II Samuuele 6:14 - O Mikanda Ikola

¹⁴ Davidi anga u kina, bhu pholo ia Jihova ni nguzu ioso; Davidi ua zuata efodi ia linhu.

II Samuuele 6:14 ပူးပေါင်းရင်းမြစ်များ

II Samuuele 6:15

Kienhiki, Davidi ubanda ni dibhata dioso dia Izalaiele, a bheka álaka ia Nzambi ni kudikola kua kusanguluka, ni kuxika koloneta.

II Samuuele 6:20

Davidi anga uia kubenzela dibhata diê-muène. Mikala, monʼa Saúlo ua muhatu, anga uiza kukauidila Davidi, uixi: Muenexiʼa Izalaiele kujinga kuahi lelu, u di vungununa bhu pholo ia tuhatu tua abhikʼé, mukuâ ni muthu uoso-uoso ngó ua kambe sonhi!

I Malunda 15:27

Davidi anga uia uazuata kizuatu kia linhu ia fina, kiene kimoxi ue ni akua Levi oso ambatele o álaka, ni akua kuimba; o Kenaniia muene o mutumini ua ió oso ambatele o álaka ni jingimba. Davidi ue uazuatele dingi ni kizuatu kia linhu a kixana efodi

Jisálamu 149:3

A mu ximane o dijina ni kukina; a mu ximane ni kuxika kisàka ni kakoxi.

Jisálamu 150:4

Mu ximanienu ni ngoma ni kukina; mu ximanienu ni mújika ua jingoji, ni jimbendu.

Jisálamu 30:11

Kudila-phe eie ua ngi katula-ku, mua ngʼiza kukina! ua ngi zula o kidiniaji, eie ua ngi kembesa ni ngalasa.

Jisálamu 87:7

Ni iá akua kuimba, ni iá akua kukina, hé a ki ta muene ku mukumbi, exi: Bhʼotho ietu, bhu tunda o kuzediua kuetu, bhenhobho, Ngana, bho-bhué.

Makatukilu 15:20

Bhenhobho o Midiiana, polofeta, phange ia Alá ia muhatu, u kuata kangoma ka manzuela, u tuamena, ahatu oso a mu kaiela ni tungoma tuâ ni kukina.

Makatukilu 15:21

Midiiana anga u tambuijila, uixi: Imbidienu Jihova o kikóue kia undanda; kuma ni kabalu ni iú ua sambela-ku, ua a texi mu menha.

Makatukilu 19:6

Enu-phe mu ngi kala mu utuminu ua jinganga jami, mu mundu uami uazele. Enhá ene o maka u ua kà tangela anʼa Izalaiele.

Ndongixi 9:10

Kioso kia kuiza bhu maku phala ku ki bhanga, bhanga-kiu muene katé bhuoso bhua suku o nguzu ié, mukonda o mu mbila mu ua-nda kuia, kana-mu dingi kikalakalu, mba ufunu, mba uhete, mba kuijiia kuoso-kuoso.

Izekiiele 46:10

Kioso ene kia bokona, o kilamba ue u bokuena muʼaxaxe-kâ; o kioso ene kia tunda, muene u tunda ue.

Luka 15:25

Kioso imíiʼii ki ia mu bhita, mona ua dikota-phe ua kexile ku mábhia. O mú kuiza, kia zukama kʼonzo, uívua o kuimba ni kutonoka.

Matendelelu 6:5

Zola-phe Jihova Nzambi ié ni muxima ué uoso, ni muenhu ué uoso, ni nguzu ié ioso.

Kolose 3:23

Ioso-ioso i mu bhanga, mu kalakala ni muẋima uoso, kuma Ngana mua mu kalakela, ki athu.

Afundixi 11:34

Jefete anga u vutuka bhu Mixipa bhu bhata diê; bhenhobho-ze monʼê ua muhatu u tunda mu ku mu kauidila ni isaka ni kukina; muene-phe muene monʼê ngó umoxi-elèle, ka moneka dingi mona, né ua diiala, mba ua muhatu.

Afundixi 21:21

o ki mu mona anʼa ilumba mu Silu a tundu mu kukina mu fesa, enu-phe mu tunda mu mivide, kala diiala u kuata-bhu muhatuʼê ku anʼa ilumba ia akua Silu, muie-nâ ku ixi ienu ia Bejami.

I Samuuele 2:18

Samuuele anga u kala mu xibhidila bhu pholo ia Jihova, hanji monandenge muene, ua zuata efodi ia linhu.

I Samuuele 2:28

Kʼeme nga mu solo muene mu miiji ioso ia Izalaiele mu ku kala nganga iami ia kubanda bhu kalatódio kami, ni kubhanga fumasa ia uasu ua dizumba, ni kuzuata efodi bhu pholo iami? Kʼeme nga bhana dibhata dia tatʼenu o jisata joso ja anʼa Izalaiele ja kuoha mu túbhia?

I Samuuele 22:18

Muenexi anga u ambela Doueki, uixi: Bhixila eie, u kitukile jinganga. Doueki, mukua Edomo, anga u bhixila, u balukila jinganga, muene anga u jibha kizuua kienhokio makuinhi nake a muthu ni kitanu, ene oso jinganga a zuata efodi ia linho.