II Samuuele 6:19 - O Mikanda Ikola

¹⁹ Muene anga u uanena mundu uoso ua Izalaiele, ni mala ni ahatu, kala muthu dikende dia mbolo, ni thumba iambote ia xitu, ni mutadi ua ji-uva jakukuta. Mundu anga a muangana, kala muthu ku bhata diê.

II Samuuele 6:19 ပူးပေါင်းရင်းမြစ်များ

II Samuuele 6:18

Kia zubha Davidi kubhakula sata ia kuoha ni sata ia paze, Davidi u benzela mundu mu dijina dia Jihova dia Ifuẋi.

II Samuuele 6:20

Davidi anga uia kubenzela dibhata diê-muène. Mikala, monʼa Saúlo ua muhatu, anga uiza kukauidila Davidi, uixi: Muenexiʼa Izalaiele kujinga kuahi lelu, u di vungununa bhu pholo ia tuhatu tua abhikʼé, mukuâ ni muthu uoso-uoso ngó ua kambe sonhi!

I Jisobha 8:66

Anga mu kizuua kia kanake a sulula kifuxi, ene anga a benzela sobha; aia kiua ku jifundu jâ, a sanguluka ni mixima ia tana, mukonda dia mbote ioso ia bhangele Ngana kua ngunza iê Davidi, ni ku kifuxi kiê kia Izalaiele.

I Malunda 16:3

Ene oso, mu Izalaiele, anga u a uanena kala muthu mbolo ni thùmba iambote ia xitu, ni ndose ia ji-uva jakukuta, tunde ku mala katé ku ahatu.

I Malunda 16:43

Kia zubha kubhita o ima ioso iii, mundu uoso anga a muangana, kala muthu uia ku dibhata diê; o Davidi-phe, anga uvutuka dingi mu ku ta o kizeduise ku dibhata diê.

II Malunda 30:24

Mukonda Ezekiia, sobha ia Juda, kionge ua ki bhakuila midi ia tungombe tua ndumbe, ni sambuadi dia midi ia jimbudi; o makota ma jinganga ue kionge a ki bhakuila midi ia tungombe tua ndumbe, ni kuinhi dia midi ia jimbudi; o jinganga ue ndumba a di lumbila.

II Malunda 7:10

O mu kizuua kia makuinhi aiadi ni kitatu, ku mbeji ia kasambuadi, kiene Solomá kieha kiua o kituxi ku vutuka ku mabhata mâ, a sanguluka, o muẋima ua tana, mukonda dia mbote ia bhange Jihova kua Davidi, ni kua Solomá, ni ku mundu uê ua Izalaiele.

Nehemiia 8:10

Nehemiia u a tangela dingi, uixi: Ndenu, mua kà die ima ia nete, ni kúnua ima ia touala, anga akuenu a kambe kuiudika kima mua kà a tumikise ue kia kúdia: mbata kizuua kiki kia dikota kiolumbile kua Ngana ietu; uila kiki, ki mu disuuate, mukonda o kusanguluka kua Ngana, iene o nguzu ienu.

Mukumbi ua Mikumbi 2:5

Ngi bhanienu kúdia jipasa, ngi kuatekesienu ni jimasá, mukonda jihenda jê ja ngi kodiuisa, nga benguka na-ju.

Izekiiele 45:17

O kilamba muene ua kà lunda o mibhaku ioso ia jisata ja kubhakula ni túbhia kua Jihova, ni mibhaku ia mákudia, ni ia mákunua, ni izokola ioso mu jimbeji ja thethama, ni mu jisabhalu, ni mu ionge ioso ia ujitu mu muiji ua Izalaiele; muene, muene u bhanga o kiamenga kia ituxi, ni kubhakula o ujitu ua mákudia, ni sata ia kubhakula ni túbhia kua Jihova, ni jisata ja uembu, mbé o kubhanga o kiamenga phala o dibhata dia Izalaiele.

Hozeia 3:1

Anga Jihova u ngʼambela, uixi: Ndé dingi luamukuá, u zole muhatu, a mu zola kuala kamba dié, suke muene-phe kiuaia, (uene mu ta jiphanda), mukua ni Jihova kia zola anʼa Izalaiele, Sumbala-phe ene a landukila kutala ku jinzambi jengi, a uabhela jimbolo jabhange ni ji-uva.

Jipoxolo 20:35

Mu ima ioso nga mʼ idikiza kioso ki mua fuama kukalakala ni kubhindumuna mukuenu ua tate. Endenu ni kuxinganeka o kizuelu kia Ngana Jezú, ki edile uixi: O kubhana kota mu kuzediuisa, o kutambula ndenge.

Efezo 4:8

Kiene ki ambe o Mikanda Ikôla, exi: Muène kia bande o ditala dia di leka, uambata jihutile javulu, o athu ua a uanena maujitu.

Josuué 22:6

Kienhiki Josuué ua a te o kizediuise bhenhobho, iú ua a sulula, ia aii mu jibalaka jâ.