II Samuuele 21:1 - O Mikanda Ikola

¹ Anga ku kala nzala mu izuua ia Davidi, i bhanga mivu itatu, kuiza muvu kiene, kuiza muvu kiene. Davidi anga u sota pholo ia Jihova, Jihova anga u zuela, uixi: Nzala iii iejila mukonda dia Saúlo, ni dibhata diê diaiibha ni manhinga, mukonda ua jibha akua Ngibiione.

II Samuuele 21:1 ပူးပေါင်းရင်းမြစ်များ

Dimatekenu 12:10

Mʼoxiʼomo anga muiza nzala, anga u kulumuka mu Ijitu phala kubhanga-mu izuua, mukonda nzala iavulu ieza mu ixi.

Dimatekenu 26:1

Mʼoxi anga muiza nzala, o nzala iejile mu izuua ia Mbalahamu iengi; mukonda dia kiki-phe, Izake uia kua Abimeleke, muenexi ua akua Fidíxa, bhu Jelale.

Dimatekenu 41:57

Ku jixi joso, anga enda ni kuiza mu Ijitu kua Zuze mu sumba tiliku, kuma nzala ia jiji ue ku jixi joso.

Dimatekenu 42:5

Kienhókio anʼa Izalaiele anga ejiia kumoxi ni amukuâ eza mu sumba kúdia, mukonda ku Kanana ue kuala nzala.

Dimatekenu 43:1

Nzala anga i vula kinéne mu ngongo.

II Samuuele 16:8

Jihova ua ku bhekela dingi ku thandu dié o futu ia manhinga moso ma dibhata dia Saúlo, ua mu bhingana ku ungana; Jihova iú ua bhakula ue o ungana ué bhu lukuaku lua Abisalone dia monʼè. U diuana-phe! Kindala eie ue divuua dia ku tula, mukonda u kiiala kia manhinga!

II Samuuele 20:26

o Ila ue mukua Jaíle muene kota dia jitata ja kionge kia Davidi.

II Samuuele 21:5

Ene anga ambela muenexi, exi: Muthu uoso ua tu buidisile, ua kexe ku tu kanena ku tu jimisa mbutu, phala ki kuxale muthu mu jimbamnbe joso ja Izalaiele.

II Samuuele 24:1

Njinda ia Jihova anga i uamena Izalaiele luamukuá dingi, anga u vunza Davidi ku a bhanga-kiu, uixi: Ndeie, ka kuate konda ia Izalaiele ni Juda.

II Samuuele 5:19

Davidi anga u ibhula kua Jihova, uixi: Ngi banda mu kúlua ni akua Fidíxia, inga kana? Manhi ua-nda ku ngi thelekala-nâ bhu lukuaku luami? Jihova anga u ambela Davidi, uixi: Banda, kuma ni kidi kiene akua Fidíxia nga kà a thelekala muene bhu lukuaku lué.

II Samuuele 5:23

Davidi-phe ki ebhula kua Jihova, Jihova uizi: Kana kubanda; inda u ta honda, hé u a kondela ku dima, ua a zombela bhu miẋi ia jimolela.

I Jisobha 17:1

Bhenhobho Elija, mukua lumono mu akua Ngiliiade, uambela Akabe, uixi; Ngana kuene kuala, Nzambi ia Izalaiele, uavu o pholo iê bhu ngala, kuma mivu iii ki kua-ndu suka mbundu mba kunoka mvula, kale kʼeme nga ki zuela.

I Jisobha 18:2

Anga Elija uia mu ku di tukulula kua Akabe. Kienhokio nzala iavulu mu Samádia.

II Jisobha 6:25

Mu Samádia anga mu kala nzala ia kaka, mukonda masoladi a i kondoloka mu izuua ia vulu, katé kia bhixila bhu ditala dia kusumbisa mútue ua bulu mu makuinhi-nake a itadi ia phalata, o mbandu ia kauana ia dibhinga dia tuji tua diembe hé i ta itadi itanu ia phalata.

II Jisobha 8:1

Ilizeu hé u zuelela dingi o muhatu ió uavu monʼê ua mu phaphumuine kuʼalunga, uixi: Balumuka, uie, nʼeie ni akuaʼnzu ié, mu kunhungana kuoso ku u tena o kunhunganena, mukonda Jihova uexana nzala, nzala ia-nda kuiza mu ngongo mu sambuadi dia mivu.

Jobe 10:2

Nzambi nga-nda ku muʼambela, kuma: Kana ku ngʼelesa; ngʼijidise mba mukonda diahi Eie ua mu zoka ni eme.

Jisálamu 27:8

Kioso eie ki uambe, uixi: Sotenu pholo iami; eme muẋima uami uambe: Pholo ié, Ngana, ngi i sota.

Jisálamu 50:15

Nda u dikola ko kuami, mu kizuua ki kuiza o kutata; eme ngi ku kudila, eie anga u kala ni ku ngi ximana.

Jisálamu 91:15

Muene kia ngʼixana, eme ngʼitaia; bhu kíbhidi ngi mu kala bhu mbandu; ngi mu kudila, ngi mu jingisa.

Ijila 26:26

O kioso eme ki nga-nda ku mi sondolola o huta ia kúdia, bhuala-phe o kuinhi dia muhatu mbolo iâ a i kangela forno iâ imoxi, anga i bhinga ku i uanena ku pezo; bhenhobho-phe o ki mudia ki muikuta.

Dialuilu 27:21

Muene uimana bhu pholo ia nganga Eleazale, o ió u kala mu ku mu zambuila, muzambu ua Udimi kua Jihova, hé bhu kala kutunda, kizuelu ki tunda kua muene; hé bhu kala kubokona, kizuelu ki tunda kua muene; ni muene ni ana oso a Izalaiele kumoxi, kilômbo kiê kioso.

Josuué 7:1

Anʼa Izalaiele-phe anga a tondala mu somboka kijila kia ima iókidike; kuma Akane, monʼa Kami, monʼa Zabedi, monʼa Zelahe, mukua muiji ua Juda, ku ima ia kidika ua katula-ku; njinda ia Jihova anga i uama ku thandu dia anʼa Izalaiele.

Josuué 9:20

Inda tuila kiki, tu a bhana muenhu; mbebhu o mulôko u tua te-bhu, phala ki ku tu tulukile njinda ionéne ia Nzambi, kuma ene tua a lokela kiá.

Lute 1:1

Anga ki bhita kuma, mu izuua kia kexile afundixi kufundisa mu Izalaiele, mʼoxi mu kala nzala ia dikota; Anga bhu kala muthu, mukua Beleme ia Juda, uia kunakina mʼoxi ia Mouabhe, ni muene ni mukajiʼê ni anʼê kiiadi a mala.

I Samuuele 10:22

Kienhiki ebhula dingi kua Jihova, exi: Muthu iú manhi kiluua eza bhabha? Jihova anga u vutula, uixi: Muene ió, ua suama mu imbamba ieza na-iu athu.

I Samuuele 23:11

O kuila akua Keila a ngi bhakula bhu maku mê? Saúlo manhi u kulumuka muene, kala ki ngʼevu, ngi mubhikʼé? Eie u Jihova, Nzambi ia Izalaiele, nga ku diondo ngi tangele, ngi mubhikʼé. Jihova anga u mu ambela, uixi: U kulumuka muene.

I Samuuele 23:2

Davidi anga u ibhula kua Jihova, uixi: O kuila ngiia kubeta akua Fidíxia enhá? Jihova anga u vutuila Davidi, uixi: Ndeie, u bete akua Fidíxia, u kudile Keila.

I Samuuele 23:4

Bhenhobho Davidi u tona dingi kuibhula kua Johova. Jihova anga u mu vutuila, uixi: Balumuka, u kulumuke ku Keila; mukonda eme ngi ku bhana akua Fidíxia bhu maku mé.