II Samuuele 6:5 - O Mikanda Ikola

⁵ Ni Davidi-phe, ni dibhata dioso dia Izalaiele, a kala mu sanguluka ni ku xikila bhu pholo ia Jihova, o idifua ioso ia jimuzika ióiudike ni muxi ua mufaia, ni jimbànza ni tukoxi, ni jingoma, ni misaxi, ni jingonge.

II Samuuele 6:5 ပူးပေါင်းရင်းမြစ်များ

II Jisobha 3:15

Uila kiki, ngi bhekedienu Kixikilu. Anga ki bhita-phe kuila, o muene kioso kia xiki ku kixikilu, lukuaku lua Jihova lueza muene ku thandu diê.

I Malunda 13:8

Davidi-phe, ni Izalaiele ioso, anga akala mu sanguluka enhoso kumoxi bhu pholo ia Ngana Nzambi, ni nguzu iâ ioso, ala mu kuimba, ni tukoxi, ni isàka, ni isanji, ni tungoma ni tumingeia, ni jikoloneta.

I Malunda 15:28

Kienhiki Izalaiele ioso anga a bandesa o álaka ia kikutu kia Jihova, ni kusanguluka kuoso, ni dízui dia jikoloneta, ni kuxika jimbungu ni jingoma ni isàka, mázui a mingeia ni tukoxi.

II Malunda 20:28

Anga eza mu Jeluzaleme kʼonzo ia Jihova ni kuxika tukoji ni jimbânza ni jikoloneta.

Jisálamu 47:5

Nzambi ua bande ni ku mu kola kikóue, Jihova uaii ni ku mu xikila koloneta.

Daniiele 3:10

Eie, sobha, Uabhana ngonge, ia kuila muthu uoso kiá uívua o mbimbi ia buzina, ni ia mbèndu, ni ia kakoxi, ni ia mbânza, ni ia kisanji, ni ia ngaieta ia jiphukila, ni maxikile oso a kuxika, kuambe adiunde mu bheza kiteka kiki kia ulu.

Daniiele 3:15

Kiki-phe, hé kia mi tetulukila kiá, enu muala kiá polondo, kioso ki mu ívua mbimbi ia buzina, ni ia mbèndu, ni ia kakoxi, ni ia mbànza, ni ia kisanji, ni ia ngaieta ia jiphukila, ni maxikile oso a kuxika, anga mu diunda hé mu bheza o kiteka ki nga iudika, kiauabha! O ki muila, nguenu ku ki bheza, mu kithangana kienhokio muene, a-nda ku mi takuila mu kijiku kia túbhia tua muzukuta; Nzambi kuxi-phe ua-nda kutena o ku mi kudila bhu lukuaku luami?

Daniiele 3:5

Kioso ki mu ívua o mbimbi ia buzina, ni ia mbèndu, ni ia kakoxi, ni ia mbânza, ni ia kisanji, ni ia ngaieta ia jiphukila, kumoxi ni maxikile moso ma mimbu, diundenu-phe, mu bheze o kiteka kia ulu kiemika kuala sobha Nabukodonozolo.

Daniiele 3:7

Kala kikiphe muʼanzanza muenhomo, kioso jipovo joso ki jʼevu o mbimbi ia buzina ni ia mbèndu, ni ia kakoxi, ni ia mbânza, ni ia kisanji, ni ia maxikile moso ma mimbu, ene-oso a fukama ia adiunda muene, ni jipovo, ni ifuẋi, ni madimi, iá a bheza kiteka kia ulu kiemika kuala sobha Nabokodonozolo.

Amoji 5:23

Mitendu ia kuimba kuenu, ndénu na-iu dikanga; kuma o ima ienu ia kuxika, ki ngandala ku ivua ngó o mbimbi iê.

Amoji 6:5

Mu kala mu kukina, o kia xika kakoxi enu muimba; mu di iudikila ima ia kuxikila mimbu kala Davidi;

I Samuuele 10:5

Kutunda bhobho ua kà bhita kalundu ka Nzambi, bhuala o kibangu kia akua Fidíxia; kia kà bhita-phe kuila, mu kutula bhu bhata bhobho, ua ka takana ni kibuka kia jipolofeta, ala mu tunda ku thala ni kuxika kakoxi, ni ngoma, ni mbéndu, ni mbanza, a kà kala mu zuela ni uanji ua upolofeta.

I Samuuele 16:16

Muadiʼami, tu tume kiá, tu mbele ié, tua ku imanena bhabha,, tu ku sotele muthu, mesene ia kuxika mbànza; phala ki kale jinge kuila kioso ki ku tula o nzumbi iaiibha i tunda kua Nzambi, muene u xika ni lukuaku luê, eie-phe u sembuluka.