II Samuuele 22:44 - O Mikanda Ikola

⁴⁴ Eie ua ngi kudila mu jimvunda ja mundu uami; ua ngi bhake ku ukota ua kutumina jixi; katé ni mundu ki nga u ijidile, ua kà ngi bhikila.

II Samuuele 22:44 ပူးပေါင်းရင်းမြစ်များ

II Samuuele 19:14

Kienhiki anga u bilula o mixima ia akua Juda oso, kala muẋima ua muthu umoxi ngó; ene oso anga a tuma kuambela muenexi, exi: Vutuka ku bhata, ni eie ni makuenze mé moso.

II Samuuele 19:9

Mundu uoso anga a kala mu zoka mu miiji ioso ia Izalaiele, ni kuzuela, exi; Muenexi muene ua tu kudidile bhu lukuaku lua jinguma jetu, muene ua tu bhuluile bhu lukuaku lua akua Fidíxia; o kiki-phe mʼoxi ua lenge-mu mukonda dia Abisalone.

II Samuuele 20:22

Muhatu anga uia ku mundu uoso hé u a zuelela ni kilunji kiê kioso. Ene anga a batula mútue ua Seba, monʼa Bikidi, a u takuila ku kanga kua Jouabe. Muene anga u xika koloneta, ku mbonge a tundu-ku, a muangana kala muthu ku balaka iê. Jouabe anga u vutuka mu Jeluzaleme kua muenexi.

II Samuuele 3:1

Anga ku kala muene ita ia thembu iavulu, bhu kaẋi ka dibhata dia Saúlo ni dibhata dia Davidi; o nguzu ia Davidi anga iia ni ku di bandekeza, maji o ia dibhata dia Saúlo-phe iia ni kutebhunuka.

II Samuuele 5:1

Thembu ioso-phe miji ioso ia Izalaiele anga eza kua Davidi bhu Hebolone, exi: Etu-ze tu kifuba kié, tu xitu ié.

Jisálamu 110:6

Muene u batula o milonga muʼaxaxi ka jixi, bhoxi bhuizala imbi, u bula-bula muene o mítue ia atumini mu ngongo ioso.

Jisálamu 18:43

Eie ua ngi kudila mu jimvunda ja mundu; ua ngi bhangesa kukala ngi mútue ua akua matumbu; kifuẋi kia athu ki nga ejidile, ala ku ngi bhikila.

Jisálamu 2:8

Ngi bhinge, phalʼeme ngi ku bhane akua jixi ku avua, a kale undundu ué, katé ku maẋokololo mu ngongo.

Izaía 55:4

Talesa, eme nga mu bhana a kale mbangi ku athuʼoso, a kale kilolo, a kale nguvulu ia mundu.

Izaía 55:5

Tala-ze, eie ua-nda kuixana kifuxi kua kʼijidile, ifuẋi ia kambele ku ku ijiia ia kèza malusolo kokué, mukonda dia henda ia Jihova Nzambi ié, ni ia Dilemba Dikola dia Izalaiele; kuma muene ua ku zangeleka.

Izaía 60:12

Mbata kifuxi mba utuminu, ukamba ku ku sedivila eie, uà kà jima o mbutu; xi, ifuẋi ienhoio a kà i buikisa muene, taka-taka.

Izaía 65:1

A ngi sota kuala athu ka kexe mu ngʼibhula; a ngi sange kua ió ka kexi mu ngi sota; ku athu mu dijina diami ka tokalele-mu, nga a tambuijila, ngixi: eme bhabhʼú!

Daniiele 7:14

Anga a mu bhana o kutumina, ni kijingo, ni ungana, phala miji ioso, ni ifuẋi, ni madimi moso ende ni ku mu bhikila muene. O kutumina kuê kua miaka, ku kuene dizubhilu, o ungana uê uene ngó, ka tena ku u bhuisa-ku.

Hozeia 2:23

Izalaiele nga kà mu phapha mu ngongo phala eme; Lo-Luhama nga kà mu kuatela henda, ió ka mu kuatelele henda ia kima; Lo-Ammí, ió ka kexile povo iami, nga kʼèla kiá: Eie u povo iami; o muene ue ua kʼèla: Eie u Nzambi iami.

Loma 15:12

O bhuamukuâ Izaia ue uixi: Hadia kuà keza muthu u tunda ku muiji ua Jese, muene ua kà zangalala mù tumina akua jixi jengi; o matumbu a kà mu dielela jinga muene.

Loma 9:25

Kala kia tange ue mu Ozeia, uixi: Nga kà exana: Mundu uami, oso ka kexile Mundu uami. Ngi mu ila: Kazola kami, o muiji uoso ka kexile Kazola.

Matendelelu 28:13

Jihova ua-nda ku ku bhanga u mútue, ku kala u mukila, kana; kididi kié u kala jinga ku thandu, kukala bhoxi, kana; kabasa eie u tumaka jinga o ijiia ia Jihova Nzambi ié i ngala ku ku tendelela leluʼiii, anga u i ta ku muxima, hé uia jinga ni ku i bhanga.

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!