II Samuuele 5:6 - O Mikanda Ikola

⁶ Muenexi ni makuenze mê anga a katuka aia ku Jeluzaleme, kúlua ni akua Jebuzi ene akua ʼxi mʼokulu. Ene anga ambela Davidi, exi: Ki u kamba kutolola hanji o ifôfo ni inema, mumu kutena kubokona-mu. Kuma a fika Davidi u lémbua kukobona.

II Samuuele 5:6 ပူးပေါင်းရင်းမြစ်များ

Dimatekenu 14:18

Melekizedeke, sobha ia Saleme, anga u tunda ni mbolo ni vinhu; muene ua kexi nganga ia Nzambi Suke-ku.

II Samuuele 22:30

Mukonda mu nguzu iê ngi kaia ilômbo, mu kudielela Nzambi ngi tuka imbaka.

Jisabhu 21:22

Njimu ua soko-bho kubokona mu mbonge ia mazonda, anga u i tolola, he u lundumuina bhoxi o imbaka ia ukuenze uoso ua di fiiala ene.

Jelemiia 21:13

Jihova uambe kiki: Talesa, eme nga ku futulukila eie, ua tunga mu dikolo, eie u ndanji mu dinhana, nga mi luualela enu muala kuila: Mukuahi u kulumuka kunu ku tu lua? Mba mukuahi u bokona mu mabhata metuʼô?

Jelemiia 37:10

Mukonda, né kiá mu jibha o kifuẋi kioso kia masoladi ma akua Kaldeia, a mu lua ni enu, anga kokuâ ku subhuka ngó òkuame, hanji enhó kala muthu u balumuka mu balaka iê anga uoha o mbonge iii mu túbhia.

Jihebeleu 7:1

O Melekizedeke muenʼiú, ua kexi sobha ia mbanza ia Saleme, nganga ia Nzambi ua suka ku ukota. U takana ni Mbalahamu kioso kia kexi kuvutuka ku ita ia jisobha, Melekizedeke anga u mu bhana dibesá.

Josuué 10:3

Kienhiki Adonizedeke, sobha ia Jeluzaleme, utuma jiphunga kua Hohame, sobha ia Hebolone, ni kua Philama, sobha ia Jalemute, ni kua Jafiia, sobha ia Lakiji, ni kua Ndebile, sobha ia Engolone, uixi:

Josuué 15:63

Maji anʼa Juda ka tenene kumuanga Majebuzi a tungile mu Jeluzaleme; Majebuzi katé muene kizuua kia lelu axalela momo kumoxi ni anʼa Juda, mu Jeluzaleme.

Josuué 18:28

ni Zela, ni Elefe, ni Jebusi (muene Jeluzaleme), ni Ngibeia, ni Kidiate; kuinhi dia sanzala ni jiuana ni tumadiembu tuâ; iú uene o ubhinganu ua anʼa Bejamí, ku majiku-majiku.

Afundixi 1:21

Anʼa Bejamí-phe anga a lémbua kukaia o Majebuzi mu Jeluzaleme; Majebuzi-phe ió, a kala mu tungila kumoxi ni anʼa Bajamí mu Jeluzaleme katé mu kizuua kia lelu.

Afundixi 1:8

Mbata anʼa Juda a lua ni Jeluzaleme anga a i tambula, a i beta ni mazu a xibhata, mbonge iene a i ta mu túbhia.