II Samuuele 24:10 - O Mikanda Ikola

¹⁰ Muẋima ua Davidi-phe u mu êlesa, kia zubha kukuata konda ia mundu. Davidi anga u ambela Jihova, uixi: Nga te kituxi kiavulu mu kubhanga kima kiki. Kiki-phe, u Jihova, mulonga ngi katule-u, ngi mubhikʼé, nga ku diondo; kuma nga bhange uoua uavulu.

II Samuuele 24:10 ပူးပေါင်းရင်းမြစ်များ

II Samuuele 12:13

Davidi anga u ambela Natane, uixi: Nga te kituxi kua Jihova. Natane anga u ambela ue Davidi, uixi: Kidi, maji Jihova ua ku loloka kiá kituxi kié, kua-nda kufua, kana.

II Samuuele 24:17

Davidi anga u ambela Jihova, kia mono o anjo iala kubeta o mundu, uixi: Tala, nga te kituxi eme, eme nga bhange kuthathamana; jimbudi jiji-phe ja bhange kima kiahi? Nga ku diondo, lukuaku lué lu ngi nemene eme, ni dibhata dia tatʼetu.

I Jisobha 8:35

Kioso o diulu ki di jika, anga mvula i kamba kunoka, mukonda ene a ku tela kituxi, ene anga eza kusamba mu kididi kiki, ni kuximana o dijina dié, anga a diela ku ituxi iâ, kia mona kuila eie ua a tatesa,

I Malunda 21:7

Hundu iii ue, Nzambi ua i mono kuiibha ku mesu mê, kia mu bhangesa kukuama Izalaiele.

I Malunda 21:8

Davidi anga uambela Ngana Nzambi, uixi: Nga-te kituxi kiavulu kinéne mu kubhanga o kima kala kiki; kindala-phe, Ngana, nga ku diondo, loloka o kikuma kia selevende iê kuma nga bhange uoua uavulu.

II Malunda 16:9

Mukonda-phe o Jihova mesu mê ma bhita mu ngongo ioso, phala ku di londekeza o kusuína kuê mu ku kudila ió oso ala ni muẋima ua tenena kua muene; mu kiki-phe eie ua bhange ulaji mukonda tunde lelu ua-ndu kala jinga ni ita iza kokué.

II Malunda 32:26

Ezekiia-phe anga u di tolesa mukonda dia kudizangeleka kua muẋima uê, ni muene ni ene oso a tungu mu Jeluzaleme anga o njinda ia dikota ia Jihova i fula kuiza ku thandu diâ mu izuua ia Ezekiia.

Jobe 7:21

Phalaʼhi, kutondala kuami eie ngué ku ku loloka? kikuma kiami ngué ku ki katula? Kindala-phe nga-nda kuzekaʼmi kiá ku mavu, mu kimene ki u ngi sota, eme ki nga-nda ku kala-ku dingi.

Jisálamu 32:5

Ngixi-phe: Kota ngi di xikina kituxi kiami ko koué, o kuêla kuami ki ngi ku sueka; o ki ngedi ngi fisala kutondala kuami kua Jihova, eie kindala ua ngi loloka o kituxi ni mulonga.

Makatukilu 10:16

Bhenhobho Falaó u tuma kuixana Mozé ni Alá ni lusolo; u a ambela, uixi: Nga te kituxi, ni kua Jihova, Nzambi ienu, ni kókuenu enu.

Jisabhu 28:13

Muthu uoso u vunga o ikuma iê, katena kubhanduluka; maji muthu uoso-phe ikuma iê u i fisala, anga u i ambula, ió hinu a mu kuatela henda.

Hozeia 14:2

Endenu ni ku di tela mudienu maka a kudiela, phala mu vutuke kua Jihova. Ngana mu tangedienu, kuila: Tu loloke o ikuma ietu ioso, u tu tambulule; bhu kididi kia ku ku satela tungombe, xikina, Ngana, o sata ia ujitu i tunda ku mizumbu ietu, kuma diene dibhôko di tua ku tela.

Jouele 2:12

Né mu kindala kienhiki muene, Jihova uixi; Ni muẋima uenu uoso, Vutukenu kokuami; bhangenu-kiu muene ni kujila, ni kudila, ni mukondo.

Dialuilu 12:11

Alá anga u zuela kua Mozé, uixi: Mozé tata! Ngana iami; kana ku tu tudika kituxi kiki ku thandu dietu, nga ku diondo, kuma tua bhange uoua, tua te kituxi.

Marku 7:22

Maluimbi, úsueia, ufumbe, ufusa, dixinga, jindaka, kutatela, ukumbu, uoua.

Nzuá 1:29

Kizuua kia kaiadi Nzuá u mona Jezú uala mù kuiza kua mùene, uixi: Talenu! Muenhó Kambudi ka Nzambi, ka katula o ituxi ia mundu!

Nzuá 8:9

Ene kievu kiki, a kuata kutunda umoxi-umoxi, tunde ku dikota, katé ku ndenge. Jezú anga u xala ubheka uê ni muhatu, hanji kiemana bhu a mu bhakele bhu ʼaxaxe.

Matendelelu 32:6

Mbé Jihova kiene ki mu mu vutuilʼokio? Muiji ua tobho ua kambe kilunjí? Mbé Jihova ki muene Tatʼenu ua mi kula, ua mi bhanga, iu ua mi bhana o kutunga ni kusoma?

Tito 3:3

Kuma mʼokulu etu-ene tua kexile, tua tobho, tua xibhaka, tua di nganala, tua bhikila maluimbi ma vula matelu, ni jihânji joso, tuende ni phulu ni dixinga, tua iibha, tua di zemba mudietu.

I Nzuá 1:9

Maji se tu fisala o ituxi ietu kua Nzambi, muène fiiele, u kumbidila o kizuelu kiê hé u tu bhanga kioso kia fuama: U tu loloka o ituxi ietu, hé u tu ixika o mangonha moso.

I Samuuele 13:13

Samuuele anga u ambela Saúlo, uixi: Ua bhange uoua; ua kambe kubhaka o kijila kia Jihova Nzambi ié, kioso kia ku tumu; kuma Jihova hinu ueje kukolesa o utuminu ué mu Izalaiele ni u nangenena.

I Samuuele 24:5

Kia zubha ku ki bhanga-phe, Davidi muẋima uê ua mu êlesa, mukonda dia kubatula ku divunga dia Saúlo.

I Samuuele 24:6

Anga u ambela makuenze mê, uixi: Ki kola! Ngana a ngi lange, phala eme ki ngi te kituxi kala kiki, kia kusunununa lukuaku luami kuthandu dia muthu a mʼundu ni maji kuala Jihova; ki ngi kala kisunji eme ku mu zengela lukuaku, kuma Jihova muene ua mu undu ku ungana.

I Samuuele 26:21

Saúlo bhenhobho anga u zuela, uixi: Nga bhange kiaiibha! Vutuka monʼami Davidi, kuma ki nga-nda ku ku bhanga dingi phulu; mukonda muenhu uami eie lelu ua u kiti kima kikôla. Ni kidi muene nga bhange uoua, nga tondala kiavulu muene.