II Samuuele 3:10 - O Mikanda Ikola

¹⁰ kia kusondolola o utuminu, u tunde mu dibhata dia Saúlo, ni kukuatesa o kiandu kia Davidi mu ku tumina Izalaiele ni Juda, tunde ku Dane katé Beleseba.

II Samuuele 3:10 ပူးပေါင်းရင်းမြစ်များ

II Samuuele 17:11

Eme-phe ngi bhana phangu kuma a diange kubhongolola hanji akua Izalaiele oso bhu kinama kié, tunde ku Dane katé ku Beleseba, kifuxi mu kuvula ki kale mukuá ni kisekele bhu mdúndu ia kalunga; o ki aia ku ita eie muene uia-nâ muʼaxaxe kâ.

II Samuuele 24:2

Muenexi anga u ambela Jouabe, kabhitangu ka kifuxi aia-nê, uixi: Ndeie kiá ubhite ku mbandu ni mbandu ma miiji ioso ia Izalaiele tunde ku Dane katé ku Beleseba, u kuate konda ia mundu phala ngʼijiie mba mundu uoso u tena kikuẋi.

II Samuuele 3:11

Ixi-bozete anga u lémbua kuvutuila Abinele, né ngó dízui dimoxi, kuma ua mu kala ni uoma.

II Samuuele 3:21

Abinele anga u ambela Davidi, uixi: Ki ngi tunda bhenhabha, nga kà bhongolola Izalaiele ioso bhu kinama kié u muenexi, phala a te kikutu ni eie, eie u kale mu ku a tumina kioso kia mesena muẋima ué. Davidi anga u sulula Abinele; o muene anga u muangana ni paze, ku muẋima kua mu uabha.

I Jisobha 4:25

Ni Juda ni Izalaiele, tunde ku Dane katé ku Beleseba, anga a kala bhua kondama, kala muthu u di xibhʼê mu kilembeketa kia muvide uê ni mu kilembeketa kia mufiuku uê, izuua ioso ia utuminu ua Solomá.

Afundixi 20:1

Kienhokio ana Oso a Izalaiele hé a tunda, kilombo kioso anga ki bhongoloka kala muthu umoxi ngó, tundé ku Dani katé ku Bele-seba, ni ixi ia Ngiliiade kumoxi, a bhongoloka kua Jihova bhu Mixipa.

I Samuuele 15:28

Kienhoko Samuuele anga u mu ambela, uixi: Jihova ua ku tandula lelu ungana ua Izalaiele, iu ua u bhana mukuenu uengi ua ku tundu mu kuiuka.

I Samuuele 28:17

Jihova ua ku bhange kioso kia zuelele kó kuami: kuma Jihova ua tambula ungana bhu lukuaku lué, ua u bhana mukuenu uengi, muene Davidi,

I Samuuele 3:20

Izalaiele ioso anga a tuma ku kʼijiia, tunde ku Dani katé ku Beele-seba, kuma Samuuele a mu xikika mu kukala polofeta ia Jihova.