II Samuuele 2:32 - O Mikanda Ikola

³² Anga a zangula Azaiele, a mu fûnda mu mbila ia tatʼâ ia kexe mu Beleme. Jouabe-phe ni makuenze mê enda usuku uoso uenhó, anga a bhixila bhu Hebolone, kuma ki kuandeka kúkia.

II Samuuele 2:32 ပူးပေါင်းရင်းမြစ်များ

Dimatekenu 47:29

Thembu anga i zukama ia Izalaiele kúfua; anga uixana monʼê Zuze, uixi: Ki ngalʼiki, se nga sange ngalasa ku mesuʼé, nga ku diondo, ta lukuaku lué koxi a ditabela diami, kuma u ngi bhanga kiadi ni kidi; kana ku ngi fûnda mu Ijito kunu, nga ku diondo!

Dimatekenu 47:30

Kizuua-phe ki ngiia ku kilu kuʼaia a tatʼetu, u ngʼambata, kunu ku Ijito u ngʼambata-ku, ua kà ngi fûnde mu mbila iami bhu kidindu kia tatʼetu. Zuze anga uitaia, uixi: Kioso ki ua zuela, kiene ki ngi bhanga. Jakobo anga u mu ambela dingi, uixi:

II Samuuele 2:31

Maji o makuenze a Davidi-phe a beta Bejamí, ni makuenze a Abinele, katé kuafu hâma jitatu ja mala ni makuinhi asamanu.

II Samuuele 5:1

Thembu ioso-phe miji ioso ia Izalaiele anga eza kua Davidi bhu Hebolone, exi: Etu-ze tu kifuba kié, tu xitu ié.

II Malunda 16:14

Inga a mu funda mu mbila iêmuène, ia di kandeia mu mbonge ia Davidi, anga a mu zekesa bhu hama iezalesa ni ima ia mazumba ni ima iate kiavulu, iò iudike kuala jimesene ja ima ia mazumba ma mbote; anga a mu bhangela kiohela kionène ni ima ienʼiii.

II Malunda 21:1

Kia bhiti ima iosuʼiii, Jozafate ua zeka ni jitata jê, anga a mu funda ni jitata jê mu sanzala ia Davidi; o Jolá, monʼê anga u hinga ungana bhu kididi kiê.

Jisabhu 22:29

Eie ua mono muthu uala ni makidikidi mu kikalakalu kiê? Muenhó-phe hinu a-nda ku mu xikika bhu pholo ia jingana; ka tena ku mu tula ngó bhuamoxi ni athu ió a sebhuluka.

Afundixi 8:32

Ngidiione monʼa Jouaji anga u fua, kia zubha kubhiẋila mu mivu iavulu, ua kuka muene; anga a mu funda mu mbila ia Jouaji tatʼâ, mu Ofila ia akua Abi-ezele.

I Samuuele 17:58

Saúlo anga u mu ibhula, uixi: Eie munzangala ua kime, u monʼa nanhi? Davidi uixi: Eme ngi monʼa mubhikʼé Jese, mukua Beleme.