II Samuuele 5:11 - O Mikanda Ikola

¹¹ Hilamu, sobha ia Tilu, anga u tuma jiphunga kua Davidi, ni miẋi ia misédulu, ni jikalupindelu ni jipedelelu, Davidi anga a mu tungila inzo.

II Samuuele 5:11 ပူးပေါင်းရင်းမြစ်များ

II Samuuele 5:12

Davidi anga ki mu tongolokela kuma Jihova ua mu kuatesa bhu kididi mu ku tumina Izalaiele, kuma ua fumanesa ungana uê mukonda dia henda ia mundu uê Izalaiele.

II Samuuele 7:1

Anga ki bhita kuila, Sobha Davidi kia zubha kukala kiá mʼonzo iê, Jihova ue ua mu bhana kunhoha, ku jinguma ja tokala ku mbandu joso;

II Samuuele 7:2

Muenexi u ambela polofeta Natane, uixi: Talesa, eme nga tungu mʼonzo ia musédulu, o álaka ia Nzambi phe hanji ia tungu mu jilona ja balaka.

I Jisobha 5:15

Solomá uakexile hanji ni makuinhi sambuadi a midi ia jíngamba ja kuambata o imbamba, ni makuinhi nake a midi ia muthu akexile mu kubula o matadi ku milundu.

I Jisobha 5:18

O jimesene ja kutunga, ja kexile na-ju Solomá ni Hilamu, kumoxi ni akua Ngibile, hé akuata kuiudika kiambote o matadi enhá ni miẋi ia kutunga na-iu o Tembulu.

I Malunda 14:1

Hilamu-phe, sobha ia Tilu, u tumikisa o jiphunga jê kua Davidi, ni mabaia a misédulu, ni atungi a jonzo ja jindobhi, ni akua kusonga mabaia, phala ku mu tungila inzo.

Ejidala 3:7

Hé a bhana-phe ue kitadi ku akua kubatula ni akua ufunu ua kusonga mabaia kumoxi ue, ni kúdia ni kúnua ni maji ku akua Sidone ni akua Tilu phala kututa ku Libano miẋi ia misédulu, kuijiia na-iu mu kalunga ku Jopa, mukonda kiene kia di kundu ni Silu, sobha ia Pélesa iu ua ehelela ku ki bhanga.

Jisálamu 30:1

Nga zangeleka Jihova, mukonda eie ua ngi zangula; kuehela jinguma jami ku ta kikóue, kuila a ngi lende.

Izekiiele 26:2

Monʼa diiala, mukonda kuma, o Tilu, ku mbandu ia Jeluzaleme uedi, uixi: Ua di bhé-kiu! O dibhitu dia ifuẋi dia budika! Kia ngi budikila kiá eme! eme nga-nda kuizala kioso muene kia muia kiá ni kubudikʼiki!

Josuué 19:29

Mbambe ienhiʼii-phe i alukila mu Lama, katé ku mbonge ia kolo ia Tilu; hé i bilukila mu Hosa, anga iia mu kutundila ku musanza ua kalunga kua zukamena o mikáu ia ixi ia Akezibe;