II Samuuele 7:16 - O Mikanda Ikola

¹⁶ Dibhata dié-phe ni utuminu ué uà kola ku pholo ku uia, kiandu kié kià xala sé dizubhilu.

II Samuuele 7:16 ပူးပေါင်းရင်းမြစ်များ

Dimatekenu 49:10

Mbasá ia ungana ki ia ka sondoloka kua Juda, o muiji uê ki ua kʼàbhua kijingo kia kutumina; katé bhua kʼèjila Mukunji a-nda ku mu tumikisa, ua bhingi a mu tumaka kuala o ifuẋi ioso.

II Samuuele 22:51

Muene, Sobha iê, u mu bhana kubhanduluka kua nzungule, u idikiza jihenda javulu ku muthu uê ua mu undu ni maji, kua Davidi ni mbutu iê, katé ku hádia ni hádia.

II Samuuele 7:13

Muenhú muene hinu u ngi tungila inzo ia dijina diami, o kiandu kia utuminu uê ngi ki kolesa bhu kididi, anga kia kà xalela.

II Samuuele 7:17

Kala kioso kia mu ambela Ngana mu maka mosoʼama, ni kioso kia a mono mu kisukila kiki, kiene muene kia tangela Natane kua Davidi.

I Jisobha 2:4

Phala Jihova ue a kumbidile o kizuelu kiê kia ngi bhele, uixi: Anʼé se a di langa o kuenda kuâ, nʼendela bhu pholo iami mu kidi, ni muẋima uâ uoso, ni muenhu uâ uoso, nga ki ambe kuma, ki kuà ku kamba muthu ué u ku bhingana bhu kiandu kia Izalaiele.

I Jisobha 9:5

eme ue nga ka kuatesa muene o kiandu kia ungana ué ku thandu dia Izalaiele ioso ni ku hádia ni hádia, kala ki nga tangele ku mbandu ia tatʼenu Davidi, ngixi: Ki kuà ku kamba diiala u xikama bhu kiandu kia Izalaiele.

II Jisobha 19:34

Uixi: Mukonda o mbanza iii nga-nda ku i kambuidila, mbé o ku i bhulula mukonda dia jihjenda jami Eme-muène ni mukonda dia henda i nga kuatela mubhikʼami Davidi.

II Jisobha 8:19

Maji-phe, Jihova kʼandalele kusengulula Juda, mukonda dia jihenda jà kuatela Davidi, dia mubhikʼê, kala kia muʼambelele, kuila: Nga-nda ku kubhana kandeia ku anʼé, katé ku hádia ni hádia.

II Malunda 6:16

O kikiphe, Jihova, Nzambi ia Izalaiele, bhakela mubhikʼé Davidi, tatʼetu ioso i ua mu tangela, uixi: Ki mungu dingi kokué ku kamba dikuenze bhu pholo iami, u xikama bhu kiandu kia Izalaiele; inda kima kimoxi ngó ki nga ku bhingi, kuila anʼé aluke njila ié-eie, mu kuenda mu kitumu kiami, kala eie ki uenda jinga bhu pholo iami.

Jobe 36:7

Ku athu a iuka muene ka katula-ku o mesu mê; maji u a xikika kumoxi ni jisobha ku kiandu, hé u a zangeleka ku mivu ni mivu ki iene kúbhua.

Jisálamu 45:6

Kiandu kié, Nzambi iami, ki xalela sè thembu, katé ku hádia ni hádia; mbasá ia utuminu ué, ia kukumbidila kuoso.

Jisálamu 72:5

Athu a ku kale ni uoma ku miji ni miji, kioso ki kukala hanjii o dikumbi ni mbeje.

Jisálamu 89:4

Ngixi o mbutu ié i laia muene ni ku hádia ni hádia; kiandu kié ngi ki tunga ni ki nangenena, kutunda muiji kuiza muiji. (Selah.)

Izaía 9:6

Kuma a tu vualela mona, a tu bhana mona ua diiala; o kutumina a mu tuika-ku bhu isuxi iê, o dijina diê a kà mu luka: Kidiuanau, Ndongixi, Nzambi ia Nguzu, Tata Inangenena, Kilamba kia Paze.

Izaía 9:7

O kukula kua ulamba uenhú, ki kuene mbambe; o kutululuka kuê ki kuene kúbhua; ua tulama bhu kiandu kia Davidi ni ku usobha uê, phala ku u kuatesa bhu kididi, ni ku u fikidila mu kutetuluka ni mu uiukilu, tunde kiki katé ku hádia ni hádia; o muanu ua Jihova dia Ilômbo Ieta uene ua-nda ku bhanga kienhiki.

Jelemiia 17:25

Kuabhu-phe, bhu mielu iii ia mbonge, hinu bhu kala mu bokuena jisobha ni anʼa jingana, a tulama bhu kiandu kia Davidi, endela mu makalu ni ku jimonde, ni ene ni adiakimeʼâ, o mala a Juda ni akua bhata mu Jeluzaleme: O mbonge iii-phe, i tunga muene i soma mu thembu joso.

Jelemiia 33:17

Mbata Jihova uambe kiki, uixi: Davidi ki mungu dingi ku mu kamba mona ua diiala u xikama bhu kiandu kia dibhata dia Izalaiele.

Izekiiele 37:25

Hé a kà tunga mu ixi i nga bhana kua mubhikʼami Jakobo, mu ixi mua tungile o jitata jenu; hé a kà tunga muenhomo, ni ene ni anʼâ, ni ana a anʼâ, katé ku hádia ni hádia; o Davidi, dia mubhikʼami, muene u kala-mu o muadiakimi, katé ku mivu ni mivu ki iene kúbhua.

Daniiele 2:44

Maji, mu izuua ia jisobha jenhiji, o Nzambi ia diulu ua kà bhekaku o utuminu ki u xikina dingi ku u jikinisa; o utuminu iú kà u ehela ku bhita dingi bhu maku ma miji iengi; uene kiá ua kà sasujula o mautuminu mosoʼama anga a-bhua-ku, maji o uene ua kà xalela ni kutumina mu thembu joso katé ku hádia ni hádia.

Daniiele 7:14

Anga a mu bhana o kutumina, ni kijingo, ni ungana, phala miji ioso, ni ifuẋi, ni madimi moso ende ni ku mu bhikila muene. O kutumina kuê kua miaka, ku kuene dizubhilu, o ungana uê uene ngó, ka tena ku u bhuisa-ku.

Matesu 16:18

Kala kiki, ngi ku ambela dingi, kuma eie Phetele, o bhu ndànji iíi, bhene bhu ngi tunga o Ngeleja iami, o mielu ia Kalunga ki ia kà tena ku i lundumuna.

Nzuá 12:34

O kifuẋi-phe kia mu vutuila, exi: Etu tua di longo mu Kitumu kietu, kuma Kristu u xalela-ku kiá. Eie-phe ua-lu kuamba kiebhi, kuma o Monʼ a Muthu ku mavu a mu zangumuna-ku? Monʼ a Muthu, nanhi muene?

Jihebeleu 1:8

Maji o kua Monʼê, muene uixi: O kiandu kié, eie u Nzambi, kienié katé ku hádia ni hádia! Eie o Utuminu ué, ua kà uendesa ni mbasá ia kuiuka.

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!

I Samuuele 25:28

Loloka, nga ku diondo, o kutondala kua kahatu ké; kuma ni kidi muene, Jihova ua-nda ku ku tungila dibhata dinanga, ngana iami: mukonda ngana iami, jimvunda ji uene kuzoka, jimvunda ja Jihova; ka ku kuate ni kikuma izuua ié ioso.