II Samuuele 7:14 - O Mikanda Ikola

¹⁴ Eme ngi mu kala ngi tata iê, o muene u ngi kala monʼami. Se u bhukumuka anga u tondala, ngi mu beta ni mbangala ia kubeta athu, ngi mu bha jixikote ja anʼa athu.

II Samuuele 7:14 ပူးပေါင်းရင်းမြစ်များ

I Jisobha 11:34

Sumbala kiene, maji ku ungana iú-phe ki nga-nda ku tambula-ku kima bhu lukuaku lua Solomá, mukonda muene-phe nga mu bhange, kukala kilamba izuua ioso ia muenhu uê, mukonda dia henda i nga kuatela ngunza iami Davidi, ió nga mu tungula, mbata muene ua bhakele jinge o ijila iami ni itumu iami.

I Jisobha 9:6

Maji enu-phe ni anʼenu, se bhu kala kima ki mi sandula ko kuami, anga mu kamba kubhaka o ijila iami, ni i tumu iami, i nga diangele ku mi bhana, hé muia mu kubheza jinzambi jengi, ni kubhetama bhu pholo ia jinzambi jenhojo,

I Malunda 17:13

Eme nga kà mu kala ngi tata, o muene ua kà ngi kala mona; o kulenduka kua jihenda jami ki nga kà mu katula-ku anga ku di-tela kuengi, kala ki nga ku katuile kua ió ua ku diangelele-ku.

I Malunda 22:10

Muenhú muene ua kà tunga inzo phala o dijina diami; muene ua kà ngi kala monʼami ua diiala o eme ue ngi mu kala ngi tata iê; nga ka xikika o kiandu kia utuminu uê, ku thandu dia Izalaiele, katé ku hádia ni hádia, sé dizubhilu.

I Malunda 28:6

Iú ua ngʼambela, uixi: O monʼ é Solomá, muène ua kà ngi tungila o Tembulu iami ni malumbu mami. Mukonda Eme nga mu solo phala nʼ a kale monʼ ami, Eme ni ngi mu kale ngi tata.

Jobe 5:17

Tala-ze, kuma muthu ió ua zediua, uoso a mu bazela kuala Nzambi; eie-phe o kubazela kua Muteni-a-ioso ki ku ku kuate usudi.

Jisálamu 2:7

Ki ngʼedi ngi kola ngonge, Jihova ua ngʼambela, uixi: Eie u monʼami, lelu muene nga ku vuala.

Jelemiia 30:11

Mbata eme ngala kumoxi nʼeie, phala ku ku bhulula, Jihova ua ki tange; mukonda miji ioso mu nga ku muangena, nga-nda ku a bhana o zubhilu diâ; maji eie-phe, ki nga-nda ku ku zubhidisa, suke nga-nda ku ku bhana ue kaxtiku ké mu kizongelu kia fuama, kuma eie muene ue, ki ngi ku mono ni kukala kidi u muthu ua bene.

Matesu 3:17

Tala, bhenhobho ni dízui di tunda mu diulu, dixi: Muenhú Monʼ ami a kazola, ua ngi uabhela kiambote.

I Kolindo 11:32

O ki tu tambula-phe kaxtiku, Ngana ua tu beta, phala hinu ka kà tu êlese kumoxi ni mundu.

II Kolindo 6:18

Ngi mi kale ngi Tata ienu, enu mu ngi kale mu anʼ ami a mala ni àhatu kiene kiambe Ngana Uatena-Ioso.

Matendelelu 8:5

Mu ki xinganeka ni miẋima ienu kuma, mukuâ ni tata kia beta monʼê, kiene ue Jihova Nzambi ienu kia mi beta enu.

Jihebeleu 1:5

Kuma anju kuẋi, Nzambi iambelele uixi: Eie u monʼ ami, lelu muene nga di bhange ngi Tata ié. Kana-ku ue anju iambelele uixi: Eme ngi kala ngi Tatʼ enu, eie u kala u monʼ ami?

Dijingunuinu 21:7

Uoso u tolola, muène ua kà lundula kokuami o ima íii: Eme nga kà mu kala ngi Nzambi iê, muène uà kala monʼami.

Dijingunuinu 3:19

Oso u nga zola, ngʼa bazela, ngʼa beta. Phaphumuka-phe, u diele o ituxi ié.