II Samuuele 6:11 - O Mikanda Ikola

¹¹ Álaka ia Jihova anga i xala mʼonzo ia Obede-Edomo mukua Ngate mbeji jitatu, Jihova anga u zediuisa Obede-Edomo ni dibhata diê dioso.

II Samuuele 6:11 ပူးပေါင်းရင်းမြစ်များ

Dimatekenu 30:27

Labano-phe, uixi: Se nga sange ngalasa ku mesuʼé, tu kadietu hanji; mukonda nga mono kuila Jihova ua ngi bhana kuzediua mukonda dié eie.

Dimatekenu 39:23

Kasalelu kala kusuua dingi ima ia bhakuila bhu makuʼa Zuze, mukonda Jihova uala-nê; o ima ioso ia bhanga, Jihova u i zediuisa, ienda kiambote.

Dimatekenu 39:5

Anga ki bhita kuma, tunde mu thembu ia mu bhana kutambula konda ia dibhata diê, ima ioso iú ua mu bhakuila-iu muene, Jihova u kala mu zediuisa o dibhata dia mukua Ijitu, mukonda dia Zuze; dibesá dia Jihova anga di kala ku thandu dia ima ioso iala-naiu, ni ku bhata ni ku mukáu.

II Samuuele 6:10

Kienhiki Davidi hé u kamba kubhiẋila ni álaka ia Jihova bhu bhata diê mu mbanza ia Davidi; maji Davidi u abhuka na-iu, anga u i bheka mʼonzo ia Obede-Edomo, mukua Ngate.

I Malunda 26:4

O ana a Obede-Edome, enhá: Semaia o phande kumbi, Jozabade ua kaiela, Joua ua katatu, Sakale ua kauana, Nataniiele ua katanu.

Malakiia 3:10

Bhekenu madijimu moso mʼonzo iami ia dilundilu, mʼonzo iami mu kale mákudia; o ki mu zubha ku ki bhanga, ngi lodienu kiá, eme ngi Jihova dia Ilombo Ieta, se ngi kamba ku mi jikuila jinjanena ja diulu, ni ku mi lunduluila dibesá, di mi soka anga di subhuka, di bhinga ki di kala ni nzôngo iê mu ku mi bhekela jimbote.