II Samuuele 22:17 - O Mikanda Ikola

¹⁷ Ua di sunununa tunde bhulu bhuala, ua ngi kuata ni lukuaku luê, iu ua ngi sungu mu menha mavulu.

II Samuuele 22:17 ပူးပေါင်းရင်းမြစ်များ

II Samuuele 22:18

Ua ngi tambula ku nguma iami iasuina kinéne, ni ku athu a ngi zembele, a ngi tundu mu nguzu.

Jisálamu 130:1

Tunde mua zongo mu nga kuzuka, nga dikola ko kué, u Jihova.

Jisálamu 144:7

Sunununa o lukuaku lué tunde bhulu bhu uala, u ngi kuate, u ngi zaule mu menha masuina, u ngi tambule, bhu maku ma athu a mbutu iengi;

Jisálamu 18:16

Nzambi lukuaku luê ua lu sunununa muene tunde ku diulu kuala; iu ua ngi kuata, íu ua ngi sunga, nga bhondalala mu menha mavulu.

Jisálamu 32:6

Mukonda dia kiki, uoso uabhu o kubhuma, a dikole ko kué mu thembu i xikina ku mu ivua; o kia-nda kuiza menha mavulu, ma di bhange masenza, bhuemana muene ka bhiẋila-bhu dingi.

Makatukilu 2:10

Mona anga u kula, anga u mu bheka kiua kua monʼa Falaó, ua di bhange monʼê, anga u mu luka dijina dia Mozé, kuma uambe, uixi: Nga mu zaúla mu menha.

Izaía 43:2

Kioso ki ua kà bhita mu menha mua zongo, tuà kala kiiadi; kioso ki uà bhita mu jingiji, kua-nda ku boba; ki uà kà bhita mu túbhia, kua-nda kujikata; o mulengo ki ua kà tena ku kuata kokué.

Kuditenda 3:54

Menha anga a ngi bhita bhu thala ia mútue; ngixi-phe: Eme nga fuʼó!

Dijingunuinu 17:15

Bhenhobho o anju ua ngʼambela ue, uixi: O menha ió u ua muene, kua xikama o kidia-nzunga ku thandu diâ, o miji ia athu, ni mundu, ni ifuẋi, ni madimi.