II Samuuele 24:12 - O Mikanda Ikola

¹² Ndeie ua kʼàmbele Davidi: Eme Jihova uedi kiki: Nga ku bhana ima itatu; sola-bhu kima kimoxi kioso ki ngi ku bhanga.

II Samuuele 24:12 ပူးပေါင်းရင်းမြစ်များ

II Samuuele 12:14

Suke kiene, maji mukonda-phe kima ki ua bhangʼiki, kia suinisa jinguma mu tanga kiaiibha kua Jihova, o mona ua mu vuala ua-nda kúfua muene, sé kufula,

II Samuuele 24:11

Kúkia ni kimene Davidi u balumuka, kizuelu kia Jihova anga kʼiza kua polofeta Ngadi, thoni, ia Davidi, kixi:

II Samuuele 24:13

Ngadi anga u iza kua Davidi, u mu tangela, uixi: Eie ua mesena ku kala sambuadi dia mivu ia nzala di ku iza mʼoxi ié? Inga u bhanga mbeji jitatu ni kulenga jinguma ja ku langata, jenda ni ku ku kaia? Inga ku kala kibuika mʼoxi ié, ki bhanga izuua itatu? Tongolola kiambote kioso ki u vutula, phala ngi ki tule kua ió uoso ua ngi tumu.

I Malunda 27:24

Jouabe, uavu mamʼâ Zeluia, ua matekene kiá o ku a kondala, maji ka a zubhile, mukonda o kienhiki kia bhekela njinda ia dikota ku thandu dia Izalaiele. Kiene kia bhekela kuila o konda iâ ka i te mu dialuilu dia malunda a sobha Davidi.

Jisabhu 3:12

Kuma Ngana, uoso ua mu zola u mu longa; mukua ni tata kia longa mona uosoʼa mu indila kumona mbote.

Jelemiia 30:11

Mbata eme ngala kumoxi nʼeie, phala ku ku bhulula, Jihova ua ki tange; mukonda miji ioso mu nga ku muangena, nga-nda ku a bhana o zubhilu diâ; maji eie-phe, ki nga-nda ku ku zubhidisa, suke nga-nda ku ku bhana ue kaxtiku ké mu kizongelu kia fuama, kuma eie muene ue, ki ngi ku mono ni kukala kidi u muthu ua bene.

Ijila 26:41

Eme uami, mu kuenda-nâ ene, nga a balukila jinga ʼte ki nga a tande mʼoxi ia jinguma jâ; bhenhobho-phe se o muxima uâ ua dibôlo u di tululula, anga o kibetuʼiki kia ikuma iâ a di ẋikina na-kiu, kuamba kia a fuama,

Ijila 26:43

Kuma oxi ia di kuata mukondo iaxala umba, iii ia di bhange ngùndu, ia kà kuata dingi kutana mu jisabhalu jê, kuma a i sengulula mukonda dia ene; ene-phe àkela: Né! Ngana ualungué, ua tu bhe-kiu, mukonda jiphangu jami a ji tele dikunda, o muenhu uâ ua di kumine ni jingonge jami.

Dijingunuinu 3:19

Oso u nga zola, ngʼa bazela, ngʼa beta. Phaphumuka-phe, u diele o ituxi ié.