II Samuuele 20:10 - O Mikanda Ikola

¹⁰ Amasa-phe xibhata iala bhu lukuaku lua Jouabe ka i mono. Kienhiki-phe muene u mu ta na-iu mu divumu, mídia iê u i sukumuina bhoxi. Ka mu tona dingi, anga u fuila bhobho. Ni Jouabe-phe ni Abisai phangʼiê, hé aia ni kukaiela Seba, monʼa Bikidi.

II Samuuele 20:10 ပူးပေါင်းရင်းမြစ်များ

Dimatekenu 4:8

Kaini anga u zuela ni phangʼê Abele, uixi: Tuie ku mukáu. O kioso kiala kiiadi kiâ mu mukáu, anga ki bhita-phe kuila Kaini u lungulukila Abele, phangʼiê, hé u mu jibha.

II Samuuele 2:23

Muene-phe kuma ka xikina ku mu batuka, Abinele anga u mu ẋuka ni muxixi ua dionga diê bhu lumbanji lua katatu, mukutu uê anga u kubuka, sosa ia tundidila kuema; anga u dibhala, u fuila bhu kididi kienhokio. Bhenhobho-phe oso a tula kididi bhua dibhalela Azaiele, bhua fuila, emana hanji ni ku mu tala.

II Samuuele 20:9

Jouabe anga uambela Amasa, uixi: Uala kiambote phangʼiami? Jouabe anga u kuata Amasa ku muezu ni lukuaku lua kúdia, mu ku mu bhana beju.

II Samuuele 3:27

Abinele-phe kia zubha ku vutuka bhu Hebolone, Jouabe u takananê bhu muelu ua kimbaka, anga u abhuka-nê bhu mbandu, kala phala kuzuela-nê maka bhu ubheka, bhenhobho anga u mu toma iene ia jimbanji, u fuila bhobho, mukonda dia ku mu vutuila o phonzo ia manhinga ma Azaiele ndengʼiê.

I Malunda 12:2

Abhakata jinga o mifula, o mu kutakula o matadi atakula ni lukuaku lua kúdia ni lua kiasu, ni kuona madionga ni mifula, Enhá akua Bejamí, jiphange ja Saúlu.

Jelemiia 41:2

Anga Ijimaiele, monʼa Netaniia, u balumuka, kumoxi ni kuinhi diê dia muthu dia kexi na-diu, anga a kuama Jedaliia, monʼa Haikane, monʼa Safane, ni xibhata, kienhiki anga a jibha ió a mu tele ku ukota ua xi, kuala sobha ia Babilonha.

Dialuilu 35:20

Hé ua mu nenguna mukonda ua mu zembe, mba ua mu batamena, hé u mu takula kimbamba, muthu iú ua fu,

Afundixi 3:15

Anʼa Izalaiele-phe anga a di kola kua Jihova, Jihova anga u a zangelekela mubhuludi uâ, muene Ehudi monʼa Jela, mukua muiji ua Bejamí, mukua kiasu. Anʼa Izalaiele anga a mu katula kuia mu kubheka ujitu kua Engolone sobha ia Mouabhe.

Afundixi 3:21

Muene anga u balumuka mu kialu muala. Ehudi anga u sunga lukuaku luê lua kiasu, u fomona xibhata ia maneka ku ditabela dia kúdia, u mu toma na-iu mu mala;

I Samuuele 26:8

Abisai anga u ambela Davidi, uixi: Nzambi ua ku thelekala nguma ié bhu lukuaku kizuua kia lelu. Kiki-phe ngehele, nga ku diondo, ngi mu tome ni dionga, ngi mu phaphele mu mavu; ngi mu ta ngó lumoxi luene, ki ngi mu tona dingi.