II Samuuele 24:2 - O Mikanda Ikola

² Muenexi anga u ambela Jouabe, kabhitangu ka kifuxi aia-nê, uixi: Ndeie kiá ubhite ku mbandu ni mbandu ma miiji ioso ia Izalaiele tunde ku Dane katé ku Beleseba, u kuate konda ia mundu phala ngʼijiie mba mundu uoso u tena kikuẋi.

II Samuuele 24:2 ပူးပေါင်းရင်းမြစ်များ

Dimatekenu 21:14

Kúkia ni kimene Mbalahamu u balumuka, u zangula mbolo ni mudingi ua menha, u i bana Hangale, u mu tuika-iu bhu isuxi, anga u mu bhana ni mona hé ua kaia; muhatu anga u katuka, u kuata kunhungana mu kikangalakata kia Bele-sebha.

II Samuuele 17:11

Eme-phe ngi bhana phangu kuma a diange kubhongolola hanji akua Izalaiele oso bhu kinama kié, tunde ku Dane katé ku Beleseba, kifuxi mu kuvula ki kale mukuá ni kisekele bhu mdúndu ia kalunga; o ki aia ku ita eie muene uia-nâ muʼaxaxe kâ.

II Samuuele 2:13

Jouabe, monʼa Zeluia, ni makuenze ma Davidi, a tunda ue, a takana kumoxi bhu dijiia dia Ngibeione; anga a xikama bhenhobho, iá ala ku sámbua kunu dia dijiia, iá ala ku sámbua koko.

II Samuuele 20:23

Kienhiki Jouabe u kala muene o kumanande u tumina kifuxi kioso kia Izalaiele; Benaia, monʼa Jehoiada muene u tumina o Makeleti ni Mapelete;

II Samuuele 23:37

Zeleke mukua Amone, Nahalai mukua Belote, ibese ia Jouabe monʼa Zeluia,

II Samuuele 24:15

Kienhiki, Jihova u tumikisa kibuika mua Izalaiele tunde mu kimene katé bhu kumbi dioso dia mu xindi; ku mundu anga kufua tunde ku Dane katé ku Bele-seba makuinhi sambuadi a midi ia muthu.

II Samuuele 3:10

kia kusondolola o utuminu, u tunde mu dibhata dia Saúlo, ni kukuatesa o kiandu kia Davidi mu ku tumina Izalaiele ni Juda, tunde ku Dane katé Beleseba.

II Samuuele 8:16

O Jouabe, monʼa Zeluia, muene o komanande u tumina o kifuxi kioso kia makuenze a ita; Jozafate, monʼa Ahiludi, u kala musoneki a jindunda ja malunda;

I Malunda 21:2

Davidi anga uambela Jouabe ni makota a mundu, uixi: Ndé-nu, mua kʼàlule o mundu ua Izalaiele tunde ku Beleseba katé ku Dane; mu ngi bhekele o dialuilu diê phala eme ngijiie o mundu uoso se ala kikuẋi.

II Malunda 32:31

Maji-phe, kioso kia mu tumikisa o akunji kuala o ilamba ia akua Babilónia, mu ku mu ibhula muene o madiuanu ma bhiti na-mu mu ixi ieneʼoio, Ngana Nzambi ua mu ehelela, phala ku mu lola hanji, mbé o kuijiia ioso ia mu kexile ku muẋima uê.

Jisabhu 29:23

Muthu mukua ukumbu, o ukumbu uê uene hádia u mu katula o kijingo; maji o mukua muẋima ua batama-phe u bonga ujitu.

Jelemiia 17:5

Jihova uambe kiki: Ua xixima o muthu u dielela ku muthu, hé o xitu iene mu kúfua u i kita luene o lukuaku luê, anga o muẋima uê u u katula kua Jihova.

II Kolindo 12:7

Mukonda-phe dia majingunuinu kuvula kinéne, kuiengesa kuila ngi zangalala kiavulu, a ngi bhana uhaxi uonéne mu xitu. Uhaxi iú ueza kala mukunji ua Satana, mu ku ngi bhana jihuxi, phala ki ngi zangalale kiavulu.

Afundixi 20:1

Kienhokio ana Oso a Izalaiele hé a tunda, kilombo kioso anga ki bhongoloka kala muthu umoxi ngó, tundé ku Dani katé ku Bele-seba, ni ixi ia Ngiliiade kumoxi, a bhongoloka kua Jihova bhu Mixipa.