II Samuuele 20:16 - O Mikanda Ikola

¹⁶ Anga mu mbonge, mu kala muhatu, mukua kilunji, u kola, uixi: Ivenu; nga mi diondo, ambelenu Jouabe, a zukame kunu ngi mu zuelese.

II Samuuele 20:16 ပူးပေါင်းရင်းမြစ်များ

II Samuuele 14:2

Jouabe anga u tuma ku Tekoua, u takana-ku muhatu mukua kilunji, anga u mu ambela, uixi: Nga ku diondo, u di bhangesa kala muthu ku muẋima kua mu bolo, uala mu dila dikokolo; u di ta izuatu ia luto, kana ku di uesa maji, u kala muene kala muthu ua bhange thembu iavulu ku luto mu dila difundu.

II Samuuele 20:17

Muene anga u mu zukama. Muhatu anga u zuela, uixi: Eie muene Jouabe? Uixi: Eme muene. Kuala muhatu: Ngʼivue-phe tumaka, ngi kahatu kê. Uixi: Eme ngʼivua.

II Samuuele 20:22

Muhatu anga uia ku mundu uoso hé u a zuelela ni kilunji kiê kioso. Ene anga a batula mútue ua Seba, monʼa Bikidi, a u takuila ku kanga kua Jouabe. Muene anga u xika koloneta, ku mbonge a tundu-ku, a muangana kala muthu ku balaka iê. Jouabe anga u vutuka mu Jeluzaleme kua muenexi.

Daniiele 2:14

Daniiele anga u di tongesa kiambote ni Adiioke, kabhitango ka alangidi a sobha, uatundile ni ngonge mu jibha o jinjimu mu Babilónia.

I Samuuele 25:3

Muthu iú dijina diê Nabale, o múkajiʼê dijina diê Abingaíle; muhatu iú anga u kala ni kilunji kiambote, anga u uabha ue o pholo kiavulu muene. O diiala-phe u bhonza, anga ukala mukua phulu; muene u tokala ku muiji ua Kalebe.