Kizuua kia mukuá, kutula ku kiemba, Davidi u balumuka bhu hama iê, anga u kala mu kuimajana ku thandu dia inzo iê ia mbanza; o ku thandu diaʼnzo kuala, u mona muhatu uala ku dʼiẋika; o muhatu ku mu tala mesu ua uabha kiavulu.
Ixi-bozete, monʼa Saúlo, anga u kala ni malʼaiadi, jikabhitango ja ibuka; iú dijina diê Bahana, o mukuá dijina diê Lekabe, ene oso anʼa Dimone mukua Belote, anʼa Bejamí (kuma Belote ia tokala ue kua Bejamí.
Anga Nzidi mukua mbèle iê mutumini ua kaxaxi ka makalu mê u mu ta kikutu kia ufe, kioso muene kiala mu Tídiza mu kúnua ni kukodiua mʼonzo ia Alasa, ngolambole iê, ua kexile mu Tídiza.
Kia mu xisa akua Sídia (kuma a mu xile ni mauhaxi mʼonène), abhikʼê a mu ta kikutu kia usuéia, anga a mu jibhila bhu hama, u fua, mukonda dia manhinga ua Zakadiia, monʼa nganga Joiada; hé a mu funda mu mbanza ia Davidi, maji ka mu fundu mu jimbila ja jisobha.
O mu Jeluzaleme-phe, tunde kiá Amaziia kia xisa o ku kaiela Jihova, a mu te kikutu kia ku mu jibha, muene hé u lengela ku Lakiji; maji a tumikisa athu a mu kaiela kuema diê anga a mu jibhila kueneʼoko.