II Samuuele 22:40 - O Mikanda Ikola

⁴⁰ Kuma eie ua ngi zuika ni nguzu ia kubhânga; ua ngi lendesa ku a tolola ió oso a ngi solomokena.

II Samuuele 22:40 ပူးပေါင်းရင်းမြစ်များ

Jisálamu 109:19

O mázui ma mu kale kiá kala dibeka diê dia di futu; ele muene kala phonda iê iene kukuta mu mbunda.

Jisálamu 144:2

mukua henda iami, kimbaka kiami kia ngi xitila, mbonge iami ia matala, kilolo kiami kia ku ngi bhângela; ngubu iami, nga mu dielela muene; muene ua tolola o mundu phala a ngi belesele.

Jisálamu 18:32

Nzambi muene ua ngi bhana o ukuenze, muene mukua ku ngi xitunuina o njila iami.

Jisálamu 18:39

Kuma eie ua ngi kutu ni nguzu ia kubhânga; ua ngi lendesa ku a tolola ió oso a ngi balukila.

Jisálamu 44:5

Mu nguzu ié tu lundumuna oso a tu zembe; mu dijina dié tu a titidila muene bhoxi oso a tu balukila.

Izaía 45:5

Eme-muène Jihova, kana-ku uengi; bhu nga kambe eme, ki bhu kala dingi Nzambi; Kuma eme nga ku zuika ni nguzu, sumbala eie kua ngʼijiia.

Izaía 60:14

Ni ana a ió oso a ku huhile eie, a kèza ni kudiunda kokué; oso a kexe ku ku lebhula a kà ku fukamena bhu inama ié; ene anga a kà kuixana exi: Diembu dia Jihova, Ziione dia Lemba Dikola dia Izalaiele.

Kolose 1:11

O nguzu iê ia fuma i mi suinise katé mua tena o kukolokota mu ima ioso, ni kuxididika.

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.

I Samuuele 23:5

Davidi-phe ni makuenze-mê aia ku Keila, a lua ni akua Fidíxia, anga a a tambula ibhaku iâ, a a jibha ni kihaẋi kia dikota. Kienhiki Davidi u bhulula akua Keila.