II Samuuele 22:11 - O Mikanda Ikola

¹¹ Anga u tuka u endela ku xelube, u bhita bhulu, hé a mu muena ku mabhabha ma kitembu.

II Samuuele 22:11 ပူးပေါင်းရင်းမြစ်များ

Dimatekenu 3:24

O muthu kia zubha o ku mu kaia, Nzambi u ta jixelube ku mutundila-kumbi ua kadíbhia ka Edene, ni xibhata ia mulengu u lunga kuku, u lunga koko, mu kuxita o njila iia ku muẋi ua muenhu.

II Samuuele 6:2

Davidi anga u zanguka ni mundu uoso uala-nê kumoxi, aia bhu Bahale ia Juda, mu kutakana kuenhoko o álaka ia Nzambi, ia ku fumanesena o Dijina, dijina dia Jihova dia Ifuẋi, ua xikama muʼaxaxi ka jixelubini.

Jisálamu 104:3

O mixi ia inzo ié ia thandu, ua i tula mu menha; o matuta dikalu dié; uendela ku mabhabha ma kitembu.

Jisálamu 139:9

Se ngi kuata mabhabha ma kimene, hé ma ngi bheka kua suku o musanza,

Jisálamu 18:10

U endela ku xelube, u tuka hé u bhita bhulu, u diona ku mabhabha ma kitembu.

Jisálamu 68:17

Makalu a Nzambi a ita makuinhi aiadi a midi, ni jimidi ja jimidi ja ndumba; o Ngana uala muʼaxaxi kâ, mukuâ ni mú Sinai, o kididi kiê kia isuma!

Jisálamu 80:1

Tu ivue, eie u Mubidi ua Izalaiele, eie u mukua kuendesa Zuze kala kilunga kia ibhaku; eie ua xikama ku thandu dia jixelubini, muika!

Jisálamu 99:1

Jihova ua hingi ungana uê; akua jixi a tekete; Muene ua xikama bhu kaẋi ka jixelubini; ixi i tungute.

Makatukilu 25:19

Ku sungu ia kunu ku kala xelube imoxi, ku sungu ia koko xelube ia mukuá; ji di kuatenena kumoxi ni kibhuna kia kiadi ku ji sungu jê.

Izekiiele 9:3

O kubenha kua Nzambi ia Izalaiele, kua zangumuka ku thandu dia xelubini ku kua kexile, katé bhu muelu uaʼnzo; anga u kolela o diiala dia zuata o linhu, ua kexile ni tindelu ia musoneki mu mbunda iê.

Jihebeleu 1:14

O kiki-phe, ji-anju kima kiahi bhu pholo iê? Ene oso ala jinzumbi ji sedivila, a a tumu ku sedivisu mukonda dia ibhinganu ia tokala o kubhuluka.

I Samuuele 4:4

Kienhiki mundu a tuma athu ku Silo, anga a takana kuenhoko o álaka ia kikutu kia Jihova dia ifuẋi, uene kuxikama muʼaxaxi ka jixelube; anʼ aiadiphe a Eli, Hofini ni Finehase, anga ejiia kumoxi ni álaka ia kikutu kia Nzambi