II Samuuele 21:12 - O Mikanda Ikola

¹² Davidi anga uia u katula ifuba ia Saúlo ni ifuba ia monʼê Jonata kua akua Jabezi-Ngileiade, kuma ene ue a i nhanene mu nzunga ia Bete-Sane, bhuoso bhua i nhengene kuala akua Fidíxia, kizuua kia jibha Saúlo kuala akua Fidíxia mu Jileboua.

II Samuuele 21:12 ပူးပေါင်းရင်းမြစ်များ

II Samuuele 1:21

Enu milundu ia Jiliboua! ki ku laukile dimume ku thandu dienu, ku thandu dienu ki kuaʼà noke mvula, ki ku kale mábhia ma bhana maujitu kua Jihova! Kuma ngubu ia dizonda kuenhoko kua i texi ufusa, o ngubu ia Saúlo, kala ua kambele ku mu unda ni maji!

II Samuuele 1:6

Munzangala ua mu mu tudila njimbu, uixi: Mu kuenda kibhuku ngi kala mu bhita ku mulundu ua Jiliboua, anga ngi sanga Saúlo iú ua di kubu ku sosa iê, o makalu a ita ni akua jkikabalu a-lu mu kaia, iá eza ni ku mu zukama.

II Samuuele 2:4

Akua Juda anga eza bhenhobho, a unda Davidi mu kala sobha ia muiji uâ ua Juda. Davidi anga a mu kunda, exi: Akua Jabezi-Ngiliiade ene a fûnda Saúlo.

II Samuuele 21:11

Anga a ki tangela Davidi kioso kia bhange Dízipa monʼa Aiia ua muhatu, mukama ua Saúlo.

II Samuuele 21:13

Muene anga u tunda kuenhoko ni ifuba ia Saúlo, ni ifuba ia Jonata monʼê, hé u banda na-iu; anga u tuma ku bhongolola ue ifuba ia iá a a nhengene.

I Malunda 10:1

O akua Fidíxia alua ita ni Izalaiele; o mala a Izalaiele anga alenga ku pholo ia akua Fidíxia, ia a a buidisila mu milundu ia Jiliboua.

I Malunda 10:12

o indanda ioso-phe ia ita anga a balumuka, hé a katula o mukutu ua Saúlu, ni mikutu ia anʼê eza na-iu ku Jabeze; anga afunda o ifuba iâ bhoxi dia muxi uexana kuila Kaluvádiu, mu Jabeze, anga a jila mu sambuadi dia izuua.

I Malunda 10:8

Kia bhiti-phe kuila, ku kizuua kia kaiela-ku, o akua Fidíxia kioso kieza mu ku bhunda o imbi, a sange Saúlu ni anʼê hanji ki azeka mu milundu ia Jiliboua.

Josuué 17:11

Kuma mu Isakale ni mu Asele, Manasa ua tambula-mu Bete-Sane ni jimbambe ja utuminu uê, ni Ibeleiamu ni jimbambe ja utuminu uê, ni iá a tunga mu Ndole, ni jimbambe ja utuminu uê, ni iá atunga mu Ene-Ndole ni jimbambe ja utuminu uê, ni iá atunga mu Tanake ni jimbambe ja utuminu uê, ni iá atunga mu Mejido ni jimbambe ja utuminu uê; Kifua ibhuna itatu ia kufundila.

I Samuuele 28:4

Akua Fidíxia anga a di bhongolola, eza a ta kibangu kiâ bhu Suneme. Saúlo ue u bhongolola Izalaiele ioso, a ta kibangu kiâ mu Jiliboua.

I Samuuele 31:1

Kioso Davidi kia-lu bhita ni imʼiii, koko-phe akua Fidíxia a di kuata ku ita ni Izalaiele. Akua Izalaiele anga a lenga akua Fidíxia, hé a di bhala-bhala ni ku a jibha-jibha mu mulundu ua Jiliboua.

I Samuuele 31:3

Ita anga i nemena Saúlo, akua mifula a mu mono anga a mu asa mu divumu, anga u tata kiavulu mukonda dia akua mifula.

I Samuuele 31:4

Saúlu anga u ambela kibese kiê, uixi: Fomona xibhata u ngi tome-iu u ngi kube-iu mu mixima; sumba akuamabôlo enhá eza, a ngi zubhidisa, a ngi bhanga kasekelelu. Kibese kiê-phe nguaiʼê ku ki bhanga, kuma uala ni uoma uavulu. Mukonda dia kiki, Saúlu muene u sunga o xibhata u di kuba ku pondo iê.