II Samuuele 22:14 - O Mikanda Ikola

¹⁴ Jihova anga u numina ku diulu, ua tundu ene oso u bhana mutemdu, ua bhangesa kuívua o dízui diê.

II Samuuele 22:14 ပူးပေါင်းရင်းမြစ်များ

Jobe 40:9

Inga uala ni lukuaku kala Nzambi, mba u tena ue o ku numina ni dízui kala o diê-muène?

Makatukilu 19:6

Enu-phe mu ngi kala mu utuminu ua jinganga jami, mu mundu uami uazele. Enhá ene o maka u ua kà tangela anʼa Izalaiele.

Izaía 30:30

Jihova ua kʼèvisa o fuma ia dízui diê, anga ua kà bhangesa kutala kia tulula o lukuaku luê ni kutemanana ni njinda, ni mulengo ua túbhia tuê tu buikisa, ni jinzaji ni dilúviu ni matadi ma mvula.

Izekiiele 10:5

O kinuminu kia mabhabha a jixelubini, a kʼivu katé ni mu lumbu lua kanga, mukuâ ni dízui dia Nzambi Uatena Ioso, kioso kia kala mu zuela.

Dijingunuinu 11:19

Tembulu ia Nzambi iene mu diulu anga a i jikula bhenhobho, o álaka ia kikutu kiê anga i moneka mu Tembulu. Anga ku kala jinzaji, ni mazui, ni inuminu, ni kizema-zema kia ʼxi, ni mvula iavulu ia matadi.

Afundixi 5:20

Katé ni jithéthembua ku diulu ja di te-mu, jithéthembua mu ʼnjila jâ jala kúlua ni Xixela.

I Samuuele 2:10

Oso a bhânga ni Jihova a kà tolojoka; muene u a numinina tunde mu diulu. Jihova uà fúndisa maẋokololo a jixi. Sobha iê ua kà mu bhana o nguzu ni kutumina ua kà zangeleka o kutena kua muthu uê ua mu undu ni maji.

I Samuuele 7:10

Anga ki bhita kuila, kiosuʼiki Samuuele kiala kubhana o sata ia kuoha, akua Fidíxia a tula, eza mu kúlua ni Izalaiele; Jihova-phe u numina kizuua kienokio ni kinuminu kia dízui diê dia dikota ku thandu dia akua Fidíxia, hé ua dimbulula ni uoma uavulu a lenga malusolo; anga a toloka bhu pholo ia akua Izalaiele.