II Samuuele 6:2 - O Mikanda Ikola

² Davidi anga u zanguka ni mundu uoso uala-nê kumoxi, aia bhu Bahale ia Juda, mu kutakana kuenhoko o álaka ia Nzambi, ia ku fumanesena o Dijina, dijina dia Jihova dia Ifuẋi, ua xikama muʼaxaxi ka jixelubini.

II Samuuele 6:2 ပူးပေါင်းရင်းမြစ်များ

II Samuuele 22:11

Anga u tuka u endela ku xelube, u bhita bhulu, hé a mu muena ku mabhabha ma kitembu.

Jisálamu 80:1

Tu ivue, eie u Mubidi ua Izalaiele, eie u mukua kuendesa Zuze kala kilunga kia ibhaku; eie ua xikama ku thandu dia jixelubini, muika!

Jisálamu 99:1

Jihova ua hingi ungana uê; akua jixi a tekete; Muene ua xikama bhu kaẋi ka jixelubini; ixi i tungute.

Izaía 47:4

Kiene kia tange ió uala ni Jina dia Kibhamuenhu kietu, Jihova dia Ilombo Ieta, Dilemba Dikola dia Izalaiele.

Izaía 54:5

Mbata Mubhangi ué muene munumiʼé, dijina diê Jihova dia Ilombo Ieta; o Dilemba Ukôla dia Izalaiele, muene Mukudi ué; muene a kà mu ixana exi, Nzambi, Langela-Ngongo.

Josuué 15:60

Kidiate-baale (a mu edi Kidiate-jadimi), ni Laba; sanzala jiiadi ni tumadiembu tuâ.

I Phetele 1:12

Kioso o Jipolofeta ki ja zuela jinga ku mbandu ia kidi ki mua mu kuivua lelu, Ngana Nzambi ua a jingunuine kuila o kikalakalu kia kexi mù bhanga o misesedi ki phala mbote iâ ene, maji phala mbote ineuʼenu. O akunji a Jingolokela Jambote, a zuela jinga mu kutena kua Nzumbi Ikôla ió a mu katula ku diulu, ene a mi tangela o kidi kia ima ienʼiii. O ima ienʼiii ni ji-anju jʼendile ku i tongolola kiambote.

I Samuuele 4:4

Kienhiki mundu a tuma athu ku Silo, anga a takana kuenhoko o álaka ia kikutu kia Jihova dia ifuẋi, uene kuxikama muʼaxaxi ka jixelube; anʼ aiadiphe a Eli, Hofini ni Finehase, anga ejiia kumoxi ni álaka ia kikutu kia Nzambi

I Samuuele 6:21

Anga a tuma jiphunga ku akua Kidiate-jadime a ambela, exi: Akua Fidíxia-ze a bheka dingi álaka ia Jihova; kulumukenu kunu, mu i takane, iie bhu bhata dienu.

I Samuuele 7:1

Kienhokio mala a akua Kidiate-Jadime anga eza, a takana álaka ia Jihova, a i bheka mʼonzo ia Abinadabe bhu kalundu mu Ngabahe, anga a lumbila monʼê Eliiazale phala kulanga o álaka ia Jihova.