II Samuuele 5:2 - O Mikanda Ikola

² Mu thembu iabhiti, kia kexi hanji Saúlo ku ungana, eie muene ua kexe mu tuamenena Izalaiele mu kutunda ni mu kubokona; Jihova ue ua ku ambelele, kuma: Eie uà kala u mubidi ua mundu uami Izalaiele, eie uà kala u mutuameneni ua Izalaiele.

II Samuuele 5:2 ပူးပေါင်းရင်းမြစ်များ

Dimatekenu 49:24

maji o uta uê ua mufula hanji muene ua suína, mixibha iê ia maku ia tambula nguzu, kua ió Kutende diangene dia Jakobo, kuene kua tundu o mubidi, ni tadi dia Izalaiele.

II Samuuele 6:21

Davidi anga u ambela Mikala, uixi: Nga ki bhangela o kusanguluka bhu pholo ia Jihova, ua tenene ku ngi tungula eme mu ku tùnda tatʼenu ni dibhata dioso, ni ku ngi tumbika kukala ku pholo ia mundu uangene ua Jihova, uene ua Izalaiele; kiene ki nga tonokena bhu pholo ia Jihova.

II Samuuele 7:7

Mu ididi ioso mu nga nhungana ni anʼa Izalaiele, ua ngiʼvua ni ku ki zuela ku miji ia Izalaiele ioso i nga tuma jinga kuinga mundu uami ua Izalaiele, kuila: Mua kambela-hi ku ngi tungila inzo ia misédulo?

II Samuuele 7:8

Ki tualʼiki-phe, kà tangele selevende iami Davidi, uixi: Eme Jihova dia Ifuẋi, uambe kiki: Nga ku katula mu kuinga ibhaku mu iangu, mu kombola jimbudi, phala u kale ku pholo mu tambula konda ia mundu uami ua Izalaiele.

II Jisobha 20:5

Vutuka uambele Ezekiia, o mutumini ua mundu uami, kuila: O Jihova, Nzambi ia tatʼenu Davidi uambe kiki: O musambu ué nga uivu, ni masoxi mé nga a mono; tala-phe eme nga-nda ku ku sakula; o mu kizuua kia katatu ua-nda kubanda mʼonzo ia Jihova.

I Malunda 11:2

Kioso uê, Saúlu kiala hanji ku usobha, eie muene uakexile mu ku tuamenena Izalaiele mu kutunda ni mu kubokona; o Jihova, Nzambi iê ue, ua kuambelele, uixi: Eie ua kà kala u kabhila ka mundu uami ua Izalaiele, eie-muène ua kà kala u kilolo kia kutuamenena o mundu uami ua Izalaiele.

II Malunda 1:10

Ngi bhane-phe kindala o kuijiia ni unjimu, mbé ngi tene kutunda ni kubokona, mu kaẋi ka mundu iú; mbata nanhi muene u tena kufundisa mundu ua vulu kiki?

Izaía 40:11

O kilunga kiê, ua kà ki disa kala mubidi; O tumbudi ua kà tu ongeka bhu maku, hé u tu akata bhu jihata jê; o joso javuala, muene u ji endesa kilendu.

Izaía 55:4

Talesa, eme nga mu bhana a kale mbangi ku athuʼoso, a kale kilolo, a kale nguvulu ia mundu.

Izekiiele 34:23

Anga nga kà jʼimikina mubidi umoxi ngó u kala ku thandu diâ, muene hé ua kà jʼinga; o mubhikʼami Davidi muene ua-nda kua kà jʼinga; muene ua-nda kukituka kafunga kâ.

Mikeia 5:4

Muene anga ua kà nangenena, ifuẋi anga ua kà inga mu nguzu ia Jihova ni mu ungana ua dijina dia Jihova Nzambi iê! Ene uâ a kà kala bhua kondama, mukonda kindala muene ue a kà mu zangeleka katé ku aẋokololo kua suku oxi.

Dialuilu 27:17

a a kale ku pholo mu kutunda ni mu kubokona, a a songuele mu njila, a a bhiẋidise kididi, mbebhu kilômbo kiangene kia Jihova ki ki kale kala jimbudi ja kambe mubidi.

Matesu 2:6

Eie Beleme, mʼoxi ia Juda, kualʼé ngó u ndenge mu makota a Juda; mbata mó mué muene mua kà tunda o Dikota ua kà kala mubidi ua athu ami a Izalaiele.

Nzuá 10:11

Eme ngi mubidi uambote. O mubidi uambote, u bhana o muenhu uê bhu kididi kia jimbudi jê.

Jihebeleu 2:10

O ima ioso i laia phala Nzambi, mukonda dia muène. O muène-phe ua mesena anʼê oso a nomona ue ku fuma iê. Uila kiki, kia fuamena kuila Nzambi u ehela Jezú ku tala jihadi mukonda dia kuiuka. Kuma Jezú muene musonguedi uâ ua kubhuluka.

I Samuuele 13:14

Kiki-phe o utuminu ué ki ua-nda kunanga. Jihova ua di sotela kiá muthu ua mu zelela ku muẋima uê, muene ua-nda ku mu tumbika kukala mutuameneni ua mundu uê, mukonda eie kua bhake kijila kia ku tumu.

I Samuuele 16:1

Jihova anga u ambela Samuuele uixi: Ua-nda kusuka bhebhi ni kudila Saúlo, se ki tualʼiki eme nga mu ditunu ku ungana ua Izalaiele? Izalesa lumbinga lué ni maji, uize. Eme nganda ku ku tuma kua Jese, mukua Beleme; mukonda nga solo sobha iami muʼaxaxi ka anʼê.

I Samuuele 18:13

Kienhiki Saúlo ua katula Davidi mu mbèle iê, anga u mu bhanga kabhitangu ka kutumina midi ia muthu; anga u kala mu tunda, u kala mu bokona bhu pholo ia mundu.

I Samuuele 18:16

Izalaiele ioso-phe ni Juda anga a zola Davidi; kuma Davidi u kala mu tunda, u kala mu bokona bhu pholo iâ, ni ku a tuamenena kuene kuoso mu ita.

I Samuuele 18:5

Davidi anga uia ni ku tunda kuoso kua mu tumu Saúlo, u kumbidila ni kilunji u bhanga unjimu mu ima ioso. Saúlo anga u mu bhana kijingo kia kutumina makuenze a ita, anga ki uabhela mundu uoso katé ni akua mbele ia Saúlo ene ue kia a uabhela.

I Samuuele 25:28

Loloka, nga ku diondo, o kutondala kua kahatu ké; kuma ni kidi muene, Jihova ua-nda ku ku tungila dibhata dinanga, ngana iami: mukonda ngana iami, jimvunda ji uene kuzoka, jimvunda ja Jihova; ka ku kuate ni kikuma izuua ié ioso.

I Samuuele 25:30

Hádia-phe ki kia kà bhita, Jihova kia kà zubha ku ku bhanga, ngana iami, mbote ioso ia tange muene ku thandu dié, kia kà zubha ku ku tumbika mu kukala u mutuameneni ku pholo ia Izalaiele,

I Samuuele 9:16

Mungu mu kumbi kala mumu nga-nda ku ku tumikisa muthu, mukua ʼxi ia Bejamí, eie-phe u mu unda ni maji, phala a kale mutuameneni ua mundu uami Izalaiele; muene uà bhulula o mundu uami bhu maku ma akua Fidíxia; kuma mundu uami nga a zambuila dingi mesu, eme nga a tongolola dingi, o ngololo iâ ia ngi bhixila.