II Samuuele 23:1 - O Mikanda Ikola

¹ Enhá ene o maka ma sukidila-ku ma Davidi. Davidi monʼa Jese uambe kiki; muthu ió a mu zangeleka ditala dia dikota, a mu undu ni maji kuala Nzambi ia Jakobo, uixi:

II Samuuele 23:1 ပူးပေါင်းရင်းမြစ်များ

Dimatekenu 49:1

Jakobo anga uixana anʼê, uixi: Bhongolokenu, ngi mi tangele ima ioso ia kà mi bhita mu izuua ia hádia.

II Samuuele 22:34

U bhangesa inama iami i soka ni ia hoha, u ngʼimanesa matala ma di leka,

II Samuuele 22:51

Muene, Sobha iê, u mu bhana kubhanduluka kua nzungule, u idikiza jihenda javulu ku muthu uê ua mu undu ni maji, kua Davidi ni mbutu iê, katé ku hádia ni hádia.

I Malunda 16:7

Mu kizuua kienhokio-phe, Davidi udianga hanji kubhana o salamu iii iala ku pholo phala kuximana na-iu Jihova, ku ukunji ua Azafu ni ua jiphange jê, exi:

I Malunda 16:9

Muimbidienu, mutienu ku mukumbi ni jisalamu, tangenu ni muanu o madiuanu mê moso.

Jisálamu 2:6

Eme-phe, sobha iami nga muʼundu bhu kididi, ku mulundu uami ukôla ua Ziione.

Jisálamu 72:20

Misambu ia Davidi dia monʼa Jese ia suku bhenhabha. Mahezu.

Jisálamu 89:20

Nga bongo Davidi, selevende iami; ni maji ami a kijila nga mu undu ku ungana.

Jisálamu 89:21

Lukuaku luami lu kala-nê jithembu joso; lukuaku luami luene lu mu bhana o nguzu iasoko.

Amoji 6:5

Mu kala mu kukina, o kia xika kakoxi enu muimba; mu di iudikila ima ia kuxikila mimbu kala Davidi;

Luka 20:42

Mukonda o Davidi muène, mu divulu dia Jisálamu uambe, uixi: Ngana uambela Ngana iami, Xikama ku madilu mami,

Luka 24:44

Anga ua ambela, uixi: Ene o makʼ ami u nga mi ambelele ki nga kexile hanji ni enu, kuma ima ioso ia bhingi i bhita, iòsoneke mu Kitumu kia Mozé, ni mu madivulu a Jipolofeta, ni mu Jisalamu, ia ngi tokala eme.

Matendelelu 33:1

Didi-phe diene o dibesá dia besouala na-diu anʼa Izalaiele kuala Mozé, muthu ua Nzambi, kiosuʼiki kia lungu mu kúfua.

Kolose 3:16

O maka ma Kristu ni jimbote jê joso, ma mi tunge kia nzungule moxi dienu, ma mi bhane kilunji. Mu kala mu ku di longa mudienu, ni ku di bhana phangu ni unjimu uoso. Muimba jinga mu jisalamu, ni mikumbi, ni mimbu ioso ia nzumbi. Muimbila jinga Nzambi ni muẋima uezala kisakidilu.

Tiiaku 5:13

Se sai-ku muthu mudienu uala kutala hadi, a sambe. Se sai-ku ua sanguluka, embe mimbu ia kusakidila.

I Samuuele 17:12

Davidi-phe monʼa mukua Efalata mu Beleme ku Juda, dijina diê Jese; muenʼiu anga u kala ni nake dia ana a mala; muadiakimi kiá mu izuua ia Saúlo, ua kuka kiá muene muʼaxaxi ka athu.

I Samuuele 18:7

Ahatu anga a di tambuijila mu kuimba, kioso kiala kuxika, exi: Saúlo ua jibha jimidi, Davidi-phe makuinhi a jimidi.

I Samuuele 2:10

Oso a bhânga ni Jihova a kà tolojoka; muene u a numinina tunde mu diulu. Jihova uà fúndisa maẋokololo a jixi. Sobha iê ua kà mu bhana o nguzu ni kutumina ua kà zangeleka o kutena kua muthu uê ua mu undu ni maji.