II Samuuele 2:7 - O Mikanda Ikola

⁷ O ki tualʼiki-phe, kolenu maku, mu bhange undanda; kuma muadiʼenu Saúlo uafu, o muiji ua Juda a ngʼundu eme mu kala sobha iâ.

II Samuuele 2:7 ပူးပေါင်းရင်းမြစ်များ

Dimatekenu 15:1

Kia zubha kubhita imʼiii, kizuelu X kia Jihova ki sanga Mbalamu ku kilu, uixi: Ku kale ni uoma mbata eme ngi ngubu ié, ngi kisakidilu kié kiavulu o kuvula.

II Samuuele 10:12

Tu kodienu maku ni mixima, tu bhange undanda mu bhângela o mundu uetu ni mabhata ma Nzambi ietu; o Jihova a tu bhange kioso muene kia mu uabhela ku mesu mê.

II Samuuele 2:6

Kiki-phe Jihova a mi sakidile o henda ienu, a mi bhange kidi; eme uami ngi mi sakidila o henda ienu, ki mua tena kubhanga kienhiki.

II Samuuele 2:8

Kiosuʼiki-phe imiʼiii ki iala kubhita, Abinele monʼa Nedi, Kabhitangu ka kifuxi kia Saúlo, ua katula Ixi-bozete monʼa Saúlo, u zaúka-nê ku Mahanaimi,

II Samuuele 5:3

Kienhiki adiakimi oso a Izalaiele anga eza kua muenexi bhu Hebolone, muenexi Davidi anga u ta-nâ kikutu bhu Hebolone bhu pholo ia Jihova; Davidi anga a mu unda ku ungana ua Izalaiele.

II Jisobha 11:12

Muene-phe anga u zangula monʼa sobha, u mu ta o kitundu ku mútue hé u mu bhana o umbangi; anga u mu bhanga sobha, a mu unda ni maji, a beta jimbanda ni kudikola, exi: A tane-ku, sobha!

Nehemiia 2:18

Hé nga a jimbuila kiua kia ngi kuatekesele o lukuaku lua henda ia Nzambi iami, nga a tudila ue o maka moso ma sobha, ma ngi tangelele. Kuala ene: Ndokuenu, tu balumuke, phala tu tunge! Anga abhua uoma, hé a kolokotesa maku mâ mu kubhanga kiambote o kikalakalu.

I Kolindo 16:13

Di langienu, mu di fikidile mu kuxikana. Bhangenu ukuenze, mu suine.

Efezo 6:10

Ki tualʼ iki-phe, suinenu mua Ngana, ni mu kutena kua nguzu iê.

I Samuuele 31:12

mala oso a nguzu-phe a balumuka, enda usuku uoso, hé a katula kimbi kia Saúlo, ni imbi ia anʼê, ku kimbaka kia Bete-Sane; eza na-iu bhu Jabezi, a i ohela bhobho.

I Samuuele 31:7

Akua Izalaiele a tungu ku sámbua koko dia kibota, ni akua sámbua diodio dia Njolodá, kia mono kuma akua Izalaiele a a tolola ia a lenge, ni Saúlu ni anʼê afu, mu mabhata mâ a tunda-mu, a lenga; akua Fidíxia-phe anga eza, a bhingana mu mabhata mâ.

I Samuuele 4:9

Kolenu maku, mu bhange ukuenze, mu akua Fidíxia, phala ki mu kale mu abhika a Jihebeleu, kala ene kia kexile abhikʼenu; uene-phe kiá o uialʼú, bhângenu muene.