II Samuuele 2:5 - O Mikanda Ikola

⁵ Davidi anga u katula jiphunga, ua tuma ku akua Jabezi-Ngiliiade, uixi: Jihova a mi benzele, kuma muedikiza ujitu kua muadiʼenu Saúlo, mua mu fûndu!

II Samuuele 2:5 ပူးပေါင်းရင်းမြစ်များ

Dimatekenu 14:19

Anga u mu tanesa, uixi: Tana-ku, tana-ku! Eie u Mbalamu ia Nzambi Suke-ku, uavu o diulu ni ixi.

Dimatekenu 14:22

Mbalamu anga u ambela sobha ia Sodoma, uixi: Nga zangula lukuaku luami kua Jihova, Nzambi Suke-ku, uaʼvu o diulu ni ixi,

II Samuuele 15:20

Kuma eie mazá ueza, kifua lelu ki tokala ngi ku bheka dingi mu bungana ni etu, eme mueneʼami ku nga mu kuila manhí? Vutuka eie muene, ni jiphange jé vutuka-nâ kumoxi; ni kiadi-phe ni kidi ki kale bhuoso bhu uala.

II Samuuele 21:12

Davidi anga uia u katula ifuba ia Saúlo ni ifuba ia monʼê Jonata kua akua Jabezi-Ngileiade, kuma ene ue a i nhanene mu nzunga ia Bete-Sane, bhuoso bhua i nhengene kuala akua Fidíxia, kizuua kia jibha Saúlo kuala akua Fidíxia mu Jileboua.

Jisálamu 115:15

A mi zediuise kuala Jihova, ua bhanga o diulu ni ixi.

Josuué 2:14

Mala anga a mu vutuila, exi: Mienhu ietu iene i futa o mienhu ienu, hé muafu, kikale-phe u di xibha na-kiu, kioso kia tu bheka ku ki tange ku muthu. Hinu-phe kuila Jihova ua tu bhana kiá ixi ii, eie tu ku bhanga kiambote ni kidi.

Afundixi 21:8

Anga a zuela, exi: Muiji kuxi-phe, ku miiji ia Izalaiele, ua kambele kubanda kua Jihova bhu Mixipa? Mu kuibhula-phe anga a mona kuila bhu kibangu ki bhuala muthu ua tundu bhu Jabezi dia Ngiliiade iu ueza bhu kionge.

Lute 1:8

Mu njila kioso kia muia ni kuenda, Nouemi anga u ambela akaji a anʼê, uixi; Ndokuenu kiá, mu vutuke kala muthu ku bhata dia manhʼâ; o Jihova a mi bhange o mbote, kala enu ki mua i bhange o madifundu, kala ue ki mua ngi bhange-iu eme.

Lute 2:20

Nouemi bhenhobho anga u ambela mukaji a monʼê, uixi: A tane-ku muenhó uoso ua ku tambulula! A kale ni dibesá dia Jihova! Manhi o henda ia Jivova ii-ié hanji, kiluua i batuka kua iá ala ku muenhu ni ku ma difunduʼetu afu kiá! Nouemi anga u zuela dingi, uixi: Diialʼodio ndandu ietu, ndandu ia zukama muene! Muene ue muthu ku malembʼetu a fuama o ku tu kula ni kubhanga ndundula.

Lute 3:10

Kuala Bouaji: Jihova a ku bhane dibesá, monʼami! Mukonda o mbote iii i ua sukidila kubhanga iala kota, o i ua diangele kubhanga iala ndenge; kuma eie kua kaiela mala a minzangala, a kale jingadiama, mba a kale akua itadi, ki ene u ua suu.

I Samuuele 11:1

Kioso ki bhua bhiti mbeji, Nahaxi mukua Amone anga uiza u konda Jabezi-Ngiliiade ni kilômbo kiê; mala ma akua Jabezi anga ambela Nahaxi, exi: Tu bangane kioso kia tokala, phala tu ku bhikile.

I Samuuele 11:9

Anga ambela jiphunga jeza, exi: Mua kà tangela akua Jabezi-Ngiliiade, kiki: Mungu katé bhu tuila muanha, mua kà bhanduluka. Jiphunga anga jiza ji kundila akua Jabezi, ene anga a sanguluka.

I Samuuele 15:13

Samuuele anga u mu kaiela kunhoko hé u bhiẋila bhuala Saúlo, o Saúlo kia mu mono anga u mu ambela, uixi: Tana-ku, eie u muthu ua Jihova. Nga kumbidila kioso kia ngi tumu Jihova.

I Samuuele 23:21

Saúlo anga u a ambela, uixi: Jihova a mi benzele; kuma mua ngi kuatela henda.

I Samuuele 24:19

Mukonda muthu kuxi ua kuata kiá nguma iê, anga u mu eha ngó nʼaie? Jihova a ku fute ni mbote, ku ioso i ua ngi bhange eie lelu.