II Samuuele 6:7 - O Mikanda Ikola

⁷ Njinda ia Jihova anga i uamena Uza; Nzambi anga u mu betela bhenhobho mukonda dia kutondala kuê; u fuila bhobho bhu mbandu ia álaka ia Nzambi.

II Samuuele 6:7 ပူးပေါင်းရင်းမြစ်များ

II Samuuele 6:8

Davidi anga ki mu iibhila mukonda Jihova ua jikula Uza muʼaxaxe; kididi kienhokio anga u ki luka Peleza-Uza, katé mu kixuua kia lelu.

I Malunda 13:10

Njinda ia Jihova anga i uama, ubilukila Uza, anga u mu jibha, mukonda dia kusunununa o lukuaku luê ku álaka; muene hé ufuila bhenhobho, bhu pholo ia Nzambi.

I Malunda 15:13

Kuma o luadianga ku dimatekenu, kiosuʼiki-phe, enu ki mua kexe-bhu phala ku ki bhanga, Jihova Nzambi ietu, ua tu kuama, mukonda ki tua i takana kala kia tokala mu kitendelelu kiê.

I Malunda 15:2

Davidi-phe, uixi: Kana muthu utena kuambata o álaka ia Nzambi, kikale ngó o jilevita; kuma Jihova ua a lumbu, phala kuambata o álaka ia Nzambi ni ku mu bhikila katé ku hádia ni hádia.

Dialuilu 1:51

O balaka né ia bhingi kuenda, ene akua Levi a i sokomona; o bhua bhingi ku imika dingi, ene akua Levi a i sokeka; hé bhueza muthu uengi ki kale a mu jibha.

Dialuilu 4:15

Kioso Alá ni anʼê kia kà zubha kuvunga ku imbamba ioso ia dibhezelu, kilombo kuila kia-nda kukatuka kiá, kiene kiua kiʼza anʼa Kohate mu ku i zangula; ima iene ikôla-phe ka i kuate ni maku, phala ka fue. Ima iii iene kimbamba kia anʼa Kohate ku balaka ia kutakanena.

I Samuuele 25:38

Kubhita dingi kuinhi dia izuua, Jihova u mu zubhidisa, anga u fua.

I Samuuele 6:19

Muene Jihova anga u beta akua Bete-seme, mukonda a zongola moxi dia álaka ia Jihova; ku mundu anga u betaku makuinhi sambuadi a muthu, ene oso makota mʼathu; mundu anga a kala mu dila mukonda Jihova ua a beta ni kibetu kiavulu.