II Samuuele 7:10 - O Mikanda Ikola

¹⁰ Mundu uami ua Izalaiele nga a bhana kididi, nga-nda ku a phapha phala a tunge a some, ka bhingi dingi kutáula; isuéia ki i kala dingi mu ku a tatesa kala mʼokulu,

II Samuuele 7:10 ပူးပေါင်းရင်းမြစ်များ

II Jisobha 21:8

O Izalaiele ki nga-nda ku mu bhangesa dingi kuzangula o kinama kiê mʼoxi iii i nga bhana ku jitata jâ; kabasa a kala ngó ni muanu ua kubhanga ioso i nga a tendelela, kala ki iala mu kitumu kia Mozé dia mubhikʼami kia a lekelela.

I Malunda 17:9

Eme nga xindi kididi phala o mundu uami Izalaiele, nga kà u phapha muene, phala a tunge a some mu kididi kiâ, nuka dingi a a tutumbisa ni ku a bheka ku mbandu iii mba ku mbandu iamukuá; ki mungu dingi o ana a ísueia iná a kà a tatesa kala ku dimatekenu mʼukulu,

II Malunda 33:8

Ki mungu dingi ngi katula o kinama kiami mua Izalaiele, oxi i nga xindila o jitata jenu, kabasa ene a tena o kukala ni muanu ua kubhanga ioso i nga a tendelela, ni ioso iala mu kitumu, ni jingonge, ni mabatuilu ma bhele Jihova kua Mozé.

Jisálamu 44:2

Kioso o lukuaku lué ki lua kaia o matumbu, a kambe kuijiia Nzambi, anga u a phapha ene bhu kididi kiâ; ni kioso akuaʼxi ki ua a takula, hé a muangana; o ene-phe, a kuata, a zande.

Jisálamu 44:4

Eie u Nzambi, eie-muène u Sobha iami; kuma eie ua bhana o uzonda kua Jakobo.

Jisálamu 80:8

Eie ua vuza muvide ué mu Ejito; kunu matumbu ua a kaia, muvide ué eie ua u phaphe.

Jisálamu 80:9

Ua u iudikila kididi, muvide ua kuata, iu ua zande oxi ioso.

Makatukilu 1:22

Falaó anga u tuma mundu uê uoso, uixi: Uoso monʼa diiala a mu vuala mu mu takula mu honga ia Nilo, o mona muhatu mu mu bhaka ni muenhu.

Makatukilu 15:17

Eie hinu u a bokuesa, u a phapha, ku mulundu ué ua undundu. U a bhaka bhu kididi ki ua solo, u Jihova, mu kala kibúta kié, bhu dibezelu dié, Ngana, dia tunga o maku mé.

Izaía 5:2

Ua di kondoluesa kikanzo, matadi ua ma sengulula-mu, iú ua phaphe-mu mivide ia mbutu iambote; o muʼaxaxi ka díbhia dia muvide ua tungu-mu inzu ia matala, iú ua iudika-mu ue ditangi dia kuketela vinhu; iú uene kudielela kuila muvide uima ji-uva jauabha, maji uene ua bhana ikola-kola.

Izaía 5:7

Mbata o díbhia dia muvide ua Jihova dia Ilombo Ieta phe, o dibhata dia Izalaiele; o athu êne mu Juda, ene o phaphu iambote ia phaphe-mu; Jihova phe ua dielelele kuila ende ni kubhanga ima ia kuiuka, maji talesa hanji o ungumba uâ! Bhua kingile o kidi, o kuiuka, bheza ngó jingololo!

Izaía 60:18

Mʼoxi ié ki mungu dingi evua-mu o kuhâma, o mu jimbambe jé ki muà kala jingùndu mba kibuika; maji o malumbu mé ua kà mʼexana Kubhuluka, o mielu ié Diximanu.

Izaía 60:21

Ene oso ku mundu ué a kà kala athu aiuka; ene a kà lundula oxi katé ku hádia ni hádia; a kà kala thangu ja ubhe ji nga phaphe eme, kikalakalu kia maku mami, phala eme a ngi ximane.

Jelemiia 18:9

O bhu kithangana ue kioso ki ngi kanena muiji, mba utuminu, phala ku tunga ni ku soma;

Jelemiia 24:6

Nga-nda ku ta mesu mami ku thandu diâ, phala mbote iâ, anga hadia ngʼa vutula dingi mu ixi mumu, hé ngʼa tungisa ki nga kà a muanga dingi; ngʼa kà a kuna ki nganda ku a vuza.

Izekiiele 28:24

Phala o muiji ua Izalaiele, ki mungu dingi u kala ni muinha uia ni ku mu ẋuka, mba muinha uia ni ku mu bhana misusu, ia uoso-uoso uia ni ku a nhana mu jimbandu jâ; hé a kà kʼijiia kuila emʼeme ngi Jihova Nzambi.

Hozeia 2:18

Mu kizuua kiná o mahamba mê nga-nda ku a tesela kikutu ni iama ia mukáu, ni jinjila ja bhulu, ni iama i huhutila bhoxi ku mavu; o mufula ni xibhata ni ita nga kà i buikisa-ku mu ngongo ioso. Anga ene nga kà a zekesa muene ni kukondama kuoso sé muthu ku a kuatesa uoma.

Amoji 9:15

Jihova, Nzambi ié ua ki tange, uixi: Nga kà a phapha mu ixi iâ, ki bhua kàla dingi u tena ku a vuza mu ixi i nga a bhana.

Dijingunuinu 21:4

Muène u a kondona o masoxi moso ku mesu mâ! Ki ku kala dingi kùfua, nè ngó mukondo, mba kudila, mba kukata. Mukonda ima ia diangèle-ku, ia bhiti.

Afundixi 4:3

Bhenhobho anʼa Izalaiele anga a dikola kua Jihova, kuma Jabine muene u kala ni hâma ʼvua ia makalu a felu; anga u suína kiavulu ni kubhikisa anʼa Izalaiele mu makuinhi aiadi a muvu.

I Samuuele 13:17

Akua kubhûnda anga a tunda bhu kibangu kia akua Fidíxia, a di uanununa mu ibuka itatu; kibuka kimoxi kʼila ia Ofala katé ku ixi ia Saúlo;