II Samuuele 4:11 - O Mikanda Ikola

¹¹ Kuambe dingi o athu iá, o isuéia a jibhila o muthu ua iuka mʼonzo iê, bhu hama iê bhua zeka; manhi o manhinga mê ngi kamba ku mʼebhula bhu lukuaku luenu, ni ku mi jimisa ue o mbutu mu ngongo?

II Samuuele 4:11 ပူးပေါင်းရင်းမြစ်များ

Dimatekenu 4:11

Kiki-phe lamba dié, tundé ku mavu a bhane mu kanu mu kúnua manhinga ma phangʼié, ma tundu ku lukuaku lué.

Dimatekenu 6:13

Nzambi anga u ambela Noué, uixi: Dizubhilu dieza dia xitu ioso; kia ngi tetulukila muene; kuma ixi ioso iezala usuéia mukonda dia athu; ijiia na-kiu kuma nga-nda ku a buidisa kumoxi ni ixi ioso.

Dimatekenu 7:23

Ima ioso ia muenhu anga i jimuka ku thandu dia mavu, tunde ku muthu, ni ibhaku, ni kibamba, ni njila i bhita bhulu; iene joso ia jimi mungongo; Noué ngó ua subhuka-ku ni iá a kexile-nê mu álaka.

II Samuuele 16:8

Jihova ua ku bhekela dingi ku thandu dié o futu ia manhinga moso ma dibhata dia Saúlo, ua mu bhingana ku ungana; Jihova iú ua bhakula ue o ungana ué bhu lukuaku lua Abisalone dia monʼè. U diuana-phe! Kindala eie ue divuua dia ku tula, mukonda u kiiala kia manhinga!

II Samuuele 3:27

Abinele-phe kia zubha ku vutuka bhu Hebolone, Jouabe u takananê bhu muelu ua kimbaka, anga u abhuka-nê bhu mbandu, kala phala kuzuela-nê maka bhu ubheka, bhenhobho anga u mu toma iene ia jimbanji, u fuila bhobho, mukonda dia ku mu vutuila o phonzo ia manhinga ma Azaiele ndengʼiê.

II Samuuele 3:39

Eme lelu hanji nga kambe nguzu sumbala a ngʼundu ku ungana; mala enhá, anʼa Zeluia o kuẋinuka kuâ kua ngi bhonzo; Jihova-phe muene u futa o kisuéia, kioso kia tokala mu usuéia uê.

I Jisobha 2:32

Jihova a mu vutuile o manhinga mê ku thandu dia mútue uê-muene, kuma muene ua balukila malʼaiadi a mu tundu muene kuiuka o muẋima ni mu ukota, iu ua a jibha ni mukuale uê, sé tatʼetu Davidi ku kʼijiia, ana a Abinele monʼa Nedi, kabhitangu ka kifuxi kia Izalaiele, ni Amasa monʼa Jetele, kabhitangu ka kifuxi kia Juda.

Jisálamu 109:15

O ikuma iâ i kale jinge muene ku mesu a Jihova, phala ende ni kuvuza o ijimbuete ia dilembalesu diâ, ia xi mu ngongo.

Jisálamu 9:12

Kioso ki eza mu kuibhula o mulonga ua kijibha, kene kujimba; o ki dikola ngadiama, ka kambe ku mu ivua.

Makatukilu 21:12

Se muthu u kuama mukuá katé kia fua, ió-phe muthu ua ku mu jibha ue, sé kufula.

Makatukilu 9:15

Kuma kindalʼiki, se ngʼedile ngi sunununa o lukuaku luami ni kibuika, hé ngi ku kuama ni eie ni mundu ué uoso, hinu mu ngongo enu oso mua bhu-mu;

Jisabhu 2:22

Maji akua-phulu mu ngongo a kà a buikisa-mu, o ibalukutu a kà a vuza-mu muene.

Jisabhu 25:26

Muthu ua iuka kia mu longa o kuiibha kuala o kisuéia, uila kala fixi ia vunzuluka, u di bhanga kala ndunga iala ni menha a sotama.

Jelemiia 10:11

A tangedienu kiki: O jinzambi joso ja kambele ku bhanga maúlu ni oxi, ja-nda ku jikinina kulu dia mundu, ni bhoxi dia diuluʼabha jijimuka-bhu.

Habakuke 1:12

Tunde mʼokulu Eie kʼemuene u Jihova, Nzambi iami, Ukôla? Ki tualʼiki, Ngana, ki tua-nda kufuila-bhu; kuma Eie Ngana, o muiji iú ua u te phala kufundisa ni kubatula, kiene ki ua ki bhangela, Eie u ndanji ia kidi, kuma muiji iú ua u xindi kienhiki phala kulonga.

Habakuke 1:4

Mukonda dia ima ienhiʼii kitumu kia zondo, o kubatula mu kidi ki kua moneka. Kuma mukua ituxi u bhondeleka uaiuka, o kutetulula mu kidi anga a ku lémbua.

I Nzuá 3:12

Ki tu sokele ni Kaini ua tokalele kua Diabhu mukua kutondalesa, anga u jibha phangʼiê. Mukonda diahi kia mu jibha? Mukonda o Kaini imbamba iê ia bhangele iaiibha, o ia phangʼiê Abele iaiuka.