II Samuuele 22:22 - O Mikanda Ikola

²² Mukonda nga lange jinjila ja Jihova, Nzambi iami ki nga mu baluka ni ima ia kubhukumuka.

II Samuuele 22:22 ပူးပေါင်းရင်းမြစ်များ

Dimatekenu 18:19

Mbata eme nga mu ijiia, kuila muene ua-ndu tumina anʼê ni dibhata diê dioso hádia di mu bhingana, phala ende ni kukaiejela mu jinjila ja Jihova, mbé ende ni kubhanga ima ia kilunji ni kuiuka, phala Jihova a kumbidile ioso ia tànga muene ku i bhanga kua Mbalahamu.

I Jisobha 9:4

Eie muene-phe se uenda jinga bhu pholo iami ni kivimba kia muẋima ni uthu ua tenena, kala kiendele tatʼenu Davidi, anga u bhanga jinga ima ioso i nga ku tumu, anga u bhaka itumu iami ni jiphangu jami,

Jisálamu 119:1

Azediua ió oso a iukila kiambote mu njila, mu kuenda a kaiela o ngonge ia Jihova.

Jisálamu 125:5

Maji o ió oso-phe a xi njila, mu kuila njila jengi jabhengalala, Jihova ua kà a kokela kumoxi ni ati a ituxi; o ku thandu dia Izalaiele-phe ku kale paze.

Jisálamu 128:1

Ua zediua o muthu ió uoso ua kuata uoma ua Jihova, mukua kuenda jinga mu ʼnjila jê.

Jisálamu 18:1

Eme ngi ku zola ni muẋima uoso, eie u Jihova, u nguzu iami.

Jisálamu 36:3

Maka ma dikanu diê ufe, ni makutu; o kukala ni kilunji ni kubhanga mbote, ua ku lémbua.

Jisabhu 8:32

Kiki-phe enu, mu ana, ngʼivenu, kuma azediua ió oso aiuka o ijila iami, anga a kaiela mu jinjila jami.

Sofoniia 1:6

ni iá a xisa kuendela mu njila ia Nzambi, ni iá aditunu kusota Nzambi mba kuibhula dingi kua muene.

Dialuilu 16:15

Kienhókio Mozé o njinda i mu kuata kiavulu, anga uambela Jihova, uixi; Kana kusuua ku ujitu uâ; eme né ngó bulu imoxi ki ngi i tambula kokuâ, mba nga bhange kiaiibha ku muthu mudiâ.

Nzuá 15:10

Se mu aiuka o ijila iami, mua-ndu xala ue mu henda iami, kala eme ki ngʼ aiuka o ijila ia Tata iami, eme nga xala mu henda iê.

II Kolindo 1:12

Kuma etu o thathe ietu ieniii, o kitongoluelu kietu kia tu bhela umbangi muʼaxaxi kenu, kuma tuende mu ngongʼumu mu kuzela ni kidi kia tu bhana Nzambi. Tuende ue, kana mu jindunge ja xitu maji mu kiadi kia Nzambi.

I Samuuele 12:3

Emʼiú: anuenu bhanenu umbangi bhu plo ia Jihova, ni bhu pholo ue ia muthu uê ua mu undu ni maji. Eme nanhi nga mu tambula ngombe iê? Nanhi nga mu tambula bûlu iê? Nanhi nga mu di mangonha? Nanhi nga mu zukutisa? O ku milonga nanhi nga mu tambula kitadi bhu maku mê, phala ku ngi xitisa na-kiu mu mesu? Ambenukiu, phala imʼii ngi mi fute-iu.