II Samuuele 5:13 - O Mikanda Ikola

¹³ Davidi anga u lumba dingi akama, u bhenga ue dingi ahetuʼê mu Jeluzaleme, kia zubha kutunda mu Hebolone; anga a vuala dingi anʼa mala ni anʼa ahatu a Davidi.

II Samuuele 5:13 ပူးပေါင်းရင်းမြစ်များ

II Samuuele 12:2

Mvuamʼiii u kala ni ilunga iê iavulu ia ibhaku ia jimbudi ni jingombe;

II Samuuele 5:12

Davidi anga ki mu tongolokela kuma Jihova ua mu kuatesa bhu kididi mu ku tumina Izalaiele, kuma ua fumanesa ungana uê mukonda dia henda ia mundu uê Izalaiele.

I Jisobha 11:3

Sobha Solomá anga u kala ni hama sambuadi ia ahatu, anʼa jingana, ni hama jitatu ja akama; anga akajʼê a mu diangula o muẋima.

I Malunda 3:1

O ana a Davidi a mu vualela mu Hebolone, enhá: Aminone, muene phande-kumbi iê, kua Abinouame mukua Jizelele; o kaiadi, Daniiele, a mu vuala kua Abingaíle, mukua Kalumelu.

I Malunda 3:9

Ene-oso-â ana a Davidi, o ana a akama engi, ni Tamale, dia phange iâ ia muhetu.

II Malunda 13:21

Abiia-phe ua di bhange kindanda iú ua sakana kuinhi dia muhetu ni kiuana anga u vuala makuinhi aiadi ni kiiadi kia anʼa mala ni kuinhi dia mona ni kisamanu kia ahetu.

Matendelelu 17:17

Ka ki sese ue ku di vudixila ndumba ia ahatu, avula ku mu nhunganesa o muxima, anga ukuata ku di vudixila ue o phalata ni ulu.

I Samuuele 25:43

Davidi ue anga u bhenga dingi Akinoama mukua Jezeleele; ene oso kiiadi kiâ anga a kala akajiʼê.