumbu o Njimbu Iambote, ia jimbongo ja Kristu, jolémbue ku ji tongolola.

Afundixi 6:15

Muene anga u mu ambela, uixi: Ngana, tata, eme Izalaiele ngi mu kudila ni kima kiahi? O kibuka kia vumu dia tatʼetu, kiene kiala ndenge mu muiji ua Manasa, o mu bhata dia tatʼetu, eme-eme ngala ngi kasule kâ.

Lute 2:10

Lute anga u di ṗhudikila bhoxi u bhetama pholo katé mu mavu, anga u mu ambela, uixi: Kia bhiti kiebhi, ngana, nga bongo kiadi ku mesu mé, phala ku ngi suua kiki, eme ngi mukua ʼxi iengi?

I Samuuele 15:17

Samuuele uixi: Sumbala eie ua tolele ku mesu mé eʼmuene, maji a ku zangeleka-ze mù kala u mutue ua miji ioso ia Izalaiele; Jihova iú ua ku undu kukala u sobha iâ?

I Samuuele 18:18

Bhenhobho Davidi anga u ambela Saúlo, uixi: Eme-phe nanhi? O kikexilu kiami ngoho kiahi? Mba o familia ia tatʼetu akuahi mu Izalaiele, phala eme ngi kale lelu ngi holome ia muenexi?

I Samuuele 9:21

Saúlo anga u kumbulula, uixi: Eme ki ngi mukua muiji ua Bejamí, o kasule ka miiji ioso ia Izalaiele? O família iami ue ki iene kasule ka jifamília joso ja muiji ua Bejamí? Eie-phe u ngi zuelesela-hi kiki?