II Samuuele 7:12 - O Mikanda Ikola

¹² O kia kà tenena izuua ié, ki ua kʼàia ku kilu ni a-tatʼenu, nga kà zangeleka o mbutu ié i ku bhingana ku dima, i tunda mu divumu dié muene, o utuminu uê ngi u kuatesa, u kola kiambote.

II Samuuele 7:12 ပူးပေါင်းရင်းမြစ်များ

Dimatekenu 15:4

Bhenhobho-phe, o kizuelu kia Jihova ki mu sanga, kixi: Muthu iú ki muene ua kà kala kabhinganu ké, maji o muthu ió ua kà tunda mu vumu dié, muene ua kà kala o mulundudi ué.

II Samuuele 22:51

Muene, Sobha iê, u mu bhana kubhanduluka kua nzungule, u idikiza jihenda javulu ku muthu uê ua mu undu ni maji, kua Davidi ni mbutu iê, katé ku hádia ni hádia.

I Jisobha 1:21

O ki u kamba ku ki bhanga, hádia ki ua kà zekela kumoxi ni a-tatʼenu, kùku, ngana iami, ni eme ni monʼami Solomá a tu kita tu akua kituxi.

I Jisobha 1:48

Muenexi ue iu ua zuela, uixi: Nga ki sakidila Jihova, Nzambi ia Izalaiele, ua ngi bhana muthu utena kuxikama bhu kiandu kiami kizuua kia lelu, katé muene eme nga ki mono ni mesuʼami.

I Jisobha 2:1

Kiki izuua ia Davidi kuila i mu zukama, ia kúfua, Davidi u tendelela Solomá monʼê, uixi:

I Jisobha 2:10

Davidi anga uia ku kilu kumoxi ni jitata je, anga a mu funda mu mbonge ia Davidi.

I Jisobha 2:4

Phala Jihova ue a kumbidile o kizuelu kiê kia ngi bhele, uixi: Anʼé se a di langa o kuenda kuâ, nʼendela bhu pholo iami mu kidi, ni muẋima uâ uoso, ni muenhu uâ uoso, nga ki ambe kuma, ki kuà ku kamba muthu ué u ku bhingana bhu kiandu kia Izalaiele.

I Jisobha 5:5

Kala kiki, nga mu xinganeka-phe kiá dijina dia Jihova Nzambi iami kuditungila Tembulu. O kienhiki, Jihova, mu ku ki tangela Davidi, tatʼetu ua mu zuelelele kiki, uixi: O monʼé nga-nda ku mu xikika bhu kiandu kia ungana bhu kididi kié, muene ua kà tungila o dijina diami Tembulu.

I Jisobha 8:15

Muene uixi: A tane-ku Jihova, Nzambi ia Izalaiele, ua zuelele ni dikanu diê kua tatʼetu Davidi, kʼi kia tenesena bhu lukuaku luê, uixi;

I Jisobha 8:19

Inzo iii-phe kʼeie ua-ndu i tunga; maji ua kà tungila inzo o dijina diami, monʼé ua diiala, ua-nda kutunda ku miongo ié.

I Jisobha 8:20

Ngana kienhiki ua tenesa o kizuelu kiê kia tangele; mukonda eme nga balumuka bhu kididi kia tatʼetu Davidi, eme nga xikama ku kiandu kia Izalaiele, kala kia ki tange Ngana; o dijina dia Ngana, Nzambi ia Izalaiele eme nga di tungila inzo.

I Jisobha 9:5

eme ue nga ka kuatesa muene o kiandu kia ungana ué ku thandu dia Izalaiele ioso ni ku hádia ni hádia, kala ki nga tangele ku mbandu ia tatʼenu Davidi, ngixi: Ki kuà ku kamba diiala u xikama bhu kiandu kia Izalaiele.

II Jisobha 8:19

Maji-phe, Jihova kʼandalele kusengulula Juda, mukonda dia jihenda jà kuatela Davidi, dia mubhikʼê, kala kia muʼambelele, kuila: Nga-nda ku kubhana kandeia ku anʼé, katé ku hádia ni hádia.

I Malunda 17:11

Hé kia kà kala-phe kuma, kioso kià katenena o izuua ié, phala kuia kuaia atatʼenu, nga kà ku balumuina o mbutu ié ni i ku bhingana, kifua kia kà kala muene muthu ku anʼé, eme anga nga kà kuatesa o kiandu kia utuminu uê.

II Malunda 1:9

O kiki-phe, u Jihova Nzambi, ki dikumbidile, o kizuelu kié ki ua bhana kua tatʼetu Davidi, kuma eie ua ngi bhange ngi sobha ia mundu ua vulu, kala fufutila ia mavu mu ngongo.

II Malunda 13:5

Manhi ki kia mi fuama ku kʼijiia, kuila Jihova, Nzambi ia Izalaiele, o ungana ua Izalaiele ua u bhana kua Davidi, ni muene ni anʼê, ku mivu ni mivu, mu kikutu kia môngua?

II Malunda 21:7

Maji-phe o Jihova kʼandalele ku muanga dibhata dia Davidi, mu kuxinganeka o kikutu kia tele ni Davidi; mukonda ue muene ua kiʼambele kuila ua-nda ku mu bhana jinga mu izuua ioso, dimuikinu, ni muene ni anʼê.

II Malunda 23:3

O kionge kioso kieneʼokio anga a ta kikutu ni sobha mʼonzo ia Nzambi. Joiada anga ua ambela, uixi: Talenu, o kiki monʼa sobha ua-nda kuhinga ungana, kala kia tanga Jihova ku anʼa Davidi.

II Malunda 6:15

eie ua bhakela mubhikʼé Davidi, tatʼetu, ioso i ua mu ambela; mukonda eie ua ki tange muene ni dikanu dié, eie ua ki bhange muene ku maku mé, kala ki kia di monekena leluʼidi.

II Malunda 6:9

Maji-phe, né kiene, inzu eie kʼeie ua-nda ku i tunga, inda o mona ua-nda kutunda ku miongo ié, muenʼió hádia muene ua kà tungila dijina diami o inzu.

Jisálamu 89:29

Muiji uê ki u kala dingi ni dizubhilu, kiandu kiê ki nanga kala o izuua ia maúlu.

Izaía 11:10

Kia kà kala-phe kiki, kuila, mu kizuuʼomo akua jixi a kà di ta mu kusota Lundanji lua Jese, a lu te mu ku kala mvela ia ifuẋi; o kididi kia dinhohenu diâ kia kʼèzala fuma ia tenena.

Izaía 9:7

O kukula kua ulamba uenhú, ki kuene mbambe; o kutululuka kuê ki kuene kúbhua; ua tulama bhu kiandu kia Davidi ni ku usobha uê, phala ku u kuatesa bhu kididi, ni ku u fikidila mu kutetuluka ni mu uiukilu, tunde kiki katé ku hádia ni hádia; o muanu ua Jihova dia Ilômbo Ieta uene ua-nda ku bhanga kienhiki.

Jelemiia 33:17

Mbata Jihova uambe kiki, uixi: Davidi ki mungu dingi ku mu kamba mona ua diiala u xikama bhu kiandu kia dibhata dia Izalaiele.

Daniiele 12:2

Ndumba ia athu ió aia ku kilu mu fufuta ia mavu ma ʼxi, a kà fukunuka, amoxi a kʼàia ku muenhu ki uàbhua, amukuá a kʼàia ku kididi kia phaxi, kuà kala o sonhi ni lusebu lu nangenena.

Matesu 1:1

Divulu dia Uvadiue ua Jezú Kristu, monʼa Davidi, monʼa Mbalahamu.

Luka 1:32

Muène uandu kala kota dia muthu, a kà mu ixana Monʼa Nzambi ia Diulu. O Ngana Nzambi ua kà mu bhanga Sobha, kala kia kexile tatʼâ Davidi mu xahulu.

Luka 24:27

Anga ua andekela ku madivulu a Mozé, hé u bhita mu madivulu a jipolofeta joso, ni ku a jimbuila ima ioso iòsoneke mu Mikanda Ikôla ia Nzambi, ia mu tokalele muène.

Jipoxolo 13:36

Kuma ni kidi, Davidi kia zubha ku di tuma ni Ngana ku muiji uê, uaia ku kilu, iá a mu tula ni jitata jê. Kalunga ka mu sekumuna muene.

Jipoxolo 2:30

Muène-phe kuma ua kexi polofeta, uejidile kuma Nzambi ua mu lokela kuila ku mbutu ia malômbo mê, hádia kukala muthu ua kà xikama ku kialu kiê kia ungana.

I Kolindo 15:51

Ivenu kiambote o kijinganu ʼiki: Etu ene oso ki tua kà sokela-ku mu kufua, maji etu ene oso tua kà kituluka muʼ anzanzʼomo.

Matendelelu 31:16

Jihova iú uambela Mozé, uixi: Talesa-ze, eie ua-nda kuia kiá ku kilu ku àia jitata jé; o kifuẋi kiki kia-nda kufundumuka mu kubhanga lubhandu lua jinzambi jengi, ja akua-jixi, kua-nda ku di telʼuku; eme a-nda ku ngi xa, o Kikutu ki nga tele-nâ a-nda ku ki bula.

I Tesalonika 4:14

Kuma etu tua xikana kuila Jezú ua fuile iú ua fukunuka. Kiene ue kimoxi oso a fuila mu kuxikana Jezú, Nzambi ua kà a bheka dingi kumoxi ni Jezú muene.