II Samuuele 21:16 - O Mikanda Ikola

¹⁶ Davidi anga u sota kusènduka. Ixibi-benobi muthu ku mbutu ia kiiala kia dikota, uavu dionga diê dia pezala jinga hâma jitatu ja xikulu ja ngondo, ua maneka xibhata ia ubhe mu mbunda, u mesena kujibha Davidi.

II Samuuele 21:16 ပူးပေါင်းရင်းမြစ်များ

Dimatekenu 14:5

O ku muvu ua kauana ku dikuinhi, Kedolaumele ni jisobha jamukuá ja di bande-nê kumoxi, eza hé a beta akua Lefaíme, mu Axitalote dia Jimbinga, ni Mazuzi mu Hame, ni Mamimi mu ngânga ia Kediataíme.

Dimatekenu 6:4

Izuua ienʼoio mu ngongo mu kala iiala ia makota, ni ku pholo kunu anʼa Nzambi a mala kia sakana ni anʼa athu a ahatu, anga a vuala-nâ ana; enhá ene a kexile o mazonda ma xahulu, o iiala ia xi fuma.

II Samuuele 21:18

Kia bhiti imʼii, ku kala dingi ita iamukuá ni akua Fidíxia bhu Ngobe. Sibekai mukua Huzata anga u jibha Safi, ua tokala ku mbutu ia iiala ia makota.

II Samuuele 21:20

Anga ku kala dingi ita bhu Ngate. Anga bhu kala diiala dia kitala kiavulu, makuʼê ala milembu isamanu-isamanu, inama iê kiene kimoxi, mukua makuinhi aiadi a milembu ni iuana; a mu vuala ue kuala kiiala kia dikota.

II Samuuele 21:22

Enhá kiuana kiâ ene oso a a vuala kuala kiiala kia dikota bhu Ngate; anga a jima mbutu ku lukuaku lua Davidi ni ku lukuaku lua makuenze-mê.

II Samuuele 5:18

Akua Fidíxia-phe a diangele kuiza, ia a di zale mu honga ia Jilefaime.

Dialuilu 13:22

Ku mbandu ia Sulu a bhiti-ku, a bhikila mu Hebolone; mua tungu Ahimane, ni Xexai, ni Talamai, anʼa Anake. (Hebolone muene a dianga ku mu tunga, Zouane mu Ijitu ua xala kuema, bhu kaẋi bhua bhiti sambuadi dia muvu.)

Dialuilu 13:28

Maji-phe akuaʼxi a tungu kuenhoko ala ni nguzu iavulu, jimbanza a ji te imbaka, ja makota muene; kua di te dingi ni anʼa Anake tua a sange kuenhoko.

Matendelelu 1:28

Tuia dingi kuebhi? Phange jetu ene a tu botomokesa o miẋima, exi: Athu ala koko a makota kulebha kuvula etu ndenge, a tu tundu; o jimbonge ue ja makota, imbaka iâ ia tuta muene ku maúlu. Exi dingi: Tua mono-ko ue o anʼa Anake, o mazonda.

Matendelelu 2:10

(Adiangele kutunga-mu mu xahúlu o Mamimi, kifuẋi kiadikota, kia musoko-soko, alebha kala o anʼa Anake.

Matendelelu 2:11

Anga ene uâ a a luka exi Jinefalimi kala o akua-Anake; akua-Mouabhe-phe anga a a luka exi Ji-Emeu.

Matendelelu 2:21

Kifuẋi kionéne, a kexi nzungule hé alebha o kitala, kala o mazonda anʼa Anake; Jihova phe ua a jikinisa bhu pholo ia akua Amone; ene-phe hé a a muanga anga a bhingana bhu kididi kiâ.

Matendelelu 3:11

(Mukonda ku mazonda a xahulu, ua subhukile-ku ngó Hoke, sobha ia Basane; talesa o hama iê, hama ia felu; abha ki i ié hanji mu Labate dia anʼa Amone? Kulebha kuê dívua dia kóvadu, o kuzanza kuê kóvadu jiuana, mu midila ia kóvadu ia diiala.)

Matendelelu 9:2

Mua-nda kúvua mundu ua nzungule, athu onéne a lebha kitala, anʼa Anake, enuʼenu-phe mua ejiia, kuma muene ku a evua kiá; mbutu ia mazonda iala kiókio, mukua-hi u ki sesa o kuzangalala bhuemana ene?

Josuué 11:22

Katé mu ixi ia anʼa Izalaiele ki mua subhukile kilebha, mukuá Anake, né ngó umoxi; a subhukile ngó mu Ngaza, ni mu Ngate ni mu Ajindode.

Josuué 15:14

Kalebe-phe anga u kaia-mu ana kitatu a Anake, enhó: Sesai, ni Ahimane, ni Talamai, a a vuala kuala Anake.

I Samuuele 17:7

O mubhinhi ua dionga diê u soka ni muẋi ua mulongo, o mútue uene ua sosa iê u pezala hâma jisamanu ja xikulu ja felu; kibese kiê ua mu ambatela o ngubu iê u mu tuamekesa ku pholo.