II Samuuele 23:10 - O Mikanda Ikola

¹⁰ Muene-phe u balumuka anga u beta akua Fidíxia katé lukuaku luê ki lua bhuila, o lukuaku anga lu mu naminina ku xibhata. Jihova anga u kalakala kubhanduluka kua kikóue kia dikota kizuua kienhokio. O mundu ua masoladi kia alukila kua Eleiazale, eza kiá ngó mu kubonga imbamba ia madibhundila.

II Samuuele 23:10 ပူးပေါင်းရင်းမြစ်များ

II Samuuele 23:12

Muene-phe u imana mu kaẋi ka díbhia u di bhângela, u jibha akua Fidíxia. Jihova anga a kalakala kubhanduluka kua kikóue kia dikota.

II Jisobha 5:1

O Naamane, muadiakime ua Kifuẋi kia masoladi a Sídia, ua kexile muthu ua dikota bhu pholo ia ngana iê; o muene a mu xila kiavulu; mukonda o kokué kuene Jihova kua bhuluila akua Sídia. O muthu muenʼiú hé u kala kindanda, maji mukua dibhute.

I Malunda 11:13

Muenhú uakexile kumoxi ni Davidi, bhu Paze-Domine, kioso o akua Fidíxia kia di bhongoluela bhenhobho mu kubhanga-nâ ita. Bhenhobho-phe, o kakididi ka mukáu uenhó kezalele ni sevada; o mundu hé a lenga bhu pholo ia akua Fidíxia.

Jisálamu 108:13

Mu nguzu ia Nzambi tu bhanga muene undanda; kuma muene u titidila o jinguma jetu bhoxi.

Jisálamu 144:10

Eie-muène u bhana o uzonda ku jisobha; eie u kudila selevende ié Davidi ku mukuale ua kiluami.

Jisálamu 68:12

Jisobha ni ilómbo iâ, a a bhesa lusolo; o ndona ua xedi ku bhata, muene uala mù uana kiá imbamba ióbhunde.

Izaía 53:12

Mukonda dia kiki, nga-nda ku mu katuila dikânda diê ku athu a vulu, sumbala muene ua-nda kuuana o madibhundila kumoxi ni mazonda; mbata ua lundulula o muenhu uê muʼalunga, a mu bundile kumoxi ni ifumbe; maji muene ua di tuika o ituxi ia athu avulu; iú uala kudiondela akua-ituxi.

Loma 15:18

Kuma ki ngi di metena ima iengi, maji ngi tanga ngó ioso ia kalakala Kristu ni eme mu kubhangesa akua jixi jengi kutumaka Nzambi. Kieniiki ngene ku ki bhanga jinga ni ku maka ni ku ikalakalu,

II Kolindo 4:5

Kuma, etu ki tua di kola etu ene, maji tua kola Kristu Jezú kuma muene Ngana, o etuku tuala tu abhikʼenu mukonda dia Jezú.

Josuué 10:10

Jihova anga u a titidisa bhu pholo ia Izalaiele, u a kuama kiavulu, mu Ngibiione; u a ambatesa ni njila i banda ku Mbetolone, hanji kia oseka katé mu Azeka ni mu Makeda tulʼé.

Josuué 10:42

Jisobha josuʼojo Josuué ua ji kuatela-bhu kiá muene ni jixi jâ, mu kithangana kimoxi, mbata Jihova Nzambi ia Izalaiele muene ua kexi kuluila Izalaiele o ita.

Josuué 11:8

Jihova anga ua a bhakula bhu lukuaku lua Izalaiele, anga a a kuama muene, aia ni ku a bhesa lusolo katé ku Sidone iònene, ni ku Mijilefote-maine anga a somboluela mu dikôlo dia Mispa, ku mbandu ia thunda. Anga a a jibha-jibha muene katé abhu, ki bhua subhuka muthu.

Afundixi 15:14

O kia tuia-nê mu Leki, akua Fídixia a solomoka mu ku mu kauidila, hé a dikola ni kusanguluka kia zubha ku mu mona. Maji o Nzumbi ia Jihova anga iza ni nguzu kua Sansau, o mikolo ia mu kala mu maku i di bhanga kala jingoji ja linhu ja jokota mu túbhia, iene ioso ia mu zuluka mu maku.

Afundixi 15:18

Bhenhobho anga u kala ni dinhota dia vulu, hé u dikola kua Jihova, uixi: Ku lukuaku lua mubhikʼé, Eie Ngana kuene ku ua bhela o kubhuluka kua dikota kuosʼuku; kiki-phe ngi fua kiá ku dinhota, o akua-inhunga iá lelu nʼa ngi kuata dingi?

I Samuuele 11:13

Saúlo-phe, uixi: Kana, ki mu jibhe-bhu muthu lelu; mukonda lelu Jihova ua kalakala ubhulukilu mua Izalaiele.

I Samuuele 14:23

Kienhiki Jihova ua bhulula Izalaiele mu kizuua kienʼokio, ita anga i somboka bhu Betavene.

I Samuuele 14:6

Jonata anga u ambela kibese kiê kia mu mu ambatela o ibhakatu ia ita, uixi: Ndoko, tuie ku sámbua bhu poxto ia akua mabôlo enhá, amoxi Jihova u kalakala mu ku tu kudila; kuma Jihova ki bhuala ki mu fudisa kubhulula mundu uê ni athu avulu mba kubhulula mundu uê ni athu atolo.

I Samuuele 17:53

Anʼa Izalaiele-phe ki a vutuka mu kukaia akua Fidíxia, a di lukula mu ku bhûnda o kibangu kia jinguma jâ.

I Samuuele 19:5

Kuma muene muenhu uê ka u suu, kifua ua u ambatele bhu lukuaku, anga u jibha mukua Fidíxia, Jihova iu ua bhesa kikóue kia dikota kua Izalaiele; eie-muène ue u mbangi kuma ua ki muene, anga u kala mu sanguluka; eie ua mu edile: Tanaku! Kiki-phe u tela-hi kituxi kia kuzunza manhinga a kambe mulonga, hé Davidi u mu jibhʼê ngó sé kikuma?