II Samuuele 22:33 - O Mikanda Ikola

³³ Nzambi muene mbonge iami iakolo, nguzu iami; muene ni kuiuka kuoso u ngʼendesa mu njila iê.

II Samuuele 22:33 ပူးပေါင်းရင်းမြစ်များ

II Samuuele 22:2

Jihova muene ndánji iami, mbonge iami ia kolo, mukudi uami uene ku ngi kudila.

Jobe 22:3

Inga Muteni-a-Ioso kua mu kala ihi, kioso eie ki u kala u muthu ua iuka? Mba muene u tambula-ku kima kiahi, kioso eie ki u iukisa o jinjila jé?

Jisálamu 101:2

Ngi sota kuenda jinga ni kilunji mu njila iaiuka; nga ku indi kiavulu, u ngi sanga kumbi kuẋi bhu ngala? Ngenda jinga monzo iami ni muẋima ua ujitu.

Jisálamu 101:6

Mesu ami a kala jinga mu sota o jifiiele mu ngongo, ene u ngi kala-nâ; uoso uenda ni muẋima ua ujitu ió muene u ngi sedivila jinga.

Jisálamu 119:1

Azediua ió oso a iukila kiambote mu njila, mu kuenda a kaiela o ngonge ia Jihova.

Jisálamu 18:32

Nzambi muene ua ngi bhana o ukuenze, muene mukua ku ngi xitunuina o njila iami.

Jisálamu 27:1

Jihova muene umuikinu uami, ubhulukilu uami; ngi kala-phe ni uoma ua nanhi? Ngana muene ua ngi bhana o nguzu ia kukola muenhu, uebhi-phe ngi mu kala ni hele?

Jisálamu 32:8

Ngi ku longesa, ngi ku idikiza njila ioso i ua fuama kuila; ngi ku bhana kaiula, kuma nga ku te muene diesu.

Jisálamu 46:1

Nzambi dilengelu dietu, nguzu ietu, kota dia dikuatekesu dia zukama mu jiphaxi.

Makatukilu 15:2

Jihova muene nguzu iami, mukumbi uami, kua muene kua ngʼijila kubhuluka. Iú Muene Nzambi iami, ngi mu ximana jinga; muene Nzambi ia tatʼetu, eme ngi mu zangeleka.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Zakadiia 10:12

Eme anga nga kà a suinisina mua Jihova, a kèndela jinga mu dijina diê, Jihova muene ua ki tange.

II Kolindo 12:9

Muène-phe ua ngambela uixi: O kiadi kiami ki ku sokesa-na-u. Kuma nguzu iami i beta kota mu kutena mu ku bhuila kué. Uila kiki-phe, nga sanguluka, kimuua ngi di fiiala o kubhuila kuami, phala nguzu ia Kristu i kale ni kutena momuʼami.

Efezo 6:10

Ki tualʼ iki-phe, suinenu mua Ngana, ni mu kutena kua nguzu iê.

Matendelelu 18:13

Eie-phe kikale utenena kala kia tenena Jihova Nzambi ié.

Filipe 4:13

Ima ioso nga soko na-iu mua Kristu ió mukua ku ngi bhana o kutena.

Jihebeleu 13:21

O Nzambi ia paze a mi bhane ioso ia uabha i mua bhindamena phala mu tene kubhanga o vondadi iê. O muène, mukonda dia Ngana Jezú Kristu, a bhange ioso ia mu uabhela mu miẋima ietu. O Kristu a mu fumanese kuoso, tunde kiki, katé ku hádia ni hádia. Amén.