II Samuuele 5:3 - O Mikanda Ikola

³ Kienhiki adiakimi oso a Izalaiele anga eza kua muenexi bhu Hebolone, muenexi Davidi anga u ta-nâ kikutu bhu Hebolone bhu pholo ia Jihova; Davidi anga a mu unda ku ungana ua Izalaiele.

II Samuuele 5:3 ပူးပေါင်းရင်းမြစ်များ

II Samuuele 2:4

Akua Juda anga eza bhenhobho, a unda Davidi mu kala sobha ia muiji uâ ua Juda. Davidi anga a mu kunda, exi: Akua Jabezi-Ngiliiade ene a fûnda Saúlo.

II Samuuele 2:7

O ki tualʼiki-phe, kolenu maku, mu bhange undanda; kuma muadiʼenu Saúlo uafu, o muiji ua Juda a ngʼundu eme mu kala sobha iâ.

II Samuuele 3:21

Abinele anga u ambela Davidi, uixi: Ki ngi tunda bhenhabha, nga kà bhongolola Izalaiele ioso bhu kinama kié u muenexi, phala a te kikutu ni eie, eie u kale mu ku a tumina kioso kia mesena muẋima ué. Davidi anga u sulula Abinele; o muene anga u muangana ni paze, ku muẋima kua mu uabha.

I Jisobha 1:34

O nganga Zadoko, ni polofeta Natane, a mu undile bhenhobho ku ungana ua Izalaiele. Mua ka xika koloneta, hé mua kèla, muexi: Sobha Solomá a laie, a kole muenhu!

II Jisobha 11:17

Joiada anga u ta kikutu bhu kaẋi ka Jihova ni sobha ni mundu, phala ene kukala ngó mundu uangene ua Jihova; kiene kimoxi ue bhu kaẋi ka sobha ni mundu uene.

I Malunda 11:1

Izalaiele ioso-phe anga i di bhongolola kua Davidi, bhu Hebolone, exi: Tala, etu tu ifuba iê, tu xitu iê.

I Malunda 11:3

O adikime oso ue a Izalaiele, ene oso eza kua sobha bhu Hebolone, o Davidi hé u-tanâ kikutu bhu Hebolone, bhu pholo ia Jihova; anga a hingisa Davidi ku usobha ua Izalaiele, kala kia tange o kizuelu kia Jihova ku ukunji ua Samuuele.

I Malunda 28:4

O Jihova Nzambi ia Izalaiele ua ngi solo eme, mu dibhata dia tatʼetu, ni muiji uami, phala ngi kale ngi Sobha ia Izalaiele katé ku hadia ni hadia. Mukonda Muène ua solo o muiji ua Juda mu kukala kilamba, ni dibhata dia tatʼ etu mu muiji ua Juda. O mu ʼaxaxe ka anʼa tatʼetu, ua ngi solo-mo eme, iú ua ngi katula mu ku ngi bhanga ngi sobha ia muiji uoso ua Izalaiele.

II Malunda 23:16

Joiada anga u ta kikutu bhu kaii kê-muène ni kifuẋi ni sobha, kuila a kala mundu uangene ua Jihova.

Nehemiia 9:38

O mukonda dia ima ioso iii, tua te kikutu kia kidi, kʼi tua soneka; ni ilamba ietu, ni jilevita jetu, ni jinganga jetu, ia a ki jika ni idimbu iâ.

Makatukilu 3:16

Ndeie, ua kà bhongolole adikimi a Izalaiele, ua kà ambele, kuma: Jihova, Nzambi ia jitata jenu, Nzambi ia Mbalahamu, ni Izake, ni Jakobo ua ngi tukulukila, uixi: Kidi kiene nga mi suu, nga mono ioso iala ku mi bhanga mu Ijitu.

Josuué 10:36

Kia zubha-phe, Josuué ni Izalaiele ioso kumoxi-nê, atunda ku Engolone a banda mu Hebolone, anga alua-nê.

Afundixi 11:11

Bhenhobho Jefete anga uia ni adiakimi a Ngiliiade, mundu anga a mu bhanga muene mútue uâ, kifua muene sobha iâ; Jefete anga u zuela dingi bhu pholo ia Jihova, bhu Mixipa, o maka mê moso ma tele ni adiakimi.

I Samuuele 11:15

Mundu uoso anga a katuka aia bhu Jidingale; Saúlo a mu hingisa ungana bhebhobho bhu pholo ia Jihova, bhu Jidingale; anga a bhana jisata, ni jisata ja kuluulula bhu pholo ia Jihova. Ni Saúlo ni akua Izalaiele oso anga a sanguluka kiavulu bhenhobho.

I Samuuele 16:13

Samuuele bhenhobho u sunga lumbinga lua maji, u mu unda muʼaxaxi ka jiphange jê. Nzumbi ia Jihova anga u tula ni nguzu ku thandu dia Davidi tunde kizuua kienʼokio. Kienhiki Samuuele u balumuka, hé u vutuka ku Lama.

I Samuuele 23:18

Anga a ta kikutu kiiadi kiâ bhu pholo ia Jihova. Davidi anga u xala bhu Holesa, Jonata-phe uia ku bhata diê.