II Samuuele 22:31 - O Mikanda Ikola

³¹ Njila ia Nzambi ia iuka, ki iene kulueza; kizuelu kia Jihova kia kidi, ki kiene mangonha; Jihova muene ngubu i xitila oso a lengela kua muene.

II Samuuele 22:31 ပူးပေါင်းရင်းမြစ်များ

II Samuuele 22:3

Nzambi muene ditadi diami, kua muene kuene ku ngi dielela; muene ngubu iami, muene nguzu ia kubhuluka kuami, ditala diami dia di leka kinéne, kididi kiami kiakondama;

Nehemiia 9:8

Anga u mu mona ni muẋima ua iuka bhu pholo ié, hé u ta-nê kikutu, kuila ua-nda ku mu bhana o ixi ia akua Kanana, ia akua Hiti, ia akua Amolé, ia akua Peleze, ia akua Jebuzé, ia akua Jidingazé, nda u i bhana o mbutu iê; eie anga u tenesa ki ua zuela, kuambe eie Ngana ua iuka.

Jobe 34:10

Mu kienhiki-phe, enu mu athu, mu jinjimu, ngʼivienu: Lu ku suke, eie Jobe! kuma Nzambi ka tena kubhanga kia ibha! o Muteni-a-Ioso ka tena kubhanga mangonha!

Jisálamu 119:140

Maka mé ma zele, sé ngó dixilu; selevende ié kiene kia a zolela kiavulu.

Jisálamu 12:6

Maka ma Jihova ma kenzuluka; ma soko ni phalata iózunze bhu jiku; a i zunza lusambuadi katé iabhu o dixilu.

Jisálamu 145:17

Jihova mukua kidi mu njila jê joso, muene ukôla mu ikalakalu iê ioso.

Jisálamu 18:30

Nzambi, o uendelu uê, kutetuluka kuoso; maka ma Jihova ma di kenze, kala ni dixilu; muene ngubu ia kuxitila oso a di tuma-nê.

Jisálamu 2:7

Ki ngʼedi ngi kola ngonge, Jihova ua ngʼambela, uixi: Eie u monʼami, lelu muene nga ku vuala.

Jisálamu 35:2

Kuata o ngubu ni kadiakonda u imane mu ku ngi zokelela.

Jisálamu 84:9

Talesa-ze, Nzambi u ngubu ietu, tu tale Ngana! Mesu mé a kale jinge mu tala o pholo ia muthu ué ua mu undu ni maji.

Jisálamu 91:4

Muene u ku vungina ni jisala jê, o moxi a mabhabha mê, muene mu u suamena; o kidi kiê ki di bhanga ngubu ni ibhakatu.

Jisabhu 30:5

Mbata o maka moso ma Nzambi, ma zela, ma kidi; mene o ngubu ixitila oso a mu dielela muene.

Ndongixi 3:14

Mbate nga kʼijiia kuila, ima ioso i bhanga Nzambi, i xalelà-ku kiá; ka tena dingi kubandekeza-ku kima, ka tena dingi ue ku katula-ku kima. O Nzambi ima ioso u i bhanga kienhiki phala a mu kuate jinge uoma.

Daniiele 4:34

Maji, kia zubha kúbhua izuua ienhoio, eme Nabukodonozolo, nga bhetula mesu ku diulu, anga ku ngʼiza dingi kilunji, eme nga tanesa Suke-ku, Ió kene mbambe nga mu ximana, nga mu kola fuma, mbé utuminu uê utuminu ua kunangenena, o usobha uê, kutunda muiji kuiza muiji.

Daniiele 4:37

Kiki-phe, eme, Nabukodonozolo, ngedi: Muenexiʼa diulu atane-ku! A kule, ajinge! Ngi mu zangeleka ni ku mu ximana jinga, mbata ikalakalu iê ioso kidi mu kidi, uendelu uê kutetuluka kuoso, oso ambe ku di zangeleka, muene u a toza anga a sebuluka muene.

Matesu 5:48

Kikale-phe mu zubha kutenena kala kia tenena Tata ienu uenu mu diulu.

Matendelelu 32:4

Muene Tadi dia Muenhu! Kima kioso kia bhanga kitenena! O uendelu uê uoso uatetuluka; Nzambi muene o Kidi, o mua muene ki muene mangonha; izuua ioso muene ngó uaiuka, o kutetuluka ue muene ngó.

Dijingunuinu 15:3

Anga emba o muimbu ua Mozé, ngunza iangene ia Nzambi, ni muimbu ua Kambudi, exi: Eie Ngana Nzambi, Muteni-a-Ioso, o ikalakalu ié kukula kuahi, ikalakalu idiuanesa kinéne! Eie, Ngana, u Sobha ia miji ioso, o ixinganeku ié kuiuka kuahi, ima ioso i u sola kubhanga, ia kidi!