II Samuuele 22:4 - O Mikanda Ikola

⁴ Nga dikola kua Jihova, ua fuama o ku mu ximana, muene iú ua ngi bhulula ku jinguma jami.

II Samuuele 22:4 ပူးပေါင်းရင်းမြစ်များ

II Malunda 20:22

O kithangana kiandeka ene ni kutana ni kuximana, Jihova ua te madibatamenu a kubatamena anʼa Amone, ni anʼa Mouabhi ni akua milundu ia Seíle eza mu kúlua ni Juda, anga a a tolola.

Nehemiia 9:5

Kuala akua Levi: Jesuua, ni Kadimiiele, Baní, Hasabeneia, Selebiia, Hodiia, Sebaniia, Petakiia; exi: Fundumukenu, tanesenu Ngana dia Nzambi ienu katé ku hádia ni hádia; ndokuenu mu tanese o dijina dia fuma iê, dia tundu o dibesá dioso ni diximanu.

Jisálamu 106:2

Nanhi u tena kutanga o ikalakalu ia undanda ua Jihova? Mba, nanhi utena o ku mu ximana nʼa zubha?

Jisálamu 116:13

Ngi kuata o dikáu dia kubhuluka, hé ngi hingila mu dijina dia Jihova.

Jisálamu 116:17

Ngi ku satela sata ia kusakidila, ngi hingila jinga mu dijina dia Jihova.

Jisálamu 116:2

Mbata ua ngi bhetamena dítui; kala kiki, ngi dikola jinga kua muene, kioso ki ngi laia ni muenhu.

Jisálamu 116:4

Bhenhobho anga ngi dikola mu dijina dia Jihova, ngixi: U Jihova, tata, nga ku diondo, ngi bhulule o muenhu uami.

Jisálamu 18:3

Ngenda ni kudikola kua Jihova, ua fuama o ku mu ximana; kiene ki ngi bhulukila ku jinguma jami.

Jisálamu 34:6

Ngadiamʼiii ia dikola, Jihova ua mu ivu, ua mu kudila mu jiphaxi jê joso.

Jisálamu 48:1

Jihova munéne, muene ngó ua O tokala ku mu ximana jinga kiavulu, mu mbanza ia Nzambi ietu, ku mulundu uê uangene.

Jisálamu 50:15

Nda u dikola ko kuami, mu kizuua ki kuiza o kutata; eme ngi ku kudila, eie anga u kala ni ku ngi ximana.

Jisálamu 55:16

O ki ngalʼemʼiki-phe, ngi dikola kua Nzambi; Jihova muene u ngi bhulula.

Jisálamu 56:9

Kioso eme ki ngi di kola kokué, jinguma jami kiene ki ji vutuka ku dima; mukonda nga kʼijiia kiambote, kuma eie Nzambi uala ku mbandu iami.

Jisálamu 66:2

Imbenu, mu ku tumbula o dijina diê; tumbulenu o fuma iê.

Jisálamu 96:4

Kuma Jihova munéne, ua tokala ku mu ximana kiavulu; muene a mu kuatela uoma, jinzambi jengi kana.

Loma 10:13

Kala kiambe o Mikanda Ikôla, Uoso u di kola mu dijina dia Ngana, u bhuluka.

Dijingunuinu 4:11

Eie u Ngana ietu, Nzambi ietu! Kia ku fuama o kutambula fuma, ni ujitu ni unéne. Mukonda éʼMuène ua bhanga ioso, o vondadi ié iene ia i bhangesa kuiza-ku, íi ia di bhange, íi iala-ku.

Dijingunuinu 5:12

Anga emba ni dízui dia suina, exi: Kambudi a mu jibhile, kia mu fuama kutambula o unéne ni umvuama, ni unjimu, ni uzonda, ni ujitu, ni fuma ni diximanu.