II Samuuele 23:5 - O Mikanda Ikola

⁵ Dibhata diami manhi ki kiene ki dia tungiua ku mesu ma Nzambi? Kuma ua te ni eme kikutu ki nangenena, kia jimbuluka mu ima ioso, kiókondeke; ioso ia kubhanduluka kuami, ioso ia mbote i ngʼinda, manhi ki muene u i buingitisa?

II Samuuele 23:5 ပူးပေါင်းရင်းမြစ်များ

Dimatekenu 9:16

O hongolo ia kà kala mu matuta; eme-phe ngi i tala jinga, phala ngi lembalale o kikutu ki nangenena kia bhiti bhu kaẋi ka Nzambi ni mienhu ia jixitu joso jala mu ngongo.

II Samuuele 12:10

O kiki-phe, xibhata mʼonzo ié ki i batuka-mu dingi, mukonda eme ua ngi tènde, mukaji a Udiia mukua Hiti ua mu tambula mu ku kala mukajiʼé.

II Samuuele 13:14

Muene-phe ka xikina ku mu ívua dízui; mukonda-phe uala mu nguzu, u mu bhanga kusuina, u zeka-nê hé u mu katula undenge uê.

II Samuuele 13:28

Abisalone anga u tendelela makuenze mê, uixi: Alukenu kiambote, kioso ki mu mona muẋima ua Aminone ua mu sanguluka kiá ni vinhu, se muevu nga mi ambela kuila: Aminone mu tienu! Enu-phe mu mu jibha muene; ki mu kale ni uoma, kabasa eme muene nga ki tumu; kolenu maku, mu bhange undanda!

II Samuuele 18:14

Jouabe anga u mu ambela bhenhobho, uixi: Eie ua-ndu ngi lalekesa. Anga u katula matoma matatu bhu lukuaku luê, uia, Abisalone u mu kubula mu mixima, kioso kiala hanji ni muenhu, ua nhengama mu mukaluvalu.

II Samuuele 7:12

O kia kà tenena izuua ié, ki ua kʼàia ku kilu ni a-tatʼenu, nga kà zangeleka o mbutu ié i ku bhingana ku dima, i tunda mu divumu dié muene, o utuminu uê ngi u kuatesa, u kola kiambote.

II Samuuele 7:18

Davidi, muenexi, bhenhobho u bokona hé u xikama bhu pholo ia Jihova, uixi: emeʼeme nanhi, Ngana iami, Jihova, tata! dibhata diami akuahi, phala u ngi bheke ditala kala didi?

I Jisobha 1:5

Thembu ienʼoio Adoniia, monʼa Hakiti, u di zangeleka, uixi: eme-muene ngi hinga o ungana; anga u iudikisa makalu, u sota akua jikabalu, ni makuinhi atanu a muthu enda ni ku mu tuamenena mu kuenda.

I Jisobha 11:38

Anga kia kà kala-phe kuma, eie se uívua ioso i ngi ku tuma, ni uendela mu njila jami, nʼu bhange kia iukila ku mesu mami, mu kubhaka o itumu iami ni ijila iami, kala kia bhanga jinga ngunza iami Davidi, eme ue nga kà kala jinga nʼeie, anga nga kà ku tungila inzo ia kuatenena kiambote, kala i nga tungila Davidi, o Izalaiele nga kà ku bhana-nê.

I Jisobha 12:14

Anga u a zuelesa mù kaiela phangu ia mu longesa minzangala uixi: Tatʼetu ua nemesene kiavulu ophi ienu, eme-phe ophi ienu nga-ndu i bandekeza hanji: tatʼetu ua mi beta jinga ni jisanzu, eme-phe nga-ndu mi beta jinga ni jingìnga

Jisálamu 111:9

Ua tumu kukula o mundu uê, iu ua te-nâ o kikutu ki nangenena ki ki bhu; o dijina diê di kôla, di kuata uoma!

Jisálamu 119:81

Muenhu uami ua senduka ni ku kinga o ubhulukilu ué, maji kizuelu kié nga ki dielela.

Jisálamu 27:4

Kima kimoxi ki nga bhingi kua Ngana, kiene ki ngi bhindamena jinga: o kutunga mʼonzo ia Jihova izuua ioso ia muenhu uami, mbé kutala o kuuabha kua Ngana, ni kudilonga jinga maka mu Tembulu iê.

Jisálamu 62:2

Nzambi muene ngó o ditadi diami di ngi bhana muenhu; kua muene ku nga kondamena, ka ngi zambesa kiavulu, kana!

Jisálamu 89:3

Uixi: Nga te kikutu ni muthu uami nga mu solo, selevende iami Davidi nga mu lokela.

Izaía 11:1

Mbata ku kixina kia Jese kuanda kusabhuka Luthangu, o ku jindanji jê kua-nda kufuafua ngolongo ia-nda kuima.

Izaía 27:6

Bhua kèza izuua ia kuila Jakobo u ta jindanji, o Izalaiele ua kà sabhuluka u fuafua anga u bhana itulu ni ibundu; enhá anga a kèzalesa oxi ioso ni ibundu, kulu dia mundu.

Izaía 4:2

Bhu kizuua kiná o Ndombo ia Jihova ia kà kala ditunda, ni kijingo; oso a subhuka mu Izalaiele a kà mona uuabelu ua kibundu kiaʼxi, kuma kima kia ujitu.

Izaía 54:10

Kuma milundu hádia isondoloka, tuthuthu-lûndu tua kà tunguta; maji o kulenduka kuami ki kua kà ku sondoloka; o kikutu kia kutululuka kuami ki kia kà lunguluka, kiene kia tange Jihova, mukua ku ku lendukila.

Izaía 55:3

Bhetekenu o mátui menu, nda mu ize kokuami; ividilenu, muenhu uenu ubhuluke; kuma nga-nda kuta nʼenu kikutu kixalela-ku, hé ngi mi bhana jimbote ja Davidi ki jene kufula.

Izaía 61:8

Mbata eme ngi Jihova, kia ngi uabhela o kuiuka, kia ngi ibhila o kubhanga kiaiibha; eme nga kà a bhana futu iâ mu kidi; anga ngi ta-nâ kikutu kià xalelà-ku.

Izaía 7:14

Uila kikiphe, Jihova muene, ua-nda ku mi bhana kijimbuete: Talesa, kua kà kala monʼa kilumba, uimita, nʼa vuale monʼa diiala, o dijina diê a kà mu luka Imanuele.

Jelemiia 32:40

Hé nga kà ta-nâ kikutu ki nangenena, ki kia kà a sondoloka dingi, mbé o ku a bhanga mbote, anga nga kà ta uoma uami ku muẋima uâ, phala eme ki mungu dingi a ngʼixa.

Jelemiia 33:21

kuabhu-phe, ni kikutu ki nga te ni Davidi, dia mubhikʼami mu tena ue ku ki tumbulula, phala ka kale ni mona ua diiala u tumina bhu kiandu kiê; kiene kimoxi ue ni jilevita, o jinganga, akunji ami.

Izekiiele 37:26

Anga nga kà ta-nâ kikutu kia uembu; kiene ue kia kà kala kikutu ki nangenena; nga kà a phapha muene, nga kà a sokolola, o kididi kia dibhezelu diami hé nga kà ki tula muʼaxaxe kâ katé ku hádia ni hádia.

Amoji 9:11

Mu kizuua kieneʼokio-phe, balaka ia Davidi ia dibhalele, nga kà imika dingi, mazungu mê nga kà a xita, jingundu jê nga kà ji balumuna dingi, nga kà i tunga kala mu izuua ia xahulu.

Jipoxolo 13:34

Kieniki kiene kia tange Nzambi, mu kufukununa Jezú ku ʼalunga, iú uambe kuila katena dingi kuvutuka mu kusekumuka, mukonda uambe dingi kiki: Eme nga kà mi bhana jimbote ji nga lekelela Davidi, ki jene kufula.

Jihebeleu 13:20

Kiki-phe Nzambi ua fukununa Ngana ietu Jezú mu madifundu, o mukonda dia kufua kuê, muène o Mubidi ua Dikota ua jimbudi. Uila kiki, mu manhinga ma Jezú, o kikutu ki nangenena a ki kolêsa ni kidimbu.

Jihebeleu 6:19

Kudielela kua kidi, ku kuatesa mienhu ietu mukua ni ombua ia naviiu. Kuene kua kuata, kua kolo, ku bhixila katé kuema dia kibatulu kia tembulu mu diulu, anga ku bhita katé moxi dia kididi kikôla.

I Samuuele 2:35

Nga kà zangeleka nganga iami iengi ia fiiele, uà kala muthu ua kukumbidila ioso ia ngi kala ku muẋima ni mu kilunji kiami; muene nga ka mu tungila dibhata diakolo, uà kala mu kuenda jinga bhu pholo ia muthu uami nga mʼundu ni maji sé dizubhilu.

I Samuuele 25:28

Loloka, nga ku diondo, o kutondala kua kahatu ké; kuma ni kidi muene, Jihova ua-nda ku ku tungila dibhata dinanga, ngana iami: mukonda ngana iami, jimvunda ji uene kuzoka, jimvunda ja Jihova; ka ku kuate ni kikuma izuua ié ioso.