II Samuuele 23:16 - O Mikanda Ikola

¹⁶ Mazonda matatu enhá anga a bula mu kaẋi ka kifuxi kia akua Fidíxia, a sunga menha mu kixima kia Beleme, kia zukama bhu muelu ua kimbaka, anga ambata menha, enhá a a bhekela Davidi. Muene-phe ka xikina ku a nua, maji u a lunduluila bhoxi bhu pholo ia Jihova.

II Samuuele 23:16 ပူးပေါင်းရင်းမြစ်များ

Dimatekenu 35:14

Jakobo anga u imika philadi bheniobho, bhua zuelela ni Nzambi, philadi ia ditadi; hé u lunduluila-ku kiamenga, anga u texila-ku ni maji.

II Samuuele 23:9

O ku kunda diê kua kaiela Eleizaele, monʼa Dodo, monʼa Ahuoi, dizonda ku mazonda matatu ma kexe ni Davidi bhu Efeji-Damini, kia luisa kaẋo ku akua Fidíxia a bhongoloka ku ita, ene-phe akuâ, akua Izalaiele, a muangana kiá, a lenge.

I Malunda 11:18

O kitatu kiókio-phe anga a divubula mu kilômbo kia akua Fidíxia, hé akatula o menha mu kixima kia Beleme, kiala bhu mbandua-muelu; a a zangula anga a a bhekela Davidi; maji Davidi-phe ua ditunu ku a-nua, hé u a lunduluila bhu pholo ia Jihova, kuma ujitu uê ua mu bhana.

Ndongixi 4:12

Se bhu kala muthu u sota kutolola-bhu umoxi, kiiadi kiâ à-lua-nê, kuma ene mu kiʼamba muene, exi: “O ngoji lu bhita lutatu, ki lu batuka lusolo”.

Kuditenda 2:19

Balumuka, udikole muene mʼusuku, bhu diandekelu dia ilangidilu: Lundulula o muẋima ué kala menha bhu pholo ia Jihova Leka maku mé kua muene, u diondele o muenhu ua tuana tué; a kuata kuambukila ngó mu jiphambu-a-njila ja jinzunga joso, kingumba o nzala!

Dialuilu 28:7

Sata iê ia kúnua, mbandu ia kauana ia hine mu mbudi imoxi; ua kà lundulula dikáu didi dia kúnua kua nguzu kua Jihova, bhu kididi kikôla mu lumbu lua balaka.

Jipoxolo 20:24

Ki nga suu-phe kima. Né o muenhu uami ki ngʼ u jijila, kabasa ngi zubha o njila ia ngi xindi, ni ukunji ua ngi bhana Ngana Jezú. O ukunji uenʼ iú: O kubhana umbangi ua Njimbu Iambote ia kiadi kia Nzambi.

Loma 5:7

Né muthu uaiuka, mukuâ ka moneka kindala u xikina ku mu fuila bhu kididi. Maji se kia bhonzo sai-ku ni iú u xikina kufuila o muthu uambote bhu kididi.

II Kolindo 5:14

Kuma tuezala ni henda ia Kristu ia tu kuatela, mukonda tua kʼijiia kuila muthu umoxi ua fuidile ene oso, mu kiki, atu ene oso a tambula mbandu mu kufua kuê.

Filipe 2:17

Kuma sumba anda ku ngi zunzumuna o manhinga, o muenhu uami anga a u bhana kala sata iòbhakuile kua Nzambi mukonda dia kuxikana kuenu. O kieniiki se ki bhita, eme ngi ki tanena, hé ngi sanguluka kumoxi ni enu oso.

I Samuuele 19:5

Kuma muene muenhu uê ka u suu, kifua ua u ambatele bhu lukuaku, anga u jibha mukua Fidíxia, Jihova iu ua bhesa kikóue kia dikota kua Izalaiele; eie-muène ue u mbangi kuma ua ki muene, anga u kala mu sanguluka; eie ua mu edile: Tanaku! Kiki-phe u tela-hi kituxi kia kuzunza manhinga a kambe mulonga, hé Davidi u mu jibhʼê ngó sé kikuma?

I Samuuele 7:6

Anga a bhongoloka bhu Mixipa, a teka menha, a ma lunduluila bhu pholo ia Jihova, a fula kúdia kizuua kienhókio, a fisala, exi: Tua te ituxi kua Jihova. Samuuele anga u kala mu fundisa anʼa Izalaiele bhu Mixipa.