II Samuuele 22:28 - O Mikanda Ikola

²⁸ Mundu ua di tululula eie u a bhulula; mesuʼé ala ku thandu dia akua izala phala ku a tololola katé bhoxi.

II Samuuele 22:28 ပူးပေါင်းရင်းမြစ်များ

Jisálamu 12:5

Mukonda-phe dia ngadiama a mu tatesa, mukonda dia kukema kua phulungu a mu bondeleka, ngi balumuka kiá, eme Jihova; ngi mu bhaka bhua kondama a mu tobhesa kiki.

Jisálamu 131:1

U Jihova, muẋima uami ki uala ni izala, kana; ki ngala mu xikulula mesu ni katunda koso! Ki ngi di metena imbamba ia ngi tundu, mba ngi sota imbamba ia makota ki i ngi tokala!

Jisálamu 138:6

Kuma Jihova sumbala kota dia ngana, maji u suua ió ua batama; mukua izala-phe u mu muena ngó mu kanga.

Jisálamu 140:12

Ngejiia kuma Jihova u fundila jinga ió uoso a mu tatesa, u tetuluila ió uoso ua bhindama.

Makatukilu 10:3

Mozé ni Alá anga aia a bokona kua Falaó, a mu ambela, exi: O Jihova, Nzambi ia Jihebeleu uambe kiki: Eie u dituna katé bhebhi kutoloka bhu pholo iami? Eha o mundu uami, phala aie a ngi bhikile.

Makatukilu 18:11

O kiki nga kʼijiia kuma Jihova kota, jinzambi joso ndenge; mukonda enhó a di zangeleka ni ku mi tatesa, ua a katula o mahanha.

Jisabhu 21:4

Mesu a di tudika ni muẋima ua di zangeleka, kituxi; katé ni ikalakalu ia athu abhumu ue, kituxi.

Izaía 2:17

O kungangamana, ni kuolama kua muthu, a kà ku tununa; ni ku di zangeleka kua makuenze, a kà ku tululula té bhoxi mu mavu; bhu kumbi diodio Jihova muene ngó, ua kà zangalala.

Izaía 37:23

Eie mukuahi ua mu lebhula, ua xingi nanhi? Ua mu mu handekela kiókio ni mesu bhulu, nanhi muene? Muenhó, Lemba dia Izalaiele.

Izaía 5:15

Bheneʼobho o muthu ua kà tunuka, o kilamba ua kà sebuluka, o mesu ma akua izala a ka a tululula.

Izaía 63:9

Mu lamba diâ dioso ni muene uevile dilamba, anga mukunji uene bhu pholo iê u a bhulula; mukonda dia henda iêmuène ni kulenduka kuê, muene ua a bhulula; iu ua a tambula, iu u a endesa jinga kienhiki mu izuua ioso ia xahúlu.

Daniiele 4:37

Kiki-phe, eme, Nabukodonozolo, ngedi: Muenexiʼa diulu atane-ku! A kule, ajinge! Ngi mu zangeleka ni ku mu ximana jinga, mbata ikalakalu iê ioso kidi mu kidi, uendelu uê kutetuluka kuoso, oso ambe ku di zangeleka, muene u a toza anga a sebuluka muene.

Matesu 5:3

A zediua jingadiama ja muẋima, mukonda o Utuminu ua Diulu uâ ene.

Luka 14:11

Mukonda uoso u di zangula, a mu tulula; o uoso-phe u di tolesa, a mu zangula.