II Samuuele 4:8 - O Mikanda Ikola

⁸ Anga a bheka mútue ua Ixibozete kua Davidi bhu Hebolone, ambela muenexi, exi: Talesa mútue iú ua Ixibozete, monʼa Saúlo, nguma ié, ua sota jinga ku ku tambula o muenhu ué; Jihova phe ua ku zokela mvunda ié, u muenexi, kua Saúlo ni mbutu iê.

II Samuuele 4:8 ပူးပေါင်းရင်းမြစ်များ

II Samuuele 18:19

Bhenhobho Ahimaaze monʼa Zadoke u zuela, uixi: Ngehele, ngi lenge kiá, nga kà tule dizelele kua muenexi kuila Jihova ua mu toluela kiá jinguma jé.

II Samuuele 18:31

Bhenhobho ni mukua Kuxi u tula; uixi: Kùku, njimbuʼoio! Jihova lelu ua ku toluela jinguma joso ja balumukine mu ku ku bhanga kiaiibha!

II Samuuele 2:8

Kiosuʼiki-phe imiʼiii ki iala kubhita, Abinele monʼa Nedi, Kabhitangu ka kifuxi kia Saúlo, ua katula Ixi-bozete monʼa Saúlo, u zaúka-nê ku Mahanaimi,

II Samuuele 22:48

Muene Nzambi iami ua ngi bhana ku a vutuila o phonzo, iu ua bateka o mundu phala ngi kale ku thandu diâ.

Jisálamu 71:24

Mu tanga jinga o kukumbidila kué, dimi diami di sakalala, né mu kumbi dia kambàmba; kuma enhó a lémbua-ku, a diuana, sonhi ja a kuata, oso a sotele ku ngi bhanga o phulu.

Matesu 2:20

Balumuka, u katule Kamona ni mamʼâ, uie mʼoxi ia Izalaiele; mbata ió a bhindamenene kujibha o Kamona, afu kiá.

Dijingunuinu 18:20

Eie u diulu, mu olele, mukonda dia kusenguluka kuê! Ni enu oso mu akua-Ngana, mu jipoxolo, mu jipolofeta, mu oledienu! Sangulukenu, kuma Nzambi ua batula! Mu ioso ia mi bhange, ua mi bhela-nê kaxtiku!

Dijingunuinu 6:10

Anga ene a di kola ni dízui dia dikota, exi: Katé bhebhi, Muadi tata! Eie Muteni-a-Ioso, u kôla, u mukua kidi! Kumbi kuẋi ki u fundisa athu mu ngongo? Kizuua kiebhi ki ua kà bhana kastiku kua ió a tu jibhile?

I Samuuele 18:11

Saúlo anga u zenga o sosa iê, hé u i takula kua Davidi kuma uambe, uixi: Davidi ngi mu kuba dionga, ngi mu phaphela ku mutôto. Davidi anga sosa u iebha luiadi, u tunda bhu pholo iê.

I Samuuele 19:1

Saúlo anga u ambela monʼê Jonata ni jiselevende jê joso kuila a jibhe Davidi. Jonata-phe, monʼa Saúlo, ua zolele kiavulu Davidi.

I Samuuele 19:15

Saúlo anga u tuma dingi athu kutakana David, uixi: Ngi bhekedienunê ni hama iê muene, ngi mu jibhe.

I Samuuele 20:1

Kienhokio-phe Davidi anga u lenga ku Naiote mu Lama, uiza kua Jonata, u mu ambela, uixi: Kima kiahi ki nga bhange? Nga bholomona mulonga uahi mba nga bhukumukina bhebhi? Kituxi kiahi ki nga te kua tatʼenu, phala muene ku ngi bhindamena kiki ku ngi jibha?

I Samuuele 23:15

Davidi anga u mona kuma Saúlo uala ku mu seia phala ku mu jibha, Davidi anga u kala mu ditutu dia Zifi, bhu Holesa.

I Samuuele 24:4

Makuenze a Davidi anga a mu ambela, exi: Kiene-ze kizuuʼ iki kia ku tangela Jihova, uixi: Hinu ngi ku thelekala nguma ié bhu maku, phala u mu bhange kioso ki ua mesena. Bhenhobho Davidi u balumuka, uia ni kuzomba anga u batula mbandu ku divunga dia Sáulo, sé muene ku mu ívua.

I Samuuele 25:29

Sumbala se bhu kala muthu ua balumuka mu ku ku landameka, ua bhindamena ku ku tambula o muenhu ué, ngana iami, muenhu ué a u kutila kumoxi mu kita kia athu a muenhu ala ni Jihova Nzambi ié; maji o mienhu-phe ia jinguma jé a ka i zabujula kala ditadi ki di tunda mu kaẋi ka mbala-fundu.