II Samuuele 21:6 - O Mikanda Ikola

⁶ Eie u kuata sambuadi dia anʼê a mala, u tu bhakuile-nâ, tu a nhenge bhu pholo ia Jihova mu Ngibeia ia Saúlo, ió a mu solele kuala Jihova. Muenexi anga u vutula, uixi: Ngʼa bhana.

II Samuuele 21:6 ပူးပေါင်းရင်းမြစ်များ

Dimatekenu 40:19

Bhua kà bhitila izuua itatu, Falaó ua-nda ku katula o mútue ku mukutu, u ku nienga mu muẋi, o xitu ié anga i diua ku jinjila.

Dimatekenu 40:22

Padelu ia dikota-phe, u tuma ku mu nhenga, kala kia a jimbuluila Zuze.

II Samuuele 17:23

Ahitofele-phe kia zubha kumona kuma o phangu iê ka i kaiela, u zuika o bûlu iê dikombola, uia ku bhata diê ku mbonge iê kua tungu, u ta imbamba iê ioso mu ididi ia tokala, anga u di nhenga; hé u fua anga a mu fûnda mu mbila ia tatʼâ.

II Samuuele 18:10

Anga bhu kala muthu ua ki mono, u ki tangela Jouabe, uixi: Eme-ze nga sange Abisalone ua nhengama mu mukaluvalu.

II Samuuele 19:28

Kuma dibhata dioso dia tatʼetu a tokalele kuxala madifundu bhu pholo ié, kùku, ngana iami. Maji eie-phe ua ngi bhake eme, ngi mubhikʼé, mu axaxe ka athu a dila ku meza mé. Ngala-phe dingi ni kulunga kuahi, kuila ngi dikola dingi mu kubhinga kima kua muenexi?

I Malunda 12:3

Ahiiezele, o kilolo kiâ uakexe mutumini, ni Jouaji, mona a Semaha, o mukua Ngibeia, ni Jezeiele, ni Pelete, ana a Azemavete, ni Belaka, ni Jehu, mukua Anatote.

Ejidala 6:11

Nga bhana dingi ngonge iamukuá iii, kuila: Uoso u lungulula o ngonge iii a fuomona muxi kʼonzo iê, anga a uʼimika ni a mu nhengeneka kuenhoko, o inzu iê ia kà kituka dixita.

Estere 9:10

kuinhi dia muthu anʼa mala, ene oso anʼa Hamane monʼa Hamedata, nguma ia jijudé, a a jibha ue; maji jimbongo jâ-phe ka ji bhûndu, kana.

Matesu 27:5

Juda muène bhenhobho, u zangula itadi ia phalata, hé u i takula bhoxi mu Tembulu, anga a tuda-bhu, uia u di nhenga.

Jipoxolo 13:21

O mundu kia bhingi sobha, Nzambi u a bhana Saúlu mona Kiji, mukua muiji ua Bejami, hé u bhanga makuinhi a uana a muvu ni ku a tumina.

Matendelelu 21:22

O kioso ki bhu kala muthu uate mulonga u bhinga Sendesa ia kalunga, exi afue anga a mu nhenga ku muẋi,

Josuué 10:26

Josuué anga u a nemeka kiua, u a jibha anga u a nhenga ku miẋi itanu; ananga ku miẋi kuenhoko katé mu ngoloxi.

Josuué 8:29

Sobha ia Hai anga u mu nhenga mu muẋi, katé mu kumbi dia ngoloxi. Kia tula dikumbi-phe, Josuué u tuma kukatula kimbi kiê mu muẋi, nʼa ki texi bhu muelu ua kimbaka kiê, anga a ta ndumba ia matadi ku thandu diê, í ia xalela katé mu kizuua kia lelu.

I Samuuele 10:1

Bheneʼobho Samuuele anga u sunga thenda ia maji, u ma lunduluila ku mútue ua Saúlo, u mu bhana nzóbole, uixi: Nga ki bhangela mukonda Jihova ua ku undu mu kukala u muenexi mu undundu ué.

I Samuuele 10:24

Samuuele anga u ambela mundu uoso, uixi: Mu tadienu, mueneʼó a mu solo kuala Jihova. Mu mundu uoso ki muala muthu uedi kala muene. Mundu uoso anga a dikola, exi: Muenexi a kole muenhu!

I Samuuele 10:26

Saúlo ue anga uia ku bhata diê bhu Ngibeia; anga ku mu kaiela kibuka kia mala, Nzambi ua a babata mu miẋima iâ.

I Samuuele 11:4

Jiphunga anga ji tula bhu Ngibeia dia Saúlo, anga a kunda maka enhá mu mátui a mundu, mundu uoso anga a zangula mázui ni kudila.

I Samuuele 24:21

Ngi lokele-phe bhabha mu dijina dia Jihova, kuila o luvualu luami lu ngi xia eie kua kà lu batula, o dijina diami ue kua kà di jimuna mu bhata dia tatʼetu.

I Samuuele 24:22

Davidi anga u lokela Saúlo. Saúlo anga u vutuka ku bhata, o Davidi-phe ni makuenze mê a banda, anga aia dingi mu mutôlo.