II Samuuele 22:21 - O Mikanda Ikola

²¹ Jihova ua ngi futu kia tokala mu kulunga kuami; mu ku ngi vutuila ua kaiela makuʼami a hatu ka kuata kima.

II Samuuele 22:21 ပူးပေါင်းရင်းမြစ်များ

II Samuuele 22:25

Jihova kiene kia ngi vutuila kia tokala mu kulunga kuami, ua kaiela makuʼami a hatu, kia a mono ue muene.

I Jisobha 3:6

Solomá anga u zuela, uixi: Eie, Ngana uedikiza henda iavulu kua mubhikʼé tatʼetu Davidi, kala kiendele muene bhu pholo ié mu kidi, ni mu kuiuka, ni kuimana muẋima o nzánza, kala ki ua mesena eie; lelu-phe eie ua mu bandekeza o henda ia dikota iaxedi kuema, ia ku mu bhana monʼa diiala mbé kuxikama bhu kiandu kiê, kala ki kia bhiti mu kizuua kia lelu.

I Jisobha 8:32

Eie-phe ku maúluʼoko ívua, u bhange kia fuama, u fundise abhikʼé ni kubelesa uoso ua tondala, mbé ku mu vutuila o ibhangelu iê ku mútue uê, ni ku lungisa uoso ua iuka, mbé ku mu bhanga kioso kia tokala mu kuiuka kuê.

Jobe 17:9

Hanji-phe, o ua iuka ua kʼènda o njila iê ni kúbhua uoma, o ua zele maku uia ni ku di bandekeza jinga mu nguzu.

Jisálamu 19:11

Mene ma dimuna selevende ié, o kia kuata ku a aiuka kubhanduluka kuê ku vula.

Jisálamu 24:4

Uoso makuʼê a mu zele, o muẋima uê uabhu ufusa; ua kambe kukaiela ulalu, ka xikina kuloka mu kunganala mukuá.

Jisálamu 7:8

Jihova mukua kufundisa o ifuẋi ioso, a dikola kokué, ngi fundise eme, u Jihova, kala kia tokala mu kulúnga kuami, ni mu kidi kiami ki ngala na-kiu moxi.

Jisabhu 11:31

Se muthu uaiuka u mona phaxi ni lamba mu ngongo, kuambe dingi o mukua-phulu ni mukua-ituxi.

I Kolindo 15:58

Uila kiki, enu phange jami, kolokotenu, ki mu toloke. Mu suine jinge mu kikalakalu kia Ngana, kabasa mua kʼ ijiia kuma Ngana se mua mu talela hadi, o hadi ki i kala ia ngó.

Tiiaku 4:8

Zukamenu kua Nzambi, muène u mi zukama enu. Di sukudienu maku, mu akua ituxi! Di zelesienu miẋima, mu akua miẋima iiadi!

I Samuuele 26:23

Jihova u bhana futu mu vutuila muthu uoso kala kiatokala mu uiukilu uê ni mu ufiiele uê. Mukonda Jihova ua ku thelekalele lelu bhu lukuaku luami, eme-phe ki ngi xikina ku ku zengela lukuaku, eie u muthu a ku undu kuala Jihova.