II Samuuele 20:19 - O Mikanda Ikola

¹⁹ Eme nga tokala ku athu abatama, akua kitongola mua Izalaiele; eie ua-lu sota ku buidisa mbonge ia di bhanga kivuadi mua Izalaiele. Phalahi ua bhindamena kusengulula, ni kuminha undundu uangene ua Jihova?

II Samuuele 20:19 ပူးပေါင်းရင်းမြစ်များ

Dimatekenu 18:23

Mbalahamu anga u zukama, uixi: Kifua ni iá a kumbidila, ni iá a bukumuka, u a buikixila kumoxi?

II Samuuele 14:16

Kuma muenexi uívua, hé u kudila mubhikʼê bhu lukuaku lua muthu ua mesena ku ngi buidisa ni monʼami kumoxi, phala ni tu bhue ku mesu mu undundu ua Nzambi.

II Samuuele 17:16

Kikiphe tumenu lusolo kutangela Davidi, kuila: Kana kutula usuku iú ua lelu ku sámbua kunu bhu tabhu dia iphenza ia kikangalakata; kota u zaúka muene lusolo ku sámbua diodio sé kufula, kuma ki u fula ku ki bhanga, sumba muenexi u buika ni mundu uoso aia-nê kumoxi.

II Samuuele 20:18

Muhatu anga u zuela, uixi: Mʼokulu a kexe mu zuela, exi: Phangu tu ibhula ku Abele ni ku Dane. O kia zuela ku Abele ni ku Dane a ki kumbidila jinga muene, kuma ene o mahezu a kubatula na-u milonga.

II Samuuele 20:20

Jouabe anga u vutula, uixi: Lu ku suke, muhatu ua kime! Eme kubuidisa ni kuminha ki ngala na-ku.

II Samuuele 21:3

Davidi anga u ambela akua Ngibiione, uixi: Ngi mi bhanga kiebhi? Ngi mi bhana kima kiahi mu ku mi luulula, phala mu bhane dibesá ku undundu uangene ua Jihova?

I Jisobha 8:53

Mbata eie ua tungula mu madiembu moso mu ngongo, nda a kale undundu ué, kala ki ua tangele mu ukunji ua ngunza ié Mozé, kumbi di ua katula o jitata jetu mu Ijito, Ngana Jihova, tata!

Jisálamu 106:5

Phala eme ngi mone ue o kubhanduluka kua athu é angene, mbé ngi sangulukile kumoxi ni mundu ué; phala eme ue ngi zangalale ni undundu ué.

Jisálamu 124:3

hinu a tu minha ni muenhu, kia uama o njinda iâ kala túbhia;

Jisálamu 33:12

Ixi ioio i zediua, avu Jihova kuma Nzambi iâ; ni mundu uoso ua solo muene, kuma undundu uê.

Jisálamu 78:71

Ua mu katula mu kuendesa jimama ja jimbudi ni tuana tuâ, phala kukala mubidi ua Jakobo, o mundu uê uangene, ni Izalaiele dia undundu uê.

Jelemiia 51:34

Nabukodonozolo, sobha ia Babilonha ua ngi di kihabula, ua ngi diota-diota, ua ngi bhange ngi kitutu kia hatu, ua ngi minha mukuá ni kimudikixi iú uezalesa vumu diê ni kikexilu kiami kia ujitu; iu ua ngi kaiela bhu kanga.

Jelemiia 51:44

Hádia Bele mu Babilonha, nga-nda ku mu zungila, o ioso ia minha mu kanu diê nga-nda ku mu katula-iu, akua jixi ki mungu dingi aia ni kuia kokué; o kimbaka ue kia Babilonha kia di bhale.

Kuditenda 2:16

Nguma jê joso-lolo muene, a bhane mu kanu mu ku ku tembula eie; a xika mixi, a di keketa ku mazu, exi: Né! tua mu minha muene! Ni kidi kiene muene, kiki kiene o kizuua, ki tua kinga jinga ukulu; lelu tua ki sange, tua ki mono.

Kuditenda 2:2

Mabhata moso-lolo ma Jakobo, Jihova ua ma jikinisa, sé ngó ku a lendukila; jimbonge ja kolo, ja monʼa kilumba kia Juda, kia vulumuka o njinda iê, joso ua ji lundumuina bhoxi; utuminu uoso ua u kasanesa, o ilamba iê ia sebuluka.

Kuditenda 2:5

Jihova ua di bhange kiá kala nguma; Izalaiele ua mu jikinisa; ua jikinisa o mazêmba mê moso; ua mu buikisila o jimbonge; o kilumba kia Juda iú ua mu sokoluela o kudila ni mukondo.

Dialuilu 16:32

Anga oxi i jikula o dikanu diê, hé i a habula kumoxi ni jinzu jâ, ni athu oso kiá a tokalele Kola, ni jimbongo jê joso.

Dialuilu 26:10

mavu anga a jikuka, a a minha kumoxi ni Kola, kiafu kibuka kiókio; thembu iene imoxi kia bhi ku túbhia hama jiiadi ja mala ni makuinhi atanu, anga a di bhanga kijimbuete.

I Kolindo 15:54

Uila kiki, o mukutu iú ua kalunga, ki ua kà zuata ua muenhu ki uabhua, o ió ufua ki ua kà zuata ió ki u tena dingi kufua, kiene kia kà bhita kiokio kiosoneke mu Mikanda Ikôla, kuila: Kalunga a mu sengulula. O kikôue kia ku mu tolola kia tenena!

II Kolindo 5:4

Kuma kidi kiene, etu kioso ki tuala mu fundʼumu ia mukutu uetu, tu kema mukonda dia kinemenu kia tu xina. Ki mukonda tu andala a tu zula o mukutu uetu iú ua bhoxi, mbata tua mu kuinda ku tu zuika ni mukutu ua diulu, phala o muenhu u jikinise kiki kia xikamena o kufua.

Matendelelu 20:10

O kioso ki u bhiẋila ku diembu phala ku di lua, dianga ku di felesela o paze.

Matendelelu 32:9

Mbata dikânda dia Jihova o povo iê iii; Jakobo muene dijikita dia undundu uê.

I Timote 2:2

Kua tokala kubhingila jisobha, ni oso ala ni kijingo kia kutumina, phala tu tene kutunga ni muẋima ua batama, sè kavuanza, sè jimvunda, mu ujitu ni uendelu uaiuka.

Afundixi 5:7

Jisanzala ilombo jingûndu mua Izalaiele, ki mu moneka jinga athu a tunga-mu! Ni muene: Loloó! katé ki nga balumuka eme ngi Debola, nga balumuka mu kukala ngi kivuadi mua Izalaiele.

I Samuuele 10:1

Bheneʼobho Samuuele anga u sunga thenda ia maji, u ma lunduluila ku mútue ua Saúlo, u mu bhana nzóbole, uixi: Nga ki bhangela mukonda Jihova ua ku undu mu kukala u muenexi mu undundu ué.

I Samuuele 26:19

Bhenhabha-phe, kùku, nga ku diondo, ngʼívue hanji o kuzuela, ngi mubhikʼé: O ki kala Jihova muene ua ku vunza ku ngi zukutisa, ngi mu satele, a ngi tambulule; o ki kala-phe anʼ athu ngó a ka vunza, Jihova a a bhubhidile bhu pholo iê, kuma a ngi kaie, kizuua kia lelu, phala ngi kambe kididi mu undundu ua Jihova, mukua ni kuila, exi: Ndeie, ka bhikile nzambi jengi.